#刘宇宁帝林# | #刘宇宁紫川# | #摩登兄弟[超话]#

月亮躲进云端，星星不再眨眼，万物均已困倦，请你安然入眠，祝你晚安！ɢᵒᵒᵈ ɴⁱᵍʰᵗ ✩ིྀ@摩登兄弟刘宇宁

https://t.cn/A6YfvGc4
https://t.cn/A6YT4i6h
刘宇宁燕子京[给力]刘宇宁珠帘玉幕刘宇宁魏劭[给力]刘宇宁折腰
刘宇宁卓不凡[给力]刘宇宁天行健
刘宇宁帝林[给力]刘宇宁紫川
摩登兄弟刘宇宁[虎爪比心]刘宇宁[虎爪比心]宁哥[虎爪比心]棚主[虎爪比心]lyn

༄༅།།ཚོར་བའི་རླབས་རིས།

བཀོད་མཛེས་ཡིད་འོང་མདོ་རྒྱུད་ལེགས་བཤད་ཀྱི་ཁང་པའི།།
ངེས་ལེགས་ལོངས་སྤྱོད་རྫོགས་པའི་ནང་བཀོད་དེ་ཡག་ཀྱང་།།
མཚན་ལྡན་བླ་མའི་མན་ངག་ལྡེ་མིག་དེ་མེད་ན།།
ཤེས་རབ་ཨུ་ཚུགས་ཅན་དེ་ཐར་རབས་ནི་མི་འདུག།

བྱིན་རླབས་བདུད་རྩིའི་གདམས་ངག་སྙིང་དབུས་སུ་འཁྱིལ་བའི།།
ངེས་དོན་བུམ་པ་བཟང་པོའི་བཤེས་གཉེན་ཞིག་མེད་ན།།
ཚུལ་མིན་ལས་ཀྱིས་བསྐྱེད་པའི་ཐོག་མེད་ཀྱི་གཅོང་ནད།།
ཐ་མལ་ཆུ་རྒོད་ཙམ་གྱིས་དག་ཐབས་ནི་མི་འདུག།།

སྔོན་བསགས་རྣམ་དཀར་ལས་འབྲས་བསོད་ནམས་ཀྱི་ཞིང་སར།།
བརྟན་མཁས་བཤེས་གཉེན་ཨུ་དམ་ཝ་ར་ཞིག་འཁྲུངས་ཏེ།།
བྱམས་བརྩེའི་འདབ་མ་རིས་མེད་འགྲོ་བ་ལ་བརྐྱངས་ན།།
མ་འདྲིས་མཛའ་བཤེས་སྟོན་མཆོག་ཁྱེད་ཉིད་ལས་མི་འདུག།

གུ་ཡངས་བློ་བདེ་ཨ་ཏིའི་མཁའ་དབྱིངས་སུ་འབྱམས་ཤིང་།།
བསྒོམ་མེད་འོད་གསལ་འཁོར་ལོའི་སྲོག་གནད་དེ་ཆུབ་པའི།།
རྒྱལ་སྲས་ས་འཛིན་སྤྱོད་པའི་མཛད་པ་ལ་བསམས་ན།།
ཆོས་སྐུ་ཀུན་བཟང་ཟེར་བ་ཁྱེད་ཉིད་ལས་མི་འདུག།

དུག་ལྔའི་རྟོག་པའི་འཚང་ཁ་བར་མེད་དུ་རྒྱག་ཅིང་།།
བག་མེད་ཆང་གིས་སྨྱོས་པའི་ར་རོ་ཡི་བུ་ལ།།
ཞལ་གསུང་ལྷ་ཆབ་གཙང་མའི་ཞལ་ཏ་ལ་བསམས་ན།།
ཕ་གཅིག་བླ་མ་ཟེར་བའི་ངེས་ཤེས་ཏེ་རྙེད་ཡོང་།།

ཁྱེད་སྐུ་དཔག་བསམ་ལྗོན་པའི་བསིལ་གྲིབ་ལ་བཅར་ན།།
ངེས་འབྱུང་རླུང་བུ་འཇམ་པོའི་རེག་བྱ་དེ་མྱོང་ལ།།
ཉོན་མོངས་ཚ་གདུང་སེལ་བའི་ནུས་པ་ལ་བསམས་ན།།
སྙིང་རྗེའི་བྱིན་རླབས་གོས་ཀྱི་དྲོད་ཁོལ་དེ་ཚོར་ཡོང་།།

གུས་ལྡན་དོན་གཉེར་སློབ་བུ་སྦྲང་ཆུང་གི་ཚོགས་ལ།།
ཉིན་མཚན་མི་དལ་ཆོས་ཕུང་བརྒྱད་ཁྲི་ཡི་སྙིང་བཅུད།།
མདོ་སྔགས་ཟེ་འབྲུ་གསར་བའི་དགའ་སྟོན་ལ་བསམས་ན།།
ས་སྟེང་བླ་མས་གང་ཡང་ཁྱེད་ལྷག་ཅིག་མི་འདུག།

ཆོས་བརྒྱད་འབྲུག་སྒྲ་རྒོད་པའི་སྙིགས་མ་ཡི་དུས་འདིར།།
ཆོས་མིན་གཟིག་ལྤགས་གྱོན་པ་ཤ་མོ་བཞིན་རྡོལ་ཡང་།།
ཆོས་མཐུན་སྐྱེ་བུའི་མ་བཅོས་ལྷད་མེད་ཀྱི་རང་བཞིན།།
ཆོས་ཚུགས་གསེར་གྱི་གར་བུའི་རང་མདངས་ནི་ལྷམ་མེ།།

རྩོད་ལྡན་ཡང་མཐར་སྐྱེས་པའི་ལས་དམན་གྱི་ཁྱུ་ཚོགས།།
སྔོན་བྱོན་རྒྱལ་བས་མ་ཐུལ་ལྷག་མ་རུ་ལུས་ཀྱང་།།
ཐུགས་བསྐྱེད་གོ་ཆ་བཙན་པོའི་སྨོན་ལམ་ལ་བསམས་ན།།
ཐུགས་རྗེ་གཞན་ལས་མྱུར་བའི་ཨོ་རྒྱན་དང་མཚུངས་བྱུང་།།

ཅོལ་ཆུང་གཡམ་རྒྱུག་མཁས་པའི་ཅལ་འདྲོགས་ཀྱི་སྐྱེ་བོར།།
གཅམ་ཚིག་ངག་གིས་བཀུར་བའི་བླ་མ་ནི་མང་ཡང་།།
ཨུ་ཚུགས་ལྕགས་ལས་བརྡུང་བའི་ཐ་མལ་གྱི་བུ་ལ།།
ལྷ་གཅིག་གསོལ་བ་འདེབས་ས་ཁྱེད་ཉིད་ལས་མི་འདུག།

རྒྱང་ལ་སྤྲིང་པའི་འཕྲིན།

དུས་ཚོད་ལ་ངེས་བཟུང་མེད་པར།
དབུགས་འབྱིན་རྔུབ་ཀྱི་བར་ནས།
སེམས་ཀྱི་གཏིང་རིམ་ཉུལ་མཁན་གྱི་ཁྱེད།
ཐོགས་རེག་བྲལ་བའི་བརྩེ་དུང་གི་ནམ་མཁར།
ཟླ་བའི་ལྷ་མོ་བཞིན་དལ་གྱིས་རྒྱུ་ཡོང་དུས།
ཝ་ལེར་འཛུམ་གྱིས་ཕྱུག་པའི་ཀུ་མད་དག་ཀྱང་།
དུང་བའི་དམག་སྣ་འདྲེན་པའི་དཔུང་རོགས་དང་།
རེ་བའི་དན་རྟགས་ངོམས་པའི་ཟླ་གྲོགས་དེ།
ཁྱོད་ཁོ་ན་གཅེས་སུ་འཛིན་མཁན་གྱི་ཚོགས་དང་།
ཁྱོད་གཅིག་པུ་ལྷ་རུ་བཞེངས་ཀྱི་ངའི་དཔེ་མཚོན་དེའོ།།

སྐྱེས་པ་ནས་ཚེ་རབས་དུ་མར།
བག་ཆགས་ལ་བཏེགས་པའི་ཡིན་ནམ།
བག་ལྷོད་པའི་རང་གཤིས་དེ་ཞེ་ལ་ཐོགས་དྲགས་པས་ཡིན།
ཇི་ཙམ་འདྲིས་པ་བདེ་སྐྱིད་ཀྱི་གཞི་མ་དང་།
ག་ཙམ་འཕྲད་པ་སྙིད་དུ་སྡུག་པའི་གོམས་གཤིས་འདི།
ཁྱོད་ཀྱི་ནང་སེམས་ཀྱི་འཇིག་རྟེན་ཡིད་དུ་འོང་བས་ཡིན་ནམ།
ཁྱོད་ཀྱི་ལང་ཚོ་ལ་གཞལ་གྲངས་མི་འཇོག་པའི་མཛེས་སྡུག་ཅིག་ལྡན་པས་ཡིན།
སྙིང་ཉེ། རབ་དཀར་ཁ་བས་གཡོག་པའི་ཡུལ་ལྗོངས་འདི།
གསུམ་ལྡན་གོས་ཀྱིས་ཀླུབས་པའི་ལས་དབང་འདི།
དྲན་རྟགས་རི་མོར་ཕབ་པའི་སེམས་བྱུང་འདི།
ཁྱོད་དང་ང་ལ་དབང་བའི་གར་སྟེགས་དེ།
ངེད་གཉིས་མཉམ་འཚོ་ཆོག་གཞི་རུ་འབོད།

ཐུང་ཐུང་མི་ཚེའི་གཏམ་རྒྱུད་རིང་མོའི་ནང་།
རེས་སྐྱིད་རེས་སྡུག་ཁུར་སའི་ལ་མོ་དེ།
རེ་བའི་མིག་ཟུང་གཏད་སའི་གཞོན་ནུ་ཁྱོད།
དུང་བའི་སེམས་འདུན་གྱེར་སའི་གར་སྟེགས་དང་།
དགའ་བའི་ན་ཟུག་གླེང་སའི་སྙིང་སྡུག་དེ།
མིག་ཆུའི་གཙང་བོ་འདྲེན་སའི་ཡོད་ཚད་ཁྱོད།
ང་དང་མཉམ་འགྲོ་མཉམ་འདུག་ཆོག་པར་ཞུ།