ཕ་རྗེས་བཟང་སྤོ་ལོ་རུ་ཁག་ལ་རྟེན་འབྲེལ་ཞུ།
རྒྱང་རིང་ལམ་ཐག་ཅང་ཤེས་བང་གིས་གཅོད།།
འཇིགས་མེད་དཔུང་པ་དགྲ་སྡེ་ཀླད་ལ་འཕྱར།།
ཡང་རྩལ་བདེ་ཅག་འཁྱུག་པའི་སྤོ་ལོ་རྩེ།།
འདི་དག་གདོང་དམར་བཙན་གྱི་སྲོལ་རྒྱུན་ནོ།།
གཞུང་བཟང་ལྷག་བསམ་ཨ་ཕ་སྤྲེལ་གྱིས་བྱིན།།
རྣམ་དཔྱོད་རང་ཚུགས་བྲག་སྲིན་ཨ་མས་གནང་།།
ཡིག་དྲུག་དབྱངས་རྟ་མཐའ་ལ་མ་ཡལ་བའི།།
སྤུར་རྒྱལ་གདུང་གི་བརྒྱུད་པ་ཨེ་མ་རྨད།།

སློབ་དཔོན་རྟ་དབྱངས་ཀྱི་རྣམ་ཐར་མདོར་བསྡུས།

​འཕགས་ཡུལ་གྱི་ཆེན་པོ་བཞིའི་ཡ་གྱལ་སློབ་དཔོན་དཔའ་བོ་སྟེ། རྒྱ་གར་ནུབ་ཕྱོགས་སུ་ཡབ་བྲམ་ཟེ་ཚེའི་རིག་བྱེད་ཡན་ལག་བརྒྱད་ལ་བྱང་ཆུབ་པ་སྨན་པ་ཆེན་པོ་སེང་གེ་གསང་བ་དང༌། ཡུམ་རིན་ཆེན་དངོས་གྲུབ་གཉིས་ཀྱི་སྲས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་བྲམ་ཟེའི་ཆོས་རིག་བྱེད་བཞི་དང༌། རིག་བྱེད་ཀྱི་ཡན་ལག་བཞི། ཉེ་བའི་ཡན་ལག་བཞི། ལས་དྲུག་སོགས་ལ་མཁས་པར་སྦྱངས། ཁྱད་པར་དུ་ཡབ་ལས་གསོ་བ་རིག་པ་བསླབས་པས་ཚེགས་མེད་དུ་མཁྱེན། ཕྱི་པའི་བསྟན་པ་ལ་ཞུགས། གསུང་སྙན་པས་རྟ་དབྱངས་སུ་གྲགས། མུ་སྟེགས་རྟག་པ་སྨྲ་བའི་ལུགས་ལ་མཁས་པར་གྱུར་ནས་ནུབ་ཕྱོགས་ཀྱི་ནང་པའི་པཎྜི་ཏ་རྣམས་དང་བརྩད་པས་རྟ་དབྱངས་རྒྱལ་ཏེ་ནང་པའི་བསྟན་པ་བསྣུབས་ནས་ཕྱི་པའི་ལུགས་སུ་བསྒྱུར་ཅིང་ལྷོ་ཕྱོགས་སུ་རྩོད་པར་ཕེབས་པ་ལས། སློབ་དཔོན་ཀླུ་སྒྲུབ་ཀྱི་སློབ་མ་འཕགས་པ་ལྷ། རྟ་དབྱངས་དང་ཕྱི་ནང་གི་གྲུབ་མཐའ་རྩོད་པར་ཕེབས་ནས་རྟ་དབྱངས་ཚར་བཅད་དེ་ནང་པའི་རིང་ལུགས་སུ་བསྒྱུར། ཕྱིས་སུ་དཔལ་མགོན་ཀླུ་སྒྲུབ་ཡབ་སྲས་ཀྱི་སློབ་མ་མཛད། ཕྱི་ནང་གཉིས་ཀྱི་གྲུབ་མཐའ་དང་སྙན་ངག་སོགས་རིག་བྱེད་ལ་ཤིན་ཏུ་མཁས་པར་གྱུར། མཚན་དཀོན་ཅོག་འབངས་ཞེས་གྲགས། སྔར་སངས་རྒྱས་ཀྱི་བསྟན་པ་ལ་གནོད་པའི་ལས་བྱས་པ་རྣམས་བཤགས་པའི་ཆེད་དུ་སྟོན་པ་རིན་པོ་ཆེའི་སྐྱེས་རབས་ལ་བསྟོད་པ་སྙན་ངག་དཔག་བསམ་འཁྲི་ཤིང་དང་གཞན་ཡང་། སྐྱེ་རབས་སོ་བཞི་པ་དང་། སངས་རྒྱས་ཀྱི་སྤྱོད་པ་དང་། མཛེས་དགའ་བོའི་བརྟོགས་རྗོད་ཀྱི་མཚོན་པའི་བསྟན་བཅོས་སྤྱི་དང༌། ཁྱད་པར་དུ་གསོ་བ་རིག་པའི་གཞུང་ཡན་ལག་བརྒྱད་པ་ཆེན་པོ། ཡན་ལག་བརྒྱད་པ་ལ་འཇུག་པ། ཡན་ལག་བརྒྱད་པའི་སྙིང་པོ་བསྡུས་པ། དེའི་རང་འགྲེལ་སོགས་རིག་པའི་གནས་ལྔའི་གཞུང་མང་དུ་མཛད་པར་གྲགས། མཚན་གྱི་རྣམ་གྲངས་ལ། དཀོན་ཅོག་འབངས་དང་སློབ་དཔོན་དཔའ་བོ། རྟ་དབྱངས་དང་དཔལ་ལྡན་དཔའ་བོ་ཞེས་སོགས་གྲགས་སོ། །

#彭措书香[超话]# [微风]ཤེས་མེད་ཚོར་མེད་ངང་ཕྱི་ཟླ་གཉིས་པའི་ཟླ་མཇུག་ཏུ་བསླེབས། ལོ་སྐོར་ཟླ་བ་བཅུ་གཉིས་ལས། ཟླ་བ་འདི་ནི་ཅུང་དམིགས་བསལ་ཞིག་སྟེ། གཅིག་ན་ལོ་སར་སོགས་ཕར་འགྲོ་ཚུར་འོང་གི་སྐབས་སུ་ཁེལ་ལ། གཉིས་ན་དབོ་ཟླ་ལ་ཉིན་གྲངས་ཉེར་དགུ་ཙམ་ལས་མི་འདུག་པས། བྲེལ་ཟིང་གི་བར་ཀློང་འདིར་དུས་ཡུན་ཧ་ཅང་ཐུང་དྲགས་ཀྱང་། ང་ལ་མཚོན་ན་དངོས་གནས་ཐུང་ཡང་འགྲིག་བཞག་པའི་སྣང་བ་ཞིག་ངང་གིས་སྐྱེས།

ད་ནི་ཅི་གར་བཤད་དགོས་པ་མི་ཤེས་ཀྱང་། ཉེ་བའི་ལོ་འདི་དག་གི་རིང་ལ། ཕྱི་ཟླ་གཉིས་པ་ནི་ང་ལ་མཚོན་ན་རབ་ཏུ་བཀྲ་མི་ཤིས་པའི་ཟླ་ངོ་ཞིག་ཏུ་གྱུར། ལོ་ཡི་འཁོར་མོ་ཡུག་ཅིག་གི་ཆ་ནས་བཤད་ན། དཔྱིད་ཉིན་རིང་བོར་དྲོད་གསུམ་གྲང་གསུམ་ཟེར་བའི་གྲང་གསུམ་དེ། ངས་ནི་ཐེ་ཚོམ་མེད་པར་ཕྱི་ཟླ་གཉིས་པ་འདི་ཏན་ཏན་འཇོག་ངེས་ཤིང་། ཟླ་བ་འདིར་བྱུང་བའི་སྨྲེང་སྐྱོ་གློ་བུར་བ་དག་གིས་ངའི་ལུས་སེམས་ཁྱོན་ནས་སྦྲིད་པར་བྱས། ལས་དང་བྱ་བ་གང་ཡང་བར་ཆད་དང་ལམ་འགྲོ་འོང་བ་ཞིག་ཡེ་མེད་པས། སྐབས་ལན་རེར་གཏོལ་མེད་པར་དུ་ཆང་གི་ལོངས་སྤྱོད་དུ་གྱུར་ཞིང་། བྱ་དཀའ་བྱེད་གཏད་ཆེ་བའི་འགལ་རྐྱེན་འདི་དག་ཤིན་ཏུ་ཅ་ཟིང་པོ་རང་དུ་འདུག ཡིན་ན་ཡང་། དེ་རིང་ནི་ཟླ་ངོ་འདིའི་ཆེས་མཐའ་མཇུག་གི་ཉིན་མོ་རེད་འདུག ང་ལ་མཚོན་ན་ཕྱི་ཟླ་བདུན་པ་ནི་ཡོད་ཚད་ཀྱི་མགོ་རྩོམ་པའི་དུས་སྐབས་ཤིག་ཡིན་ངེས་ན། ཕྱི་ཟླ་གཉིས་པ་ནི་ཡོད་ཚད་མཇུག་སྒྲིལ་བའི་དུས་ཤིག་ཏུ་གཏན་ཁེལ་བྱས་ཆོག་པར་སྣང་། དེ་བས་ན། ཕྱི་ཟླ་གསུམ་པ་དང་ནང་སྒོས་ཕྱི་ཟླ་བདུན་པ་རེ་འདུན་དང་བཅས་ལམ་སེང་ཚེས་ཐུབ་པར་ཤིན་ཏུ་རྔམ་དགོས་པ་ཞིག་བྱུང་།

ཁ་སང་། ཕྱི་ཟླ་གཉིས་པའི་ཟླ་རེའི་ཟླ་མཇུག་གི་དཔེ་ཀློག་གཞི་ནས་ཚགས་སུ་ཆུད། དེབ་འདི་ནི་སྔར་གྱི་དཔེ་དེབ་གཞན་དག་དང་མི་འདྲ་བར་ཅུང་བློ་བསྐྱེད་ཀྱི་ཆ་མང་ཙམ་བདོག ། ལྷག་ཏུ་དེབ་འདིའི་ལེའུ་ལྔ་པ་སྟེ། རྒྱ་ནག་སྐད་དུ祈祷的力量ཞེས་པ་ལས། ནང་གསེས་1.向水传递人的情感དང་2.语言的能量 3.七角形水结晶的秘密 མཐའ་མ4.超越时空的祈祷བཅས་ཀྱི་ས་བཅད་འདི་དག་གིས་བློ་སེམས་རབ་ཏུ་འཕྲོག ནང་སྒོས་ས་བཅད་གཉིས་པ་ངག་གི་ནུས་ཚད་ཀྱི་སྐོར་ལས། ངས་སྐབས་རེར་ཁ་བཏོན་བྱེད་བཞིན་པའི་གཟུངས་སྔགས་ཁ་ཤས་ཀྱང་དྲན་མུས་སུ་འདུག་ལ། ཞིབ་འཇུག་གི་གྲུབ་དོན་འདི་ཉི་ཧོང་སོགས་ཐེག་པ་ཆེ་ཆུང་གི་ཡུལ་ལུང་མང་པོ་ཞིག་དང་། ལྷག་ཏུ་ཞུན་ཆགས་ཟུར་བདུན་མའི་གསང་བ་ལས་ཐིང་ཡོན་ཆུ་རགས་(藤原大坝)གྱི་སྣང་ཚུལ་དེས། ཅོལ་ཆུང་བྱབ་ཆུང་ཚོས་རྨོངས་དད་རེད་ཅེས་པའི་སྐར་མ་རྒྱག་སྟངས་ལའང་ཕྱིར་རྟོག་ཐེངས་ཤིག་བྱ་དགོས་ཐུག མ་ཡེ། ཟླ་བ་འདིར་ཁྱེད་ཀྱིས་དཔེ་དེབ་ཅི་ཞིག་བཀླགས་པ་ཡིན། དེབ་དེ་བརྒྱ་ལ་འུ་གཉིས་ཀས་མཉམ་སྤྱོད་ཐེངས་ཤིག་བྱས་ཐུབ་ན། ང་རང་དགའ་བ་འབུམ་གྱིས་བརྟས་ངེས་པ་མཇུག་ཁྲུན་ཆོད་ཨང་།

—2024/02/29ཉིན་ལ།