སྐྱེ་འཆིའི་རླབས་ཕྲེང་ཀུན་ནས་གཡོ་བ་ཡིས།།
སྲིད་པའི་རྒྱ་མཚོ་མེར་མེར་འཁྲུགས་པའི་ཀློང་།།
ལས་ཀྱིས་བདས་ནས་བདག་གི་སྐྱེ་བ་ཡང་།།
ཀྱེ་མ་ཇི་ཙམ་བླངས་པ་སུ་ཡིས་རྟོགས།།

ནོར་གནག་གི་རིག་གནས།

༼ནོར་གནག་གི་མེས་པོ།༽
དམངས་ཁྲོད་དུ།
ཕ་རྒྱུད་འབྲོང་ལ་དེད་ན། རྭ་ཁ་གནམ་ལ་གཟིང་།
མ་རྒྱུད་འབྲི་ལ་དེད་ན། རྔ་ཐག་ས་ལ་འཁྱིལ།
ཞེས་ཟེར།

༼ནོར་གནག་གི་རིན་ཐང་།༽
དམངས་ཁྲོད་དུ།
འབྲི་མོ་ནུ་བཞིའི་ནང་ན་མེད་མ་བསམ།
སྒྲོ་ལི་སྨུག་རིལ་ནང་ན་ཡོད་མ་བསམ།
ཞེས་ཟེར།

༼འཚོ་རྟེན་གྱི་རིན་ཐང་།༽
དམངས་ཁྲོད་དུ།
མྱི་མགོ་ནག་བརྟེན་ས་སྤུ་ནག།
སྤུ་ནག་བརྟེན་ས་སྤང་སྤུ།
ཞེས་ཟེར། https://t.cn/A6q4mRwT

࿑བསམ།

བདེན་གཉིས་ཆུ་སྐྱེས་ཀྱི་བསུང་ངད།།
མྱོང་བའི་བློ་གསལ་གྱི་ཁྱུ་ཡིས།།
ལེགས་ཉེས་རྣམ་འབྱེད་ཀྱི་གཤོག་ཟུང་།།
བརྡབ་རྒྱུ་བྱུང་ན་རང་བསམ་བྱུང་།།

རྒྱུད་བཞིའི་གངས་དཀར་ལས་འོངས་བའི།།
གསོ་དཔྱད་གཞུང་བཟང་གི་ཆུ་བོ།།
འགྲོ་བའི་གདུང་སེལ་གྱི་ཡུར་དུ།།
འདྲེན་རྒྱུ་བྱུང་ན་རང་བསམ་བྱུང་།།

ཕུན་ཚོགས་བརྒྱ་བྱིན་གྱི་གཞུ་མཆོག།
བརྟན་གཡོ་སྣོད་བཅུད་ཀྱི་མཛེས་སྡུག།
ཡིད་འོང་སྒྱུ་མ་ཡི་ལྟད་མོར།།
ལྟ་རྒྱུ་བྱུང་ན་རང་བསམ་བྱུང་།།

གསེར་ཉ་འཁྱུག་འཁྱུག་གི་གར་གྱིས།།
ཚིག་དོན་ལྷུག་ལྷུག་ཏུ་གྲོལ་བ།།
རྣམ་འགྱུར་མཛེས་མཛེས་ཀྱི་ཡོ་ལང་།།
རྫོགས་རྒྱུ་བྱུང་ན་རང་བསམ་བྱུང་།།

མངོན་རྗེས་གཞུ་མཆོག་གི་རྒྱུད་དུ།།
ལུང་རིགས་མདའ་མོ་དེ་སྦྱར་ནས།།
མ་རིག་རྨོངས་བ་ཡི་ཕས་རྒོལ།།
འཇོམས་རྒྱུ་བྱུང་ན་རང་བསམ་བྱུང་།།

ཚིག་རྒྱན་ནོར་བུ་ཡི་དོ་ཤལ།།
སྙན་འགྱུར་ཤར་ལྷོ་ཡི་སྒེག་མས།།
འགུག་བྱེད་པི་ཝང་ལ་དྲངས་ནས།།
དཀྲོལ་རྒྱུ་བྱུང་ན་རང་བསམ་བྱུང་།།

ཚིག་དོན་གཞན་གསོས་ཀྱི་བུ་མོ།།
སྒྲོ་སྐུར་སྣ་ཚོགས་ཀྱི་མེ་ཏོག།
བསྡེབས་པའི་འདྲེན་བྱེད་ཀྱི་དགའ་སྟོན།།
རོལ་རྒྱུ་བྱུང་ན་རང་བསམ་བྱུང་།།

གཟའ་སྐར་དུས་སྦྱོར་ཀྱི་རྒྱུ་བ།།
རྩིས་གཞུང་དཀར་ནག་གི་རི་མོ།།
དཔྱོད་བྱེད་མེ་ལོང་གི་ངོས་སུ་།།
འཆར་རྒྱུ་བྱུང་ན་རང་བསམ་བྱུང་།།

ཉམས་འགྱུར་ན་ཆུང་གི་དགའ་མ།།
དྲུག་བཅུའི་སྒྱུ་རྩལ་གྱི་གར་དང་།།
གསུང་སྙན་དྲུག་འགྱུར་གྱི་དཔལ་ལ།།
རོལ་རྒྱུ་བྱུང་ན་རང་བསམ་བྱུང་།།

སྲིད་པའི་སྔོ་བསངས་ལས་འཇོ་བའི།།
མངོན་བརྗོད་བདུད་རྩི་ཡི་ཆབ་རྒྱུན།།
སྣ་ཚོགས་ཡོལ་གོ་རུ་འཁྱིལ་བ།།
འཐུང་རྒྱུ་བྱུང་ན་ཡང་བསམ་བྱུང་།།

想象是心灵的画笔，它可以描绘出绚丽多彩的画卷，也让我们超越现实的束缚，探索未知的领域。想象力是创造的源泉，它赋予我们无限的可能性，如同一场奇幻的冒险，带你领略了无数神奇的风景。
[咖啡][咖啡][咖啡] https://t.cn/R08xaRT