ཧོ། རྩ་གསུམ་ཀུན་འདུས་སེང་ཆེན་རྒྱལ་པོ།།
མཆོག་གསུམ་བཀྲ་ཤིས་སྙན་པའི་ནོར་བུ།།
སྐུ་རྗེ་དོན་འགྲུབ་ཝེར་མ་དཀར་པོ།།
བཀྲ་ཤིས་དགེ་ལེགས་ཕུན་སུམ་ཚོགས་མཛོད།།
ཨེ་མ་ཧོ། ཨེ་མ་ཧོ།

སྐུ་ཡི་བཀྲ་ཤིས་ཡིད་འོང་བྱིན་ཆགས།།
ནད་མེད་བདེ་སྐྱིད་འཕེལ་བའི་རང་བཞིན།།
མི་ནུབ་རྒྱལ་མཚན་ལྟ་བུའི་བཀྲ་ཤིས།།
འདིར་ཚོགས་ཡོངས་ལ་འཛོམ་པར་ཤོག་ཅིག།
ཨེ་མ་ཧོ། ཨེ་མ་ཧོ།

གསུང་གིབཀྲ་ཤིས་དགའ་སྐྱིད་གླུ་དབྱངས།།
སྙན་གྲགས་ས་སྟེང་ཁྱབ་པར་སྒྲོགས་པ།།
འགགས་མེད་དུང་སྒྲ་ལྟ་བུའི་བཀྲ་ཤིས།།
འདིར་ཚོགས་ཡོངས་ལ་འཛོམ་པར་ཤོག་ཅིག།
ཨེ་མ་ཧོ། ཨེ་མ་ཧོ།

ཐུགས་ཀྱི་བཀྲ་ཤིས་ཆོས་ཀྱི་ཞིང་ས།།
བདེ་སྟོང་གསལ་འབར་བག་དྲོ་ལྷུན་ཆགས།།
མི་འགྱུར་ནམ་མཁའ་ལྟ་བུའི་བཀྲ་ཤིས།།
འདིར་ཚོགས་ཡོངས་ལ་འཛོམ་པར་ཤོག་ཅིག།
ཨེ་མ་ཧོ། ཨེ་མ་ཧོ།

ཡོན་ཏན་བཀྲ་ཤིས་དགོས་འདོད་ཀུན་འབྱུང་།།
ཆོས་སྲིད་ཕུན་ཚོགས་བསྟན་པ་དར་རྒྱས།།
བསམ་འཕེལ་ནོར་བུ་ལྟ་བུའི་བཀྲ་ཤིས།།
འདིར་ཚོགས་ཡོངས་ལ་འཛོམ་པར་ཤོག་ཅིག།
ཨེ་མ་ཧོ། ཨེ་མ་ཧོ།

ཕྲིན་ལས་བཀྲ་ཤིས་མཐུ་སྟོབས་དཔལ་འབར།།
ཕྱོགས་ལས་རྣམ་རྒྱལ་དབུ་འཕང་མཐོ་བའི།།
དགུང་ལ་ཉི་ཟླ་ལྟ་བུའི་བཀྲ་ཤིས།།
འདིར་ཚོགས་ཡོངས་ལ་འཛོམ་པར་ཤོག་ཅིག།
ཨེ་མ་ཧོ། ཨེ་མ་ཧོ།

གནས་འདི་མཁའ་སྤྱོད་མཐོང་བ་ཀུན་སྨོན།།
འདིར་ཚོགས་དཔའ་ཐུལ་དྭངས་སྨན་རིག་འཛིན།།
མི་འབྲལ་ཚོམ་བུ་གཅིག་ཏུ་ཚོགས་ནས།།
བདེ་ཆེན་འགྲུབ་པའི་བཀྲ་ཤིས་ཤོག་ཅིག །།
མཛད་པ་པོ་་མི་ཕམ་རིན་པོ་ཆེ།།

དཔལ་སྤྲུལ་རིན་པོ་ཆེས།
སྐྱབས་འགྲོ་ལ་སོགས་འབུམ་ལྔ་སྦྱངས་ནས། །
མོས་གུས་གསང་ལམ་བླ་མའི་རྣལ་འབྱོར། །
འབུམ་ཕྲག་བརྒྱ་ཡི་བསྙེན་པ་སྐྱེལ་བ། །
བརྒྱུད་པ་འདི་ཡི་ཕྱག་སྲོལ་ལགས་མོད། །

#རྗེ་འབངས་ཉེར་ལྔ།# ༡༣༽ སྣ་ནམ་ཡེ་ཤེས།
སྐ་ཅོག་ཞང་གསུམ་དུ་གྲགས་པའི་ནང་གསེས་ཞང་གི་བནྡེ་ཡེ་ཤེས་སྡེ་ཡིན་པར་བཞེད་དེ། སྒྱུར་བྱེད་ཀྱི་ལོ་ཙཱ་མཁས་པའི་ཕུལ་དུ་ཕྱིན་ཞིང་ནམ་མཁའ་ལ་བྱ་ལྟར་འཕུར་བར་ནུས་པའི་རྫུ་འཕྲུལ་ལ་མངའ་དབང་འབྱོར་བའི་གྲུབ་ཐོབ་ཆེན་པོ་སྟེ་མཁས་གྲུབ་གཉིས་ཀ་དང་ལྡན་པ། རྟེན་རབ་བྱུང་ཡིན་པར་སྣང་ངོ།། འདི་ཉིད་ཕུར་པའི་བཀའ་བབས་ཆེན་པོར་གྱུར་པས་བར་སྐབས་སུ་ཕུར་པ་སྣ་ནམ་ལུགས་ཞེས་དར་རྒྱས་བཟང་པོར་བྱུང་བར་མངོན་ཅིང་ད་ལྟའང་དྷ་ཏི་རྒྱས་འབྲིང་བསྡུས་གསུམ་ལ་བརྟེན་པའི་ཡིག་སྣ་ཅི་རིགས་ཡོད་པར་སྣང་ངོ།།