ལས་དབང་།
གནམ་སྔོན་པོ་འདིའི་འོག་ཟུར་ཞིག་ན། སྒྱོགས་མདེལ་དང་དུག་རླངས་ཀྱི་དམག་འཁྲུག་རྒྱག་བཞིན་འདུག གཉོམ་ཆུང་གི་ཚེ་སྲོག་མང་བོ་ཁྲག་མཚོ་དང་བེམ་ཕུང་གི་གསེབ་ན་སྐྱོ་ལྷང་ངེར། དྲང་བདེན་དང་རྒྱུ་འབྲས་མེད་པའི་འཇིག་རྟེན་ལ་འཁང་བ་གཏོང་གིན་འཆི་སོང་། གནས་དེར་སྡུག་བསྔལ་དང་སྐྱོ་གདུང་གིས་མནར་བའི་ཉམ་ཆུང་ཚོས། མེད་མུག་དང་དངངས་འཚབ། རྨས་སྐྱོན་དང་ན་ཟུག བརྙས་བཅོས་དང་མུན་དཔུང་འབའ་ཞིག་འགམ་པ་ནི་ལས་དབང་ཡིན་ནམ། ཡིན་ནམ།
འཇིག་རྟེན་འདིའི་གྲུ་ཟུར་གཞན་ཞིག་ན། ཉི་འོད་དང་བདུད་རྩིའི་སྐྱེམས་བཟང་ངོམ་མེད་རོལ་བཞིན། འདོད་སྲེད་དང་ཆགས་སྡང་གི་མཆེ་རིང་གང་སར་གཙིགས་པའི་གཅན་གཟན་ལྟ་བུའི་རྐྱལ་སྟོང་ཚོས། གསེར་དངུལ་དང་འབྱོར་ཕྱུག་གི་དབལ་རྩེ་འགྲན་བཞིན་བག་མེད་དུ་གསོན་བཞིན་མཆིས། ཁོ་ཚོའི་མིག་ལམ་དུ་ལྷུང་བ་ནི་ཁེ་ཕན་དང་སྙན་གྲགས། དབང་ཤུགས་དང་སྒེར་སྤྱོད། ཉེ་རིང་སྡང་ཆགས་དང་གཉེན་འདུལ་དགྲ་སྐྱོང་གི་ལོག་འཚོ་དང་རུལ་སུངས་མ་གཏོགས་མེད་པ་ནི་ལས་དབང་ཡིན་ནམ། ཡིན་ནམ།
ད་དུང་མཐའ་འཁོབ་ཀྱི་གྲོང་གསེབ་ཆུང་ཆུང་ན། མངོན་ཆུང་དང་གཞན་ཕན་གྱིས་འཚོ་བའི་མི་སྡེ་ཉུང་ཉུང་རེའང་ཡོད་སྲིད། ཁོ་ཚོ་ལ་གནམ་ས་བླ་འོག་བསྒྱུར་བའི་ནུས་པ་དང་ཧམ་པ་མེད་ལ། གཉོམ་ཆུང་ཚུལ་མཐུན་དང་འདོད་ཆུང་ཆོག་ཤེས་ནི་ཁོ་ཚོའི་ནང་སེམས་ཀྱི་ཞེ་འདང་དཀར་བོ་ཡིན་ལ། གཞན་ལ་ཕན་ཆེར་མི་ཐོགས་ཀྱང་གནོད་འཚེ་གཏན་ནས་མི་བྱེད་པ་ནི་མི་ཚེའི་དམ་བཅའ་བརྟན་པོ་ཡིན། ལག་ན་ནམ་རྒྱུན་ལས་ཀ་ཡོད་པས་ལས་ལ་བརྩོན་ཞིང་དཔའ་ངར་ལྡན་པ་དང་། སེམས་ན་ནམ་རྒྱུན་ལས་འབྲས་ལ་ཡིད་ཆེས་ཟབ་པས་བབས་ཆགས་ཤིང་རང་བཞིན་དྲང