དགའ་དགའ་ན་གསང་བ་དེ་ཕྱི་ལ་ཤོར་འགྲོ་གི །
དུང་དུང་ན་མིག་ཆུ་དེ་དབང་མེད་བཞུར་འགྲོ་གི །
དྲན་དྲན་ན་སྙིང་ཁམས་འདི་ནད་གི་ལོག་འགྲོ་གི །
བསམ་བསམ་ན་འདི་ཚང་མ་སྐྱོ་བའི་གཞི་མ་རེད། །

༧ལ་མོ་ཡོངས་འཛིན་རིན་པོ་ཆེའི་གསུང་བཏུས་ཐོར་བུ།
ཁྱིམ་པས་ཁྱིམ་ཕྱགས་པ་དང་རབ་བྱུང་བས་ཁྱིམ་ཕྱགས་པ་གཉིས་མི་འདྲ། ཁྱིམ་པས་ཕྱགས་པ་གཙང་སྦྲ་ཙམ་རེད། རང་ཅག་གིས་ཁྱིམ་ཕྱགས་པ་རྒྱལ་བ་སྲས་དང་བཅས་པ་གདན་འདྲེན་པའི་ཆེད་ཡིན།
གནས་ཁང་བྱི་དོར་བྱས་པའི་ཕན་ཡོན་ལྔ་ནི།
༡རང་གི་སེམས་དང་བར་བྱེད་པ། ༢གཞན་གྱི་སེམས་དང་བར་བྱེད་པ།
༣དཀར་ཕྱོགས་ཀྱི་ལྷ་རྣམས་དགའ་བ།༤ དག་པའི་ལས་གསོག་པ།
༥ལུས་ཞིག་ནས་ལྷར་སྐྱེ་བ་དང་ལྔའོ། ། https://t.cn/EAwnWet

རེ་བ་མང་པོ་རྗེས་ཀྱི་རང་ཉིད་ལ་བསམ་པ།
མི་ནི་རེ་བ་དང་ཡིད་ཆེས་ལ་དགའ་མཁན་གྱི་སྲོག་ཆགས་ཤིག་ཡིན་པས་ང་ཡང་དེ་ལས་མ་འདས། ཡིན་ནའང་ངས་འདི་ལྟར་འཚོ་བཞིན་པའི་རང་ཉིད་ལ་བརྟག་དཔྱད་ཅིག་མ་བྱས་འདུག་ཐུབ་མ་སོང་།ང་ནི་ཉིན་མཚན་བར་མེད་དུ་ཕུགས་བསམ་ལ་བརྩོན་ནས་མི་ཁོམ་ཡོད་པའི་རིགས་དེ་མིན་རུང་། ངས་ཀྱང་རེ་བའང་ཡང་ན་ཕུགས་འདུན་ཞིག་གི་ཆེད་དུ་དུས་ཚོད་མང་ཙམ་བཏང་ཟིན། ལོ་འདི་ལ་ངས་རང་ཉིད་འདི་ལྟར་གསོན་པ་ནི་མང་གཙོ་བྱས་ནས་འགྲོ་བཞིན་པའི་ངང་ཚུལ་ཞིག་ཏུ་མཐོང་རྗེས་ང་ནི་ད་སྔོན་གྱི་རང་ཉིད་ལ་སོམ་ཉི་ཞིང་བློ་ལོག་མགོ་བརྩམས་དགོས་ཐུག ཤེས་བརྩོན་གྱིས་ཕྱུག་ནས་ཡོད་པའི་སྐྱེས་བུ་འགའ་རེ་ཞེ་ལ་འཁོར་ནས་མུ་མཐུད་དུ་འབད་དགོས་པའི་རང་ཉིད་ནི་དམིགས་ཡུལ་གྱི་ངོས་གཅིག་མ་གཏོགས་མཐོང་མེད་མཁན་ཞིག་ཡིན་པ་དང་། ནམ་ཞིག་ལ་ཉི་མ་དེ་རུ་བསླེབས་ནའང་རང་ཉིད་ལྟ་བུའི་བྱེད་པ་པོ་མང་ཞིང་བྱ་ཡུལ་ཉུང་བ་དང་། ད་ལྟའི་དུས་འདི་སུ་ལམ་འགྲོ་རྒྱུགས་ཡོད་མེད་མ་གཏོགས་སུ་ཞིག་ལེགས་འགྲུབ་བྱུང་ཡོད་མེད་ལ་ལྟ་མཁན་གཅིག་ཀྱང་མེད་དུས་ཤིག་ཡིན་པ་སོགས་ཀྱིས། ངས་འཇུག་གི་ཉི་མ་དེ་རུ་འགྲོ་འདོད་ཙམ་ལས་དེ་ནས་ཅི་འདྲ་ཡིན་པ་ཙམ་ཡང་སེམས་སུ་འཁོར་མྱངས་མེད་པའི་རང་ཉིད་བློས་གཏོང་མགོ་བརྩམས་པ་ཡིན། སྤྱིར་མི་ལ་ཕུགས་བསམ་མེད་ན་མི་རུང་ལ། ཕུགས་བསམ་ཡོད་པས་མི་ཆོག་པར་དེས་ཕྱོགས་སུ་འབད་འབུངས་ཀྱང་མང་ཙམ་དགོས་པ་དང་། འབད་པ་ཡོད་པས་ཀྱང་མི་ཆོག་པར་བསམ་གཞིག་གིས་འདང་དགོས་པ་སོགས་བདེན་པ་ཡིན་ལ་དེ་དག་དགོས་ངེས་ཤིག་ཡིན་མོད། ཇི་སྲིད་དགའ་སྐྱོ་ཆགས་སྡང་དང་མ་བྲལ་བར་མི་ཡུལ་དུ་མིའི་ཚུལ་གྱིས་གསོན་ནས་འདུག་དགོས་པ་དང་། ལུས་སེམས་གཉིས་ལ་ན་ཟུག་གང་ཡང་མེད་དུས་སུ། ཆེས་གལ་ཆེ་བ་ནི་མིག་སྔར་གྱི་རང་ཉིད་ལ་བདག་ཡག་པོ་བྱས་ཏེ་འཚོ་རྒྱུ་དེ་རེད་འདུག དེ་ཡང་ཡར་རྒྱས་ཟེར་བ་ནི་དུས་ཚོད་ཡུན་རིང་འགོར་རྗེས་སུ་ཁྱོད་རང་ལེགས་འགྲུབ་བྱུང་བའི་འཇུག་འབྲས་ཤིག་ཡིན་པ་ལས། སྟབས་ལེགས་ཏེ་རྒྱུགས་སྐར་འགའ་རེ་ཐོབ་པ་དང་ལམ་འགྲོ་འགའ་རེ་རྒྱུགས་པ་ལ་ནི་ལར་ནས་མི་ཟེར། དེས་བས་སྐྱེ་བ་དུ་མར་བསགས་པའི་ཤེས་བརྩོན་ལས་ད་བཟོད་ལེགས་འགྲུབ་བྱུང་བའི་ཆོས་ཉིད་དེ་གོ་རྗེས་སུ་ངས་ད་ལྟའི་རང་ཉིད་ནི་ཤིན་ཏུ་གླེན་པ་ཡིན་པ་ཡིན་པའི་ངོས་འཛིན་བྱས། འདི་ལྟར་བསམ་པ་དེ་སེམས་ནད་ཡོད་པའི་རྟགས་ཤིག་རེད་ཅེས་འདོད་མཁན་ཡང་ཡོད་སྲིད་མོད། གང་ལྟར་མ་འོངས་པ་ནི་གཅིག་རྗེས་གཉིས་མཐུད་ཀྱིས་འབྱུང་བར་ངེས་པས། ཁོ་བོས་དེའི་ཕྱོགས་ལ་སེམས་ཞིབ་མོས་འདང་ཞིག་མ་བརྒྱབ་པར་འདུག་ཐུབ་མ་སོང་ལ་འདུག་འདོད་ཀྱང་མ་བྱུང་།