མི་ཚེ་ཡི་ལས་དབང་ཕྲེང་ཐག་ལྟར་བརྒྱུས་ཡོད་པའི་ང་ཡི་རིགས་མཐུན་སྤུན་ཟླ། མཁའ་དབྱིངས་ཀྱི་ཉི་ཟེར་འོད་ལམ་ལམ་དུ་འཚེར་བའི་ཞོགས་པ་རེ་རེ། ལས་སྐལ་གྱི་འཕྲད་པའི་མི་མང་པོ་ཞིག་ང་དང་རྒྱང་ཐག་རིང་ཡང་གློ་བུར་དུ་འཕྲད་དུས་ང་ཚོ་རང་རང་སར་ལོ་ན་ཅུང་རྒས་པར་གྱུར་ནས་འཚོ་གཞེས་གནང་བ་དང་སེམས་སུ་བརྩེ་དུང་གི་གློག་དམར་ཐེངས་གཅིག་འཁྱུག་པ་དྲན་ནམ། རྙེད་པར་མ་གྱུར་པའི་རང་ཉིད་ལགས།

གང་སར་གཡུག་པའི་སེམས
བརྟན་མེད་ཀྱི་ཆ
དམར་པོའི་སེམས

ཁྱོད་ནི་རླུང་བུ་ཅི་བཞིན་བརྟན་ཆགས་ཀྱི་གནས་མེད་པའི་འཁྱམ་པོ་ཞིག
ནམ་ཞིག་ལ་ཡོད་ཚད་སྟོང་པར་གྱུར་ཚེ་ཁྱོད་ཉིད་གང་དུ་འགྲོ་སྲིད་དམ
འགྲོ་ས་ཞིག་ཡོད་དམ

ཁྱོད་ནི་ཅི་འདྲའི་བྲེལ་འཚུབ་ཆེ་བ་ལ
སྐད་ཅིག་ཙམ་ལ་ཡང་སྡོད་ཁོམ་མེད་པར་ཁྱོད་ནི་ཅི་ཞིག་གི་ཆེད་དུའམ་སུ་ཞིག་གི་ཆེད་དུ་ཚུགས་མི་ཐུབ་པ་རེད

ཟོལ་མེད་བརྩེ་བའི་རླབས་ཕྲེང་གར་གྱིས་རྩེན།།
ཕྱི་ཐག་དར་གྱི་སྐུད་པ་མཁའ་རུ་འཕྱོ།།
མཛའ་མཐུན་གསེར་མིག་ཉ་མོའི་འཁྱུག་རྩལ་ངོམ།།
ཡིད་འོང་བརྩེ་བའི་ལྷ་མོ་འཛུམ་ཞིང་དགོད།།

དེ་ནི་བག་ཆགས་ཞིག་གི་དགུན་ཁ་ཡིན།།
དེ་ནི་ཁེར་རྐྱང་ཞིག་གི་ཚོར་སྣང་ཡིན།།
དེ་ནི་ལས་དབང་ཞིག་གི་བགོད་སྒྲིག་ཡིན།།
དེ་ནི་ཁྱེད་དང་འུ་གཉིས་གསང་སྒམ་ཡིན།།

འདི་ནི་སེམས་ཀྱིས་སྒོ་ལྕགས་དམར་རོ་ཡིན།།
འདི་ནི་ཡིད་ཀྱི་དྲན་པ་དམར་ལྗེན་ཡིན།།
འདི་ནི་སེམས་ལ་བྲིས་པའི་རི་མོ་ཡིན།།
འདི་ཞེ་ཡི་རུམ་གྱི་དྲོད་ཐིག་ཡིན།།