་བ་ཡིན། སའི་གོ་ལའི་སྒང་གཤོང་ཀུན་ལ་ངེས་མེད་ཀྱི་དྲག་རླུང་ལྡང་བྱུང་། འཐོར་རླུང་རྒོད་པོ་འདིས་ཡོད་ཚད་དམར་གསོད་དང་ཁྱུར་མིད་གཏོང་ཡང་སྲིད་ལ། ཡོད་ཚད་ཐལ་ཕུང་བཞིན་གང་སར་གཙུབ་ཀྱང་སྲིད། མདོར་ན་ས་ཆུ་མེ་རླུང་གི་གནོད་འཚེ་དང་དབྱར་དགུན་སྟོན་དཔྱིད་ཀྱི་གོ་རིམ་འཆོལ་བ་ལྟ་བུའི་འཁོར་བའི་འགལ་འཛོལ་ཁྲོད་ནས་ང་ཚོ་གར་སོང་ཆ་མེད་དུ་འགྱུར་བ་ལས་དབང་ཡིན་ནམ། ཡིན་ནམ།
༢༠༢༤ལོའི་ཟླ༣ཚེས༡༡ཉིན།
~~ དགའ་མིང་བས།
གནམ་སྔོན་པོ་འདིའི་འོག་ཟུར་ཞིག་ན། སྒྱོགས་མདེལ་དང་དུག་རླངས་ཀྱི་དམག་འཁྲུག་རྒྱག་བཞིན་འདུག གཉོམ་ཆུང་གི་ཚེ་སྲོག་མང་བོ་ཁྲག་མཚོ་དང་བེམ་ཕུང་གི་གསེབ་ན་སྐྱོ་ལྷང་ངེར། དྲང་བདེན་དང་རྒྱུ་འབྲས་མེད་པའི་འཇིག་རྟེན་ལ་འཁང་བ་གཏོང་གིན་འཆི་སོང་། གནས་དེར་སྡུག་བསྔལ་དང་སྐྱོ་གདུང་གིས་མནར་བའི་ཉམ་ཆུང་ཚོས། མེད་མུག་དང་དངངས་འཚབ། རྨས་སྐྱོན་དང་ན་ཟུག བརྙས་བཅོས་དང་མུན་དཔུང་འབའ་ཞིག་འགམ་པ་ནི་ལས་དབང་ཡིན་ནམ། ཡིན་ནམ།
འཇིག་རྟེན་འདིའི་གྲུ་ཟུར་གཞན་ཞིག་ན། ཉི་འོད་དང་བདུད་རྩིའི་སྐྱེམས་བཟང་ངོམ་མེད་རོལ་བཞིན། འདོད་སྲེད་དང་ཆགས་སྡང་གི་མཆེ་རིང་གང་སར་གཙིགས་པའི་གཅན་གཟན་ལྟ་བུའི་རྐྱལ་སྟོང་ཚོས། གསེར་དངུལ་དང་འབྱོར་ཕྱུག་གི་དབལ་རྩེ་འགྲན་བཞིན་བག་མེད་དུ་གསོན་བཞིན་མཆིས། ཁོ་ཚོའི་མིག་ལམ་དུ་ལྷུང་བ་ནི་ཁེ་ཕན་དང་སྙན་གྲགས། དབང་ཤུགས་དང་སྒེར་སྤྱོད། ཉེ་རིང་སྡང་ཆགས་དང་གཉེན་འདུལ་དགྲ་སྐྱོང་གི་ལོག་འཚོ་དང་རུལ་སུངས་མ་གཏོགས་མེད་པ་ནི་ལས་དབང་ཡིན་ནམ། ཡིན་ནམ།
