#. ཁ་རྩོམ་མོག་པོ།

ཁ་ཤས་པར་དང་ལྡེབ་རིས་བརྙན་སོགས་ཀྱིས།།
དགའ་སྐྱོ་སྣ་ཚོགས་སྒྱུ་མའི་གར་དུ་བསྐྲུན།།
འགའ་རེའི་ངག་གི་རོལ་མཚོ་ཅུང་འགྲིམས་ནས།།
ཚིག་གི་ཉམས་ཀྱིས་དགའ་སྡུག་སྤེལ་མ་བསྟན།།

ཅི་རུང་དགའ་སྡུག་སྣང་བའི་ཉིབ་སྲིབས་ན།།
རྫོགས་དུ་མེད་པའི་གཏམ་རྒྱུད་གྱོང་བོ་ཞིག།
མཛེས་པའི་ཉམས་དང་ཁྲོས་པའི་གདོང་གི་གཉེར།།
ཡིད་དུ་བཅགས་པའི་ངོ་བོ་སོ་གཉིས་མ།།

​ཞོགས་པའི་སྐྱ་མདའ་མཁའ་ནས་གསལ་ཚེ་གཉིད་ཀྱི་སྲེད་པ་ལས་རྒྱལ་ཏེ། །
​མཆེད་པོ་དག་གི་རྗེས་ཤུལ་ཉུལ་བཞིན་ཆོས་རིའི་གམ་དུ་ལོག་ན་ཡང་། །
​ཚིག་དོན་གཉིས་ཀ་ཡན་པར་བཏང་བའི་གཉིད་གཟུགས་རི་མོ་དོད་ནས་ཡོང་། །
རྒྱུགས་ཀྱི་ལེའུ་ཚན་རིམ་བཞིན་བརྩེགས་ཚེ་སྙིང་གི་འདར་སྡང་སྔོན་ལས་མགྱོགས། །

སྦས་དོན་ཟབ་པའི་དཔེ་དེབ་འཐུག་པོ་ང་ཡི་བགོ་སྐར་མ་ཡིན་པས།།
གནད་ཀྱི་དོན་ལ་ཡང་ཡང་བསམ་ཚེ་ཞེ་དྲག་ཆེ་བའི་ནད་པར་གཏོང་།
དེ་བས་བཀའ་དྲིན་རི་ལས་མཐོ་བའི་རྒན་དང་དགེ་བའི་བཤེས་གཉེན་ལ།།
དགོངས་གསོལ་ཞུ་བ་སྔོན་དུ་བཏང་ཏེ་ཁྲི་ཡི་ཉེ་སར་སླེབས་ཡོང་ཨ།།

རྒྱན་གྱི་དབུ་རྡོ་ང་ཡིས་ལེན་ཏེ་རྒྱུགས་རའི་ནང་དུ་ཡོང་དགོས་ན།།
རྩོད་རྒྱུ་འཆད་རྒྱུ་ང་ལ་མེད་པས་སེམས་ཀྱི་ཕྱག་གསུམ་ཁྱེད་ལ་འཚལ།།
ཐུགས་སུན་མ་གཞེས་སེམས་མ་ལྷ་མོའི་ཕྱག་གི་སོར་མོའི་ལམ་ཁྲིད་ཏེ།།
རྡོ་རྗེ་སེམས་དཔའི་སྤྱན་གཟིགས་ངང་ནས་བུ་ཡི་སྒྲིབས་ཚོགས་བྱིན་གྱིས་རློབས།།

བསིལ་མ་ནས།
​

འཛམ་གླིང་ན་མང་དུ་གྲགས་པའི་ཚན་རིག་པ་དང་ཆེད་མཁས་པའི་ཁ་གཏད་དུ་བཞེངས་ཏེ་ཤར་ནུབ་ཀྱི་ལྟ་གྲུབ་གླེང་མཁན་མཁས་དབང་ཁོང་ཉིད་འདི་ལྟར་དཔེ་དཀྱིལ་ནས་ནར་སོན་པ་ཡིན་ཚོད་རེད།