ལོ་སར་སྨོན་ཚིག

མཁྱེན་བརྩེ་ཡོན་ཏན་བརྒྱ་ཡིས་ཐུགས་རྒྱུད་གཏམས། ། 

བསྟན་འགྲོའི་ཁུར་གྱིས་ཉིན་མཚན་མི་དལ་བ། ། 

བླ་མ་རྣམས་ཀྱི་སྐུ་ཚེ་ཡུན་རིང་བརྟན། ། 

མཛད་ཕྲིན་འོད་དཀར་ཕྱོགས་ཀུན་ཁྱབ་པར་སྨོན། ། 

སྟོན་པ་གཅིག་གི་བསྟན་པ་ལ་ཞུགས་ཤིང་། ། 

སློབ་དཔོན་གཅིག་གི་དྲུང་དུ་ཆོས་ཉན་པའི། ། 

ཆོས་གྲོགས་ཀུན་གྱི་ཐོས་དང་བསམ་པ་ཡི། ། 

ཤེས་རབ་གོང་ནས་གོང་དུ་འཕེལ་བར་སྨོན། ། 

ཁྱིམ་ཚང་གཅིག་གི་ནང་ནས་སྐྱེས་པ་འམ། ། 

ཤ་དང་ཁྲག་རྒྱུད་ཉེ་བའི་སྤུན་ཉེ་རྣམས། ། 

སེམས་ལ་དགེ་ལེགས་བློ་གྲོས་འབྱུང་བ་དང་། ། 

ལག་ཏུ་དཔལ་འབྱོར་རྙེད་པའི་སྨོན་ཚིག་ཞུ། ། 

ན་ནིང་ལོ་རྙིང་ཁ་རྩང་མཇུག་རྫོགས་ཏེ། ། 

ད་ལོའི་ལོ་གསར་དེ་རིང་གསར་དུ་ཚེས། ། 

ཐ་གྲུ་ཀུན་ན་གནས་པའི་བོད་པ་ཀུན། ། 

ཏཱ་རེ་ལྷ་ཡིས་རྟག་ཏུ་མགོན་སྐྱབས་མཛོད།

ཞེས་༢༠༢༤་བོད་ཟླ་༡་ཚེས་༡། 

༄༅།། ཕ་སྐད་དང་མ་ཡིག་ནིརྟག་ཏུ་རང་ཉིད་ཀྱི་ཤ་རྐང་རུས་གསུམ་ལ་འཐིམ་པའི་ཚོར་ཤེས་ཞིག་ཡོད་དགོས་པ་ལས་དུས་ཚིགས་ག་གེ་མོ་ཞིག་ལ་སླེབས་རྗེས་བྱ་རྒོད་རྟ་རོ་ལ་ཕྲད་ཕྲད་བྱས་དང་མ་བྱས་འདི་ཙམ་རེད།

ཕ་སྐད་རུས་པ་ཡིན་ཡང་དམུར་དགོས།།

མ་ཡིག་ས་རྒོད་ཡིན་ཡང་རྨོ་དགོས།།

ཕྱོགས་དུས་རྒྱལ་བ་ཀུན་གྱི་ཡེ་ཤེས་སྐུ། །
དཔལ་ལྡན་རྫོགས་པའི་སངས་རྒྱས་པདྨ་སྐྱེས། །
འཇམ་དཔལ་ཡིད་བཞིན་ནོར་བུར་གསོལ་བ་འདེབས། །
བཀྲ་ཤིས་དོན་ཀུན་འགྲུབ་པར་བྱིན་གྱིས་རློབས། །