ད་དུང་མཐའ་འཁོབ་ཀྱི་གྲོང་གསེབ་ཆུང་ཆུང་ན། མངོན་ཆུང་དང་གཞན་ཕན་གྱིས་འཚོ་བའི་མི་སྡེ་ཉུང་ཉུང་རེའང་ཡོད་སྲིད། ཁོ་ཚོ་ལ་གནམ་ས་བླ་འོག་བསྒྱུར་བའི་ནུས་པ་དང་ཧམ་པ་མེད་ལ། གཉོམ་ཆུང་ཚུལ་མཐུན་དང་འདོད་ཆུང་ཆོག་ཤེས་ནི་ཁོ་ཚོའི་ནང་སེམས་ཀྱི་ཞེ་འདང་དཀར་བོ་ཡིན་ལ། གཞན་ལ་ཕན་ཆེར་མི་ཐོགས་ཀྱང་གནོད་འཚེ་གཏན་ནས་མི་བྱེད་པ་ནི་མི་ཚེའི་དམ་བཅའ་བརྟན་པོ་ཡིན། ལག་ན་ནམ་རྒྱུན་ལས་ཀ་ཡོད་པས་ལས་ལ་བརྩོན་ཞིང་དཔའ་ངར་ལྡན་པ་དང་། སེམས་ན་ནམ་རྒྱུན་ལས་འབྲས་ལ་ཡིད་ཆེས་ཟབ་པས་བབས་ཆགས་ཤིང་རང་བཞིན་དྲང་བ་ཡིན། སའི་གོ་ལའི་སྒང་གཤོང་ཀུན་ལ་ངེས་མེད་ཀྱི་དྲག་རླུང་ལྡང་བྱུང་། འཐོར་རླུང་རྒོད་པོ་འདིས་ཡོད་ཚད་དམར་གསོད་དང་ཁྱུར་མིད་གཏོང་ཡང་སྲིད་ལ། ཡོད་ཚད་ཐལ་ཕུང་བཞིན་གང་སར་གཙུབ་ཀྱང་སྲིད། མདོར་ན་ས་ཆུ་མེ་རླུང་གི་གནོད་འཚེ་དང་དབྱར་དགུན་སྟོན་དཔྱིད་ཀྱི་གོ་རིམ་འཆོལ་བ་ལྟ་བུའི་འཁོར་བའི་འགལ་འཛོལ་ཁྲོད་ནས་ང་ཚོ་གར་སོང་ཆ་མེད་དུ་འགྱུར་བ་ལས་དབང་ཡིན་ནམ། ཡིན་ནམ།
༢༠༢༤ལོའི་ཟླ༣ཚེས༡༡ཉིན།
~~ དགའ་མིང་བས།
<རྨི་ལམ་ཐེངས་གཅིག། >
ཞེ་འཁོར་བའི་གླིང་གི་བཙོན་ར་འདི།།
དུས་ནམ་ཡང་རེ་ལྷག་བཅོལ་ས་མེད།།
དུས་ནམ་ཞིག་ཚེ་འདིའི་རྨི་ཡང་།།
ལམ་ངེས་ཅན་ཞིག་ནས་རྫོགས་པར་འགྱུར།།
ཚེ་འདི་ཡི་རྨི་ལམ་མཐའ་དག་ཀྱང་།།
རང་ཁོ་ནའི་བདེ་སྡུག་བཙོན་ལགས་ཤིང་།།
གཞན་དགྱེས་པའི་སྦྱོར་བ་ཙམ་ཞིག་ཀྱང་།།
རྣམ་ཀུན་ཏུ་འབད་མ་ཅིའི་མི་འཚལ།།
མཛེས་ལང་ཚོའི་རྨི་ལམ་ཞིང་ས་ནས།།
སད་རན་པ་ད་ལྟ་མ་འོངས་རེད།།
སེམས་རྣམ་དཀར་དགེ་བའི་ཕྱོགས་སུ་ལ།།
གང་ཅི་ཐུབ་ཧུར་ཐག་འབད་རོགས་གནང་།།
ཚེ་བདེ་སྡུག་གཉིས་ཀྱི་རེ་མོས་སུ།།
སུ་འབྱུང་སྔ་མི་ཤེས་ད་ལྟ་རེད།།
དོན་ལྡན་པའི་ལས་ཤིག་བཤམས་གྱུར་ན།།
