འཇའ་ཚོན་གྱི་འཇིག་རྟེན་ན།

࿐རེ་མཆོང་།

- འཁོར་བའི་རླུང་འཚུབ་གསེབ་ན༎

- ང་ནི་སྤུར་བའི་ཤོག་བྱ༎

- གང་འབབ་དབང་ཤུགས་མེད་པར༎

- སེམས་ཀྱི་གར་སྟེགས་སྟེང་ན༎

- སྐྱིད་སྡུག་གར་ཚན་འཁྲབ་ཀྱིན༎

- ཡིན་ཡང་ན་ཟུག་ཁྲོད་ནས།།

- མདུན་སྐྱོད་བདེ་དོན་ཚོལ་ནས༎

- འཚོ་བར་རེ་ཆད་མ་གནོངས༎

- ལྟས་ན་ཆར་རྗེས་འཇའ་ཚོན༎

- ཚོར་ན་མདོག་ལས་མི་འདུག།

- འཇའ་ཚོན་འཇིག་རྟེན་ཁྲོད་ནས༎

- འཇིག་རྟེན་འཇའ་ཚོན་བཞིན་དུ༎

- དྲན་གདུང་སྐྱོ་ཕམ་ཡལ་ནས༎

- ནམ་ཡང་མཛེས་སྡུག་འཚོ་དགོས༎

- མི་ཚོགས་རླབས་རྒྱུན་ཁྲོད་ན༎

- ང་ཡང་མི་ཚོགས་ལྷན་དུ༎

- ཆོག་ཤེས་ཅུང་ཟད་མེད་པའི༎

- ཧམ་སེམས་མཁའ་ལྟར་ཀློང་བཞིན༎

- འདང་ཚིམ་མེད་པར་འཚོ་ཆེད༎

- ཁུར་གྱིས་ནོན་པས་གློ་བས༎

- དབུགས་ནི་ཡུན་རིང་འབྱིན་སོང་༎

- ཡིན་ཡང་འདས་ཟིན་བརྒལ་ནས༎

- ཕྱིར་དྲན་འགྱོད་གདུང་དོར་ནས༎

- མ་འོངས་རེ་བ་སྙེགས་དང་༎

- ང་ནི་ཕྱོགས་མེད་རྒྱུ་བའི༎

- སྤྲིན་ནག་འཕྲད་ཙམ་འདྲེས་ཀྱང་༎

- ད་ལྟར་ཚོར་མེད་བྲལ་སོང་༎

- འཇའ་ཚོན་འཇིག་རྟེན་ཁྲོད་ནས༎

- འཇིག་རྟེན་འཇའ་ཚོན་བཞིན་དུ༎

- སྐད་ཅིག་མཛེས་ལས་མེད་ནའང་༎

- འགྱོད་མེད་འོད་སྟོང་འཚེར་ཤོག།

-                                  ༢༠༢༣-༡༠-༡

࿐མངའ་བདག་ཁྲི་རལ་གྱིས་རྒྱལ་ཁྲི་འཛིན་པའི་དུས་སྐབས་སུ། རྒྱ་ལ་དམག་དྲངས་ནས་སྔར་ཡབ་མེས་ཀྱིས་མངའ་འོག་དུ་མ་ཚུད་པའི་ས་ཆ་ཤར་ཕྱོགས་སོ་ལ་ཤན་གྱི་རི་རྒྱུད་དར་དཀར་གྱི་ཡོལ་བ་འདྲ་བ་རྒྱ་བདག་པོ་ཟད་པའི་ས་མཚུམས་ལ་སྟུགས་ཏེ་དབང་དུ་བསྡུས། དེར་རྡོ་རིང་བཙུགས་ནས་འདི་ཡན་ཆོད་བོད་དབང་ཞེས་པའི་ཡི་གེ་བྲིས་ཏེ་བཞག་གོ། ལྷོ་ཕྱོགས་གློ་རྡོ་མོན། རྒྱ་གར་ལི་ཟླ། ཧོར་ག་གའི་རྒྱ་མཚོ་ལྕགས་ཀྱི་ས་འདྲ་གདོང་དྲུག་པ་བཏཊ་པ་ཚུན་ཆད་དབང་དུ་འདུས། ནུབ་ཕྱོགས་སྟག་གཟིག་གི་ས་མཚམས་རྒྱ་མཚོའི་འགྲམ་བྱེ་མ་དགང་རིངས་ཉ་སླང་བའི་རྒྱབ་འདྲ་བ་ལ་བཏུཊ་ཏེ་དབང་དུ་བསྡུས་ཏེ། མདོར་ན་འཛམ་བུ་གླིང་གི་གསུམ་གཉིས་ལ་མངའ་མཛད་དོ།།ཞེས་བྱུང་བ་དེ་དེབ་དཀར་ལས། སྙིང་སྟོབས་དགུ་འགྱུར་སྲོག་གི་དབྱུང་པ་ལ།རྟ་མཆོག་ཁྲོས་པའི་བཀའ་ཡི་རྒྱས་བཏབ་པའི།། སྲིན་པོ་གདོང་དམར་བོད་ཀྱི་དམག་དཔུང་གིས།།སུམ་ཉིས་ས་ཡི་དཀྱིལ་འཁོར་བཟུང་ཞེས་གྲགས།། ཞེས་བྱུང་ལ། ཕྱོགས་བཞིའི་རྒྱལ་རྒྱལ་ཕྲན་ཐམས་ཅད་ཀྱང་། ལོ་གསུམ་ནས་ཕོ་ཉ་དང་། སྤྱ་འབུལ་ཏེ་ཕྱག་འཚལ་ལོ། ཁྱད་པར་དུ་རྒྱའི་རྒྱལ་པོས་ཕྱག་དང་མཆོད་པ་འབུལ། སྤྱ་ཡང་འབུལ་ཅིང་།

࿐ངྷརྨ་ཙིནྟ་ནས་ཟིན་བྲིས་སུ་བཏབ།

࿐ཤར་ཕྱོགས་རི་བོའི་རྩེ་ནས། ། དཀར་གསལ་ཟླ་བ་ཤར་བྱུང༌། ། 


མ་སྐྱེས་ཨ་མའི་ཞལ་རས། ། ཡིད་ལ་འཁོར་འཁོར་བྱས་བྱུང༌། །


心头影事幻重重，化作佳人绝代容，


恰似东山山上月，轻轻走出最高峰。