སྣང་བའི་རི་མོ

ཞབས་ཀྱིས་བཅག་པའི་རྡུལ་ཕྲན་དེར
རྨི་ལམ་གྱི་ཁང་ཆུང་ཞིག་བརྩིགས་འདོད

ཁང་ཆུང་དེར

ལུས་སེམས་ཀྱི་ངལ་དུབ་དང་སྐྱོ་སྣང་སུན་པ་ཡོད་ཚད
ཉི་འོད་ཀྱི་ལྡེབས་སུ་སྦས་པའི་ཆབས་རོམས་བཞིན་སྦས་འདོད

ནར་སོན་ཀྱི་རྒྱུད་རིམས་ཁྲོད་ནས

ཕྲག་ཏུ་བབ་པའི་ལས་འགན་དེ་གཟུགས་མེད་ཀྱི
རལ་གྲི་ཞིག་དང་འདྲ་བར་རྩ་སྦུགས་རེ་རེར་དུམ་བུར་བཅད

སེམས་ཀྱི་སྦུབས་སུ་སྦས་པའི་ན་ཟུག་དག

སྣང་བའི་དབྱངས་ལ་བརྒྱུས་པའི་སྙན་འཇེབས་ཀྱི་རོལ་མོའི
ཀློང་དུ་གནམ་ཀྱི་སྤྲིན་པ་རླུང་གིས་ཁུར་བ་བཞིན་སྐུར་འདོད

࿐ལུ་གུ་མེ་ཏོག

࿐ དེ་རིང་ནི་༧ཕ་བླ་མ་རྡོ་རྗེ་འཆང་ཆེན་པོས་བྱང་ཕྱོགས་ཤམ་བྷ་ལར་གྲོང་ཁྱེར་བྱེ་བ་ཁྲག་དགུ་བརྒྱའི་རྒྱལ་བློན་འཁོར་འབངས་ཡོངས་ལ་དཔལ་དུས་ཀྱི་འཁོར་ལོའི་དབང་ཆེན་ཟབ་མོ་ལེགས་པར་བསྩལ་བའི་དུས་ཆེན་ཁྱད་པར་ཅན་ཞིག་ཡིན་པས་ལས་སྨོན་དམ་ཚིག་གཅིག་ཏུ་འབྲེལ་བའི་སྐལ་ལྡན་གདུལ་བྱ་རྣམས་ཀྱི་གསོལ་འདེབས་དགེ་སྒྲུབ་སོགས་ལ་འབད་པར་མཛོད་མཛོད།།
སྟོང་ཉིད་སྙིང་རྗེའི་བདག་ཉིད་ཅན།།
སྲིད་གསུམ་སྐྱེ་དང་འཇིགས་པ་མེད།།
ཤེས་དང་ཤེས་བྱ་གཅིག་པའི་སྐུ།།
དཔལ་ལྡན་དུས་འཁོར་ལ་ཕྱག་འཚལ།།

གནས་འདིར་རྒྱུན་སྡོད་གང་ཟག་སུ་ཡིན་རུང་།།
སྲིད་པ་གསུམ་གྱི་བླ༵་མ༵ར་བྱ་རུ༵ང་བར།།
གནས་ཀྱིས་གང་ཟག་བྱིན་གྱིས་རློབས་པས་ན།།
བླ་མ་རུང་ཞེས་གནས་ཀྱི་མཚན་དུ་གྲགས།།

࿐ མཁན་པོ་ཏེ་པས།