དེ་འཇིག་རྟེན་ཕྱི་མའི་ལམ་རྒྱགས་ཡིན།།
༢༠༢༤/༢/༢༠ཉིན་བྲིས་ཏེ༣/༡༡ཉིན་སྤེལ།
ཞེ་འཁོར་བའི་གླིང་གི་བཙོན་ར་འདི།།
དུས་ནམ་ཡང་རེ་ལྷག་བཅོལ་ས་མེད།།
དུས་ནམ་ཞིག་ཚེ་འདིའི་རྨི་ཡང་།།
ལམ་ངེས་ཅན་ཞིག་ནས་རྫོགས་པར་འགྱུར།།
ཚེ་འདི་ཡི་རྨི་ལམ་མཐའ་དག་ཀྱང་།།
རང་ཁོ་ནའི་བདེ་སྡུག་བཙོན་ལགས་ཤིང་།།
གཞན་དགྱེས་པའི་སྦྱོར་བ་ཙམ་ཞིག་ཀྱང་།།
རྣམ་ཀུན་ཏུ་འབད་མ་ཅིའི་མི་འཚལ།།
མཛེས་ལང་ཚོའི་རྨི་ལམ་ཞིང་ས་ནས།།
སད་རན་པ་ད་ལྟ་མ་འོངས་རེད།།
སེམས་རྣམ་དཀར་དགེ་བའི་ཕྱོགས་སུ་ལ།།
གང་ཅི་ཐུབ་ཧུར་ཐག་འབད་རོགས་གནང་།།
ཚེ་བདེ་སྡུག་གཉིས་ཀྱི་རེ་མོས་སུ།།
སུ་འབྱུང་སྔ་མི་ཤེས་ད་ལྟ་རེད།།
དོན་ལྡན་པའི་ལས་ཤིག་བཤམས་གྱུར་ན།།
དེ་འཇིག་རྟེན་ཕྱི་མའི་ལམ་རྒྱགས་ཡིན།།
༢༠༢༤/༢/༢༠ཉིན་བྲིས་ཏེ༣/༡༡ཉིན་སྤེལ།
ཁ་བ་དང་མི་ལ་རས་པ།
མཛངས་བུ།
ཉམས་རྟོགས་ཀྱིས་ར་རོར་གྱུར་པའི་མི་ལ་རས་པ།
ཁ་བ་འདི་བཞིན་འཁོར་འདས་ཀྱི་ས་མཚམས་ན།
དཀར་བོང་བོང་ངང་རང་དབང་གི་གཤོག་པ་ཐོགས་འདུག
ངག་གི་སྒྲིབ་པ་དག་པའི་མགུར་མ།
རྫ་ཆུ་བསིལ་མ་བཞིན་ལྷུང་ལྷུང་གིས་འབབ།
ཚིག་གི་མདངས་ལ་ལྷུང་བའི་མི་ཚེའི་སྐྱིད་སྡུག
རྗེས་འཇུག་མང་པོ་ཞིག་གི་མི་ཚེའི་ནོམ་པ་རུ་བཟུང་།
རེས་འབབ་རེས་དྭངས་ཀྱི་ཁ་བ།
ཨ་མ་མྱང་ཚ་དཀར་རྒྱན་གྱི་ཞི་དྲག་གི་ངོ་གདོང་བཞིན།
མི་ཚེའི་སྣང་བ་འདི་ཡང་དགའ་སྐྱོའི་འཕྲེང་ལ་ཐོགས།
ཡུལ་གུང་ཐང་གི་ལུང་ཆུའི་སྣེ་རུ།
དབྱངས་མགུར་འགྲོས་ཀྱི་ཆུ་སྣ་མཐུད་དེ།
ཡུལ་འཛམ་གླིང་ལ་གཡས་བསྐོར་བརྒྱབ་པའི་རས་པ།
གནས་བྲག་དམར་གྱི་ཕུགས་པའི་མཐིལ་དུ།
ནང་ཉམས་རྟོགས་ཀྱི་མེ་ཁ་གསོས་ཏེ།
དྲོད་བསམ་གཏན་གྱིས་གླིང་བཞི་