ཆོས་ཀྱི་རྒྱལ་པོ་འགྲོ་བ་དུ་མའི་མགོན། །
​གདུལ་བྱའི་དོན་དུ་དཔལ་ལྡན་ས་སྐྱ་རུ། །
​ཆུ་ཕོ་དགེ་བྱེད་དཔྱིད་ཟླ་ར་བ་ཡི། །
​ཉི་ཤུ་དྲུག་ལ་བལྟམས་པ་ནས་བཟུང་སྟེ། །
​
​བལྟམས་པའི་དུས་ན་འོད་ཀྱིས་འཇིག་རྟེན་ཁྱབ། །
​ཡུམ་ལ་མ་གནོད་བདེ་བའི་རྣམ་པ་རྒྱས། །
​མཁའ་འགྲོའི་དབང་པོ་དཔལ་ཡས་མཁའ་ལ་འདུས། །
​མི་མཆོག་ཁྱོད་ལ་སྤྱི་བོས་ཕྱག་འཚལ་ལོ། །
​
​རྟོག་གེ་ངན་པའི་རྒོལ་བ་ཐམས་ཅད་བཟློག །
​རློམས་པས་ཁེངས་པའི་རྟོག་གེ་ཟིལ་གྱིས་གནོན། །
​མཁས་པའི་གྲགས་པས་ས་སྟེང་ཐམས་ཅད་ཁྱབ། །
​འཇིགས་བྲལ་ཁྱོད་ལ་སྤྱི་བོས་ཕྱག་འཚལ་ལོ། །

ཆོས་རྗེ་འཇམ་མགོན་བླ་མ་ས་སྐྱ་པཎྜི་ཏ་ཆེན་པོ་སྐུ་བལྟམས་པའི་དུས་ཆེན་རྗེས་དྲན་ཞུ།[蛋糕][蛋糕][蛋糕]
​

མཆོད་པ།

供养仪轨
ཕྱི་ནང་ཀུན་དུ་ལྷ་མིའི་ཡོ་བྱད་མཆོག།
协囊根徳拉弥友夏巧

一切人天内外胜资具
རོལ་མོ་རྒྱན་ཕྲེང་ཞལ་ཟས་ན་བཟའ་སོགས།།
若摩坚创雅日纳ra所

妙乐饰䯹美食华衣等
སྲས་བཅས་རྒྱལ་བའི་སྨོན་ལམ་ལས་བྱུང་བའི།།
这吉嘉沃门蓝利雄沃

诸佛菩萨愿力所化现
ཀུན་བཟང་མཆོད་པའི་སྤྲིན་གྱིས་མཛེས་གྱུར་ཅིག།
根桑巧波准吉贼杰吉

祈以普贤云供作庄严

དཔེ་ཀློག་ཟིན་བྲིས།

བོད་སྔ་རབས་པས། མཁྱེན་པ་གསུམ་པོ་ངོ་བོ་ཐ་དད་དུ་གསུངས་ནས་གཞི་ཐམས་ཅད་སྐྱེ་བ་མེད་པར་མངོན་སུམ་དུ་རྟོགས་པའི་ཡེ་ཤེས་ནི་ཉན་ཐོས་དང་རང་སངས་རྒྱས་རྣམས་ཀྱི་ཡིན་ནོ་ཞེས་གསུངས། སྔ་རབས་པས་མཁྱེན་གསུམ་ས་མཚམས་ཀྱང་མོས་སྤྱོད་ཀྱི་ས་ནས་འཇོག་གི་ཡོད། དེ་དང་སྒོ་བསྟུན་ཏེ་ཀུན་མཁྱེན་དུས་གསུམ་སངས་རྒྱས་ཀྱིས་ཀྱང་སྤྱིར་མཁྱེན་གསུམ་ངོ་བོ་ཐ་དད་དུ་གསུང་སྟེ་གཞི་ཤེས་ཉན་རང་གི་རྒྱུད་ཀྱིས་བསྡུས་པ་དང་། ལམ་ཤེས་བྱང་སེམས་ཀྱི་རྒྱུད་ཀྱིས་བསྡུས་པ་དང་། རྣམ་མཁྱེན་སངས་འཕགས་ཀྱི་རྒྱུད་ཀྱིས་བསྡུས་པར་གསུངས་ཡོད། འོན་ཀྱང་།   ཆོས་ཉིད་དྲི་བྲལ་དེ་བཞིན་ཉིད་ཀྱི་ངོ་བོར་གྱུར་བའི་མཁྱེན་པ་གསུམ་ནི་དེ་དང་ངོ་བོ་རོ་གཅིག་པ་དང་ངོ་བོ་གཅིག་ཏུ་བཞེད།

ཕྱི་རབས་པས། དེ་འདྲའི་མཁྱེན་པ་གསུམ་ནི་ངོ་བོ་གཅིག་ཏུ་བཞེད།

གསེར་འཕྲེང་དུ་སྔ་རབས་པའི་འདོད་ཕྱོགས་དང་མཐུན་པར་གསུངས་གི་ཡོད།  གཞི་ཤེས་ཉན་རང་ཁོ་ནའི་རྒྱུད་ལ་ཡོད་པ་དང་།  ལམ་ཤེས་བྱང་སེམས་དང་རྣམ་མཁྱེན་སངས་འཕགས་ཁོ་ནའི་རྒྱུད་ལ་ཡོད་པར་གསུངས།   རྟོགས་དཀའི་སྣང་བར་གསེར་འཕྲེང་དང་མི་འདྲ་བར་མཁྱེན་གསུམ་སངས་རྒྱས་ཀྱི་རྒྱུད་ན་ཡོད་ཀྱང་འགལ་བར་གསུངས་ཡོད།  རྣམ་བཤད་དུ་མཁྱེན་གསུམ་གྱི་ས་མཚམས་ཀྱང་འཕགས་ས་ནས་འཇོག་པ་དང་།  མཐར་སངས་རྒྱས་ཀྱི་ས་ལའང་ཡོད་པར་འཇོག་པ་དང་མཁྱེན་གསུམ་མི་འགལ་ཞིང་གཞི་མཐུན་ཡོད་པར་འདོད།  རྣམ་བཤད་དུ་མཁྱེན་གསུམ་འཇོག་ཚུལ་དེ་ནི་ལེགས་ཤིང་མཁས་པས་དཔྱད་པའི་གྲུབ་དོན་ཡིན་ཚུལ་གསུངས་ཡོད།