འཚོ་བའི་ཁྲོད། མི་ངར་བ་ཞིག་ཡིན་ན་ཁ་ལག་གཉིས་ཀ་འཛོམས་དགོས། ཁ་ལག་གཉིས་ཀ་འཛོམས་དགོས་ཞེས་ན། རང་གི་སྐབས་བབས་ཀྱི་ལས་ཀའམ་འགན་འཁྲི་ལེགས་འགྲུབ་བྱེད་ཐུབ་མཁན་ཞིག་དང་། ལས་ཀ་མེད་པའི་སྐབས་སུ། མི་མང་གི་གྲལ་ནས་ཁ་བརྡ་བྱེད་ཐུབ་མཁན། ཀུ་རེ་བཤད་ཤེས་མཁན། ཆ་ཤས་ལེན་ཐུབ་མཁན་ཞིག་ཡིན་དགོས། མི་ཡི་ཁྲོད། དེ་གཉིས་ཀ་འཛོམས་མཁན། གཅིག་ལས་མི་འཛོམས་མཁན། གཅིག་ཀྱང་མི་འཛོམས་མཁན་བཅས་ཡོད་མོད། རང་ཉིད་འཇོན་ཐང་གི་ཅན་གྱི་མི་ཞིག་བྱ་འདོད་ན། དེ་གཉིས་ཀ་ཨེ་འཛོམས་ལ་ངེས་པར་དུ་འབད་པ་བྱ་དགོས་ལ། དེ་མི་ནུས་རུང་། གཅིག་འཛོམས་དགོས་ལ། གཅིག་དེ་ཡང་ལག་འཛོམས་པ་དེ་ཡིན་དགོས་སོ། །

རབ་ཏུ་མཆོད་པ་འོས་པའི་ལྷ་མོ་ལགས། །
ལག་ཏུ་འཛིན་པའི་མེ་ཏོག་དཀར་པོ་འདིར། །
བརྩེ་བའི་ཐུགས་ཀྱི་དགྱེས་ཉམས་བཞེད་རོགས་ཞུ། །
ཚེ་རབས་ཀུན་དུ་འབྲལ་མེད་སྨོན་ལམ་ཡོད། །

འདི་ནས་བརྩིས་པའི་མི་ལོ་བཞི་བརྒྱ་ལྔ་བཅུའི་མཚམས་སུ་སྐུ་འཁྲུངས་བའི་ཇོ་ནང་པ་རྗེ་བཙུན་ཏཱ་ར་ནཱ་ཐའི་གསུང་རྩོམ«བདག་ཉིད་ཀྱི་རྣམ་ཐར་ངེས་པར་བརྗོད་པའི་དེབ་གཏེར་མ་བཅོས་ལྷུག་པའི་རྟོགས་བརྗོད།»ཞེས་པ་རུ། “ ངེད་ལ་ཆུང་ངུའི་དུས་ནས་ཡུལ་སྤྱོད་ཉིད་ཀྱིས་ཉ་ཕག་སྒོང་གསུམ་དང་སྲོག་ཆགས་སྣ་ཚོགས་པའི་ཤ་ཟོས་པས་དེ་ལྟ་བུའི་ཟས་གྲིབ་ཀྱིས་བསྒྲིབས་པ་ཡིན་ནམ། རིག་པའི་འཇུག་སྒོ་འདི་ལ་དཔག་ན།

…… ཟས་ཀྱིས་སྒྲིབ་རྒྱུ་རང་ཅི་ཡོད་ཤར་བ་སྙམ་མོད། ལར་ནི་རྟེན་འབྲེལ་མཐའ་ཡས་པས་དེ་འདྲ་ཨང་སྲིད་པ་འདུག ”ཅེས་དང་།

གཞན་ཡང་སྔོན་དཔང་ལོ་ཆེན་པོ་སྐུ་ཆུང་ངུའི་དུས་ལུག་གི་འོ་མས་གསོས་པས་རྣམ་དཔྱོད་ཀྱི་ཕྱེད་འགྲིབས་པའི་གཏམ་རྒྱུད་ཀྱང་ཡོད།

ཉེ་རབས་དབང་རྩའི་ཚན་རིག་པ་དག་གི་ལྟ་དགོངས་དང་དཔྱདའབྲས་སོགས་ལས་བྱུང་བ་ལྟར་ན།

ཤ་དང་སྒོང་བ་འོ་མ་གསུམ་ནི་དགག་བྱའི་བཟའ་བཏུང་དུ་བགྲང་འདུག་པ་དང་དེས་མིའི་ལུས་ལ་བསྐྱེད་པའི་གནོད་པ་ནི་གོང་དུ་བཀོད་པ་བཞིན་རང་རེའི་མེས་པོ་གོང་མ་རྣམས་ཀྱིས་མི་ལོ་བཞི་བརྒྱ་ལྔ་བརྒྱའི་གོང་ནས་མྱོང་བ་དང་དཔྱད་པས་ཕུ་ཐག་བཅད་ཟིན་པ་དག་དང་གཅིག་ཏུ་སོང་འདུག་པ་མཐོང་དུས།

བློ་གྲོས་དང་ཤེས་བྱའི་རྩལ་ལ་ཐོགས་པ་མེད་པའི་མེས་པོ་དག་གི་རྣམ་དཔྱོད་དང་འཇོན་ཐང་ལ་ང་རྒྱལ་སྐྱེ་འོང་བ་ཞིག་མ་རེད་དམ།

འགོས་ལོ་གཞོན་ནུ་དཔལ་གྱི་རྣམ་ཐར་དུ།

ལོ་ཙཱ་བ་ཉིད་ཆུང་ངུའི་དུས་ནས་ཤ་མི་བཞེས་པའི་དམ་བཅའ་བཞག་ཅིང་།

སྐུ་ཚེ་གང་བོར་ཤ་མ་བཞེས་ཞེས་གསུངས་འདུག

རྣམ་དཔྱོད་ནི་ཕུལ་དུ་བྱུང་བས།

པཎ་ཆེན་ནགས་རིན་གྱིས་ཀྱང་བོད་ན་འགོས་ལོ་ལྟ་བུའི་ཤེས་རབ་ཅན་ཞིག་མ་མཐོང་གསུངས།

དེར་དཔགས་པས་ཀྱང་རྩི་ཤིང་དང་འབྲུ་རིགས་ཀྱི་བཟའ་བཏུང་ནི་ཆེས་རང་བྱུང་དང་གནོད་མེད་དུ་བསྟན་པ་ངང་གིས་གྲུབ་བོ་སྙམ།

____ རེ་ཀིས།