འཕགས་པ་ཀླུ་སྒྲུབ།
至尊龙树菩萨
རྒྱལ་ཡུམ་དགོངས་དོན་མཐའ་བྲལ་དེ་ཉིད་དོན།
རྟེན་འབྱུང་རིགས་ཚུལ་ཟབ་མོས་གསལ་མཁས་པའི།
རྒྱལ་བའི་ལུང་བཞིན་ཐེག་མཆོག་དབུ་མའི་སྲོལ།
འབྱེད་མཛད་ཀླུ་སྒྲུབ་ཞབས་ལ་གསོལ་བ་འདེབས།

མཚན་མོའི་དབྱངས།

ནགས་སྐྱ་རེངས།

མག་མོག་ཟླ་བ་ཤར་རིའི་ཟུར་ན་འདར།།
གློག་འོད་ཁྲ་འཁྱུག་སྤྲིན་ནག་གདོང་ལ་འཐམ།།
འབྲུག་སྒྲ་འུར་འུར་ལྡིར་བའི་བར་མཚམས་ན།།
གནམ་ལྕགས་ཐོག་མདས་སྤང་མཐའི་བྲག་ལ་རྡུང་།།

སྒེའུ་ཁུང་ཟུར་ནས་ཆར་པ་ཆག་ཆག་འབབ།།
འགྲམ་གྱི་རླུང་བུ་གྲང་མོ་ཤིར་ཤིར་རྒྱུག།
སྒོ་ཁྱི་ཟུག་པའི་སྡུག་ཡུས་རིང་མོའི་གཏམ།།
ལྷིང་འཇགས་མཚན་མོའི་ངག་དབྱངས་ལྐུག་བར་བྱས།།

མུན་པའི་ལྭ་བ་ནག་པོ་བཤུ་དགོས་བསམ།།
སྣུམ་སྒྲོན་འོད་ཐིག་ཆུང་ཆུང་་སྦར་དགོས་བསམ།།
མིག་མདངས་མེད་པའི་ངུ་ཤུམ་འཇམ་པོ་འདིས།།
མཚན་མོའི་ཚོར་བ་འདི་ཡང་འབྲི་དགོས་བསམ།།

བླ་མ་དཀོན་མཆོག་ཀུན་འདུས་ལ་གསོལ་བ་བཏབ་པས་བླ་མ་ཐམས་ཅད་ཀྱི་བྱིན་རླབས་འབྱུང་བར་ཤེས་ནས་གསོལ་བ་འདེབས་སོ།། མཁྱེན་བརྩེ་ནུས་པའི་དངོས་སྒྲུབ་བསྩལ་དུ་གསོལ།