​
༈ སྐྱེས་བུ་དམ་པའི་རྟགས་བཅུ་གཅིག་ནི།
《十一种圣贤的特征》
༠༡ ཕྲག་དོག་དང་ང་རྒྱལ་ཆུང་བ་ནི་སྐྱེས་བུ་དམ་པའི་རྟགས།
01.嫉妒与骄傲微小,是圣贤的特征。
༠༢ འདོད་པ་ཆུང་ཞིང་དངོས་པོ་ངན་ངོན་ཙམ་གྱིས་ཆོག་ཤེས་པ་ནི་སྐྱེས་བུ་དམ་པའི་རྟགས།
02.贪心微小、安贫知足,是圣贤的特征。
༠༣ དཔའ་ཚུལ་དང་ཆེ་འགྱིང་དང་ང་རྒྱལ་མེད་པ་ནི་སྐྱེས་བུ་དམ་པའི་རྟགས།03.不炫耀气派、不摆架子、没有我慢,是圣贤的特征。
༠༤ ཚུལ་འཆོས་དང་ངོ་ལྐོག་མེད་པ་ནི་སྐྱེས་བུ་དམ་པའི་རྟགས།
04.不装模作样、不表里不一, 是圣贤的特征。
༠༥ བྱ་བ་གང་ཡང་བརྟགས་ཤིང་དཔྱད་ནས་ཤེས་བཞིན་དུ་དྲན་པས་ཟིན་པར་བྱེད་པ་ནི་སྐྱེས་བུ་དམ་པའི་རྟགས།
05.观察自己的一切行为,保持正念与正知,是圣贤的特征。
༠༦ ལས་རྒྱུ་འབྲས་མིག་གི་འབྲས་བུ་བཞིན་བསྲུང་བ་ནི་སྐྱེས་བུ་དམ་པའི་རྟགས།
06.对待因果如护眼中珠,是圣贤的特征。
༠༧ སྡོམ་པ་དང་དམ་ཚིག་ལ་ངོས་ལྐོག་མེད་པ་ནི་སྐྱེས་བུ་དམ་པའི་རྟགས།
07.对于戒律与三味耶的持守,没有人前人后的隐藏,是圣贤的特征。
༠༨ སེམས་ཅན་ལ་ཉེ་རིང་གསར་འགྲོགས་མེད་པ་ནི་སྐྱེས་བུ་དམ་པའི་རྟགས།
08.对众生不分亲疏远近,是圣贤的特征。
༠༩ གཞན་གྱིས་སྡིག་གསོག་པ་ལ་ཁོང་མི་ཁྲོ་ཞིང་བཟོད་པར་བྱེད་པ་ནི་སྐྱེས་བུ་དམ་པའི་རྟགས།
09.对造恶的人不怒、能容忍,是圣贤的特征。
༡༠ རྒྱལ་ཁ་ཐམས་ཅད་གཞན་ལ་སྟེར་ཞིང་ཕམ་ཁ་རང་ལ་ལེན་པ་ནི་སྐྱེས་བུ་དམ་པའི་རྟགས།
10.占便宜的事让给别人,吃亏的事自己承担,是圣贤的象征。
༡༡ བསམ་སྤྱོད་གང་ཡང་འཇིག་རྟེན་པ་གཞན་དང་མི་མཐུན་པ་ནི་སྐྱེས་བུ་དམ་པའི་རྟགས།
11.所作所思不同于世间凡俗,是圣贤的特征。
དེ་ནི་སྐྱེས་བུ་དམ་པའི་རྟགས་བཅུ་གཅིག་ཡིན་ནོ།།དེ་དག་ལས་ལྡོག་པ་ནི་སྐྱེས་བུ་ངན་པའི་རྟགས་ཡིན་ནོ། །
以上是十一种圣贤的特征,与此相反的即是“非圣贤”的特征。

བསོད་ནམས་ཉི་ཟླ་བཞིན་དུ་ལམ་སེ་ལམ།།
བརྩེ་བ་གངས་རི་བཞིན་དུ་བརྟན་སེ་བརྟན།།
ལོངས་སྤྱོད་རྒྱ་མཚོ་བཞིན་དུ་མེ་རེ་རེ།།
སྙན་གྲགས་གཡུ་འབྲུག་བཞིན་དུ་ལྡི་རི་རི།།
གཞིས་ཁྱིམ་ནམ་མཁའ་ལྟ་བུ་ཡངས་པ་དང་།།
འདོད་འདུན་སྐར་ཚོགས་བཞིན་དུ་རབ་བཀྲ་བའི།།
འཇིག་རྟེན་འདས་དང་མ་འདས་དགེ་ཚོགས་ཀུན།།
བློ་ལ་བླངས་པ་ཙམ་གྱིས་འགྲུབ་པ་ཡི།།
སྨོན་ལམ་ཆེན་མོ་རྗེ་བཙུན་ཏཱ་རེ་མས།།
དུས་ཀུན་སྐྱོངས་ཤིག་ཐུགས་རྗེས་མི་འདོར་རོགས།།

༢༠༢༤/༢/༢༧ མུ་ར་བས།

རང་ཉིད་རང་སྐྱོང་གི་བསམ་བློ།

     འཇིག་རྟེན་གྱི་ཐང་ཆེན་པོ་འདི་ནས་ང་ཚོ་སུ་དང་སུ་ཡིན་ཡང་གཅིག་པུར་སྡོང་པོ་སྐྱེ་བ་བཞིན་མིན་པར་ང་ཚོ་ལ་སྙིང་ཉེ་བའི་ཕ་མ། བློ་མཐུན་པའི་གྲོགས་པོ། སེམས་དཀར་བའི་མཛའ་གྲོགས། ལས་དབང་དང་སྟེར་དབང་གིས་འཕྲད་པའི་དགེ་སློབ། ཟུངས་ཁྲག་གི་ཆུ་རྒྱུན་འདྲེས་པའི་ཉེ་མའི་སོགས་རང་དང་ཉེ་བའི་འགྲོ་བ་གང་མང་ཞིག་ཡོད་པར་བདེན་མོད།  འོན་ཏང་དེ་དག་ནི་རང་གི་བཀའ་དྲིན་བཞག་ཡུལ། དྲིན་ལན་མཇལ་ས། ཕན་པ་སྒྲུབ་ཡུལ། བྱམས་བརྩེ་ཕུལ་ས། སྲི་ཞུ་ཞུ་གནས། ལྟོས་མེད་ཀྱི་དགེ་སེམས་སྐྱོང་ས། ཕངས་མེད་ཀྱི་དགེ་ལས་སྒྲུབ་ས་ཞིག་ལས། དེ་དག་ནི་ང་ཚོ་སྐྱོབས་པའི་ལྷ། གསོ་བའི་མགོན། ཚེ་འདིའི་དཔུང་གཉེན། ཕྱི་མའི་རྒྱབ་རྟེན། འགྱུར་མེད་ཀྱི་དཀོན་མཆོག ནུས་ལྡན་གྱི་སྲུང་མ། རང་ཉིད་དམ་པ་རུ་བསྐྲུན་པའི་བྱེད་པོ་གང་ཡང་མིན་ཏེ། ཕ་མས་འུ་ཚོ་བླ་ན་མེད་པའི་སྐྱེ་ཆེན་ཞིག་ཏུ་བསྐྲུན་ན་འདོད་ཀྱང་། འུ་ཚོ་རང་གིས་ལམ་དེ་མ་འཚོས་ན། ཁོ་ཅག་ལ་ཡོད་པ་ནི་བསམ་པ་ཙམ་ལས་ནུས་པ་མིན། གྲོགས་པོས་འུ་ཚོ་འཇིག་རྟེན་ཡང་དག་གི་ལམ་དུ་ཞུགས་ནས་འདི་བདེ་ཕྱི་སྐྱིད་ཀྱི་སྐྱེ་བུ་ཞིག་ཏུ་རེ་བ་བྱས་ཀྱང་། བཀའ་མོལ་གནང་ཡང་། འུ་ཚོ་རང་རང་གི་ལམ་འདི་མ་གདམ་ན་ནི། ཁོ་ཚོའི་རེ་བ་ནི་རྨི་ལམ་ཡིན་ལ། ཁོ་ཚོའི་བཀའ་མོལ་ནི་བྲག་ཅ་དང་འདྲའོ། །
              དགེ་རྒན་གྱི་རྟག་པར་འུ་ཚོའི་སྔུན་རྒྱབ་མདུན་གསུམ་ལ་ལྟ། འདས་མ་ད་གསུམ་ལ་སེམས། ཤེས་རབ་ལ་གོམ་འགྲོས་བསླབས། མི་གཤིས་ལ་མཛེས་རྒྱན་སྤྲད། ཁྱོད་རང་མཐའ་མེད་པའི་མཁའ་དབྱིངས་སུ་འཕུར་ནས། འགྲོ་བ་རིགས་དྲུག་ལ་བདུད་རྩི་དྲངས་པའི་དམ་པ་ཞིག་ཏུ་འགྱུར་གྱུར་སྐུལ་བ་བདེན་ནའང་། འུ་ཚོ་རེ་རེ་ནས་“རང་ཉིད་རང་སྐྱོང་གི་བསམ་བློའི”་འདུན་པ་དབུལ་ན། དགེ་རྒན་གྱི་ནུས་པ་ནི་ཆུ་སྐམ་པའི་ཞིང་ས་དང་འདྲ་བས། འབྲས་བུ་ཞིག་ཇི་ལྟར་སྨིན། ད་དུང་གཉེས་ཉེ་མཛའ་གྲོགས་སོགས་ཀྱིས་མཚོན་པའི་འུ་ཅག་དང་ཉེ་བའི་འགྲོ་བ་སུ་དང་སུ་ཡིན་ན། རང་ཉིད་དམྱལ་བ་ནས་ཕྱུང་སྟེ་ལྷ་ཡུལ་ལ་དྲངས་པའི་ནུས་པ་གཏན་ནས་མེད། དེ་བས་ཐུབ་པས་ཀྱང་“འགྲོ་བའི་སྡུག་བསྔལ་ཕྱག་གིས་མི་སེལ་ཞིག། ཉིད་ཀྱིས་རྟོགས་པ་གཞན་པ་སྤོབས་མིན་ཏེ།། ངས་ནི་ཁྱོད་ལ་ཐར་བའི་ཐབས་སྟོན་པས།། ཐར་བ་རང་ལ་རག་ལས་ཤེས་པར་གྱིས”་ཅེས་བཀའ་བསྩལ་བ་ལགས་སོ། །
           དེ་རིང་རང་ཉིད་བཟོད་དཀའ་བའི་སྡིག་རྩུབ་ཀྱི་བཙོན་དོད་དུ་ལྷུང་ན། ལུས་སྟེང་གི་ན་ཟུག་དང་སེམས་སྟེང་གི་མནར་བཅོད། མྱོང་བཞིན་པའི་དཀའ་སྡུག་དེ་ལ་ཇི་ལྟར་གཟུར་དགོས་མིན།  རང་རང་གི་ཤེས་རབ་དང་བྱམས་བརྩེ་སྙིང་རྗེ་བཅས་ལ་རག་ལས་པ་ལས།  ཨ་ཕ་ཨ་མའི་ཕྱག་གི་སེལ་མི་ནུས་ལ།  ཉེ་དང་གྲོགས་པོས་མེད་པ་གཏོང་མི་ནུས།  ཚེ་རབས་འཕྲེང་བ་བྱས་ནས་ཡོང་བའི་ཁྱོད་ཀྱི་དེ་རིང་གི་རྣམ་ཤེས་ཀྱིས། ཐོབ་པ་དཀའ་བའི་སང་ཉིན་གྱི་ཉི་མ་ལ། ལེགས་ཉེས་གང་ཞིག་གིས་འབྲས་བུ་མྱོང་པ་དང་། ཡག་སྡུག་གང་ཞིག་གིས་ལང་ཚོ་མངོན་པ་ནི། ད་ལྟ་ཁྱོད་ཉིད་ཀྱི་བསམ་གཞིག་དང་འདུན་པ། ཕུགས་བསམ་དང་རེ་བ། ཡིད་ཆེས་དང་ཕྱག་ལས། བཟོད་སྲན་དང་སྙིང་སྟོབས་ཁོ་ནའི་རྗེས་སུ་འབྲེལ་བ་ལས། སུ་ཞིག་གིས་ཁྱོད་ཀྱི་མ་འོངས་པར་བཀོད་སྒྲིག་མི་ཐུབ་བོ། །
           ཁྱོད་ཉིད་དམྱལ་བ་ལྷུང་ན་འཕེན་མཁན་ཡང་རང་ཉིད་ཡིན་ལ་སྐྱོབས་མཁན་ཡང་རང་ཉིད་ཡིན། “རང་ཉིད་རང་སྐྱོང་གི་བསམ་བློ”་ནི་ང་ཚོ་མི་ཞིག་ལྷ་རུ་འགྱུར་བའི་སྟག་གོན་ཡིན་ལ། རང་ལ་གཤོག་པ་ཐོག་པའི་སྔར་བརྟན་ཡིན། དེའི་ན་ངེས་པར་དུ་རང་ལ་འཕྲད་ངེས་སྐྱེན་གྱི་དགའ་སྐྱོ་ཆགས་སྡང་གི་བཙན་གནོན། ལྡོག་ཏུ་མེད་པའི་སྐྱེ་རྒ་ན་འཆི་ཡི་གཡུལ་འཐབ། གློ་བུར་དུ་འབྱུང་སྲིད་པའི་སྡུག་བསྔལ་གྱི་ཉེས་ཆད་དག་ལ། ཇི་ལྟར་གདོང་གཏོད་མིན་ནི་རང་ཁོ་ནས་ཐག་བཅོད་དགོས་པས། ང་ཚོར་ནམ་ཡང་“རང་ཉིད་རང་སྐྱོང་གི་བསམ་བློ”་མཁོ། ང་ཚོས་ངེས་པར་དུ་རང་ཉིད་ཀྱི་ལྟ་ན་སྡུག་པའི་མི་ཚེ་ལ་མཛེས་སྡུག་བསྐྲུན་དགོས། དཀོན་པའི་མཆོག་ཏུ་གྱུར་པའི་རང་ཉིད་ལ་རིན་ཐང་སྩོལ་དགོས། སུ་ཞིག་གི་རྒྱབ་སྐྱོར་དང་ཡིད་ཆེས། སེམས་ཁུར་དང་བྱེད་མིན་ལ་རེ་བ་བྱ་རྒྱུ་མ་ཡིན་པར། རང་གི་རྐང་པས་རང་ཁོ་ནར་སྐྱབས་པའི་དབེན་དོན་དེ་ཤེས་པ་གྱིས། རང་ཉིད་རང་གི་སྐྱབས་ཡིན་ལ། རང་ཉིད་རང་གི་དགྲ་ཡིན་པའི་གནས་ལུགས་དེ་ངེས་པར་དུ་མཁྱེན་པ་བྱོས།