བྱང་ཆུབ་ལམ་གྱི་ཕྱོགས་སུ་དཀའ་སྤྱོད་དེ།།
ཚད་མ་གྱུར་བ་འགྲོ་ལ་ཕན་བཞེད་པ།།
སྟོན་པ་བདེ་གཤེགས་སྐྱབས་ལ་ཕྱག་འཚལ་ཏེ།།
མུན་པའི་འཇིག་རྟེན་ཁམས་ལས་གྲོལ་བར་ཤོག།
请指给我归去的路：菩提之路
让我望见苍茫时刻：博爱利众
万有之中
我将是你纯粹的转向
灵魂深处
我依旧是你依靠的一方………
#现代诗[超话]##感受之笔སེམས་ཚོར་ཕྲན་བུ།#

ཧྥ་རན་སིའི་ཕེ་རིས།
སྣང་འཆར་བའི་བང་མཛོད— ཨོ་སེ་མཛེས་རྩལ་ཁང་དུ་ཡོད་པའི་སྨི་ལིའི《དགོང་ཁའི་གསོལ་འདེབས》(1857～1859) དངོས་འབྲི་རིང་ལུགས་ཀྱི་མཁས་ཆེན་སྨི་ལིའི་ཚབ་མཚོན་རི་མོ་ཡིན།

དེ་དང་ལྷན་དུ་སྨི་ལིའི《སྙེ་མ་འཐུ་བ》ཡང་བཤམས་ཡོད། རི་མོའི་ཁྲོད་ཀྱི་མགོ་སྒུར་ནས་གསོལ་བ་འདེབས་པའི་ཞིང་པ་ཁྱོ་ཤུག་གི་ཟོལ་མེད་བབ་ཆགས་ཀྱི་རྣམ་འགྱུར་གྱིས་མི་སེམས་སྒུལ་བར་བྱེད།

ངལ་གསོའི་བར་སྐབས་ཀྱི་ཚིགས་བཅད།

ཉིན་འགའི་དབེན་འཇམ་རི་བོའི་ནགས་ཚལ་གྱི། །ཡལ་གའི་བསིལ་བ་གདེངས་པ་ཆོས་ཀྱི་ཁྱམས། །བཤད་དང་སྒྲུབ་པའི་འབྲས་བཟང་གཡུར་ཟ་བའི། །ཁོར་ཡུག་མཆོག་སྟེ་སྐུ་འབུམ་བྱམས་པ་གླིང་། །
ཁ་བའི་མཚར་སྡུག་མེ་ཏོག་འཐོར་བ་བཞིན། །བྱིན་གྱི་གཟི་འབར་གསེར་སྡོང་འཁྲིས་ན་འཕྱོ། །དད་གདུང་ཞེན་པས་འདུར་བའི་མཆོད་མཇལ་བ། །སྐོར་ལམ་དོག་པོར་སྔ་གཞུག་བརྩད་པས་འཚེངས། །
འཇམ་དབྱངས་བླ་མའི་ཐུགས་བསྐྱེད་འོད་ཀྱི་རྫིང་། །མཛེས་པར་འཁྱིལ་བའི་རླབས་ངོགས་ཡིད་འོང་བར། །བརྩེ་བའི་གཟིགས་པ་ཡངས་པའི་དགེ་འདུན་མང་། །ཆོས་སྤྱོད་དབྱངས་ཀྱི་གདངས་ལ་འཐིམ་པས་དགེ །
ཆོས་སྲིད་ཉི་ཟླའི་དཀྱིལ་འཁོར་མཐའ་ཡས་པར། །གཅིག་ཏུ་བརྩོན་པའི་བཤེས་བཟང་ཤེས་རབ་ཅན། །རྒྱལ་སྲས་མཚན་གྱི་ཅོད་པན་དོན་ལྡན་པའི། །གྲོགས་ཀྱི་སྐུ་བསོད་འཕེལ་བའི་ཤག་ཆུང་དུ། །
ཤར་མར་འོ་ཞོའི་འཚོ་བཅུད་ཕུན་ཚོགས་ཀྱི། །བཟའ་བཅའ་བཏུང་བའི་བྱེ་བྲག་སྣ་ཚོགས་པར། །བག་ཕབ་ལོངས་སྤྱད་གཏམ་གྱི་ཕྲེང་བའི་རྒྱུན། །རྨ་ཀླུང་འབབ་པའི་དཔལ་ལ་བསྙེགས་པས་དགའ། །
ཁྱད་པར་གང་མཁོའི་ལེགས་སྐྱེས་གྱ་ནོམ་པས། །ཡིད་ཁེངས་བརྩེ་བའི་སྐྱེལ་བསུ་གངས་དཀར་གྱི། །སེམས་ཏེ་འགྲོན་ལམ་དར་དཀར་བརྐྱངས་པ་ལྟའི། །གནའ་མཁར་ཟི་ལིང་གྲོང་ཁྱེར་འདབས་ལ་འབྱོར། །
མགྱོགས་པའི་བང་ཁ་རིག་པ་འབྱུང་བའི་གནས། །སྲིད་འབྱོར་ཆོས་དཔལ་ནམ་མཁའི་སྒོ་གླེགས་བཞིན། །ཡོངས་སུ་བཀྲོལ་བའི་རེབ་གོང་གྲོང་ཁྱེར་གྱི། །ལམ་ཆེན་བརྐྱངས་པའི་ཕྱོགས་ལ་རྡོག་སྣེ་གཏད། །

2024/03/01 སྐུ་འབུམ-རེབ་གོང་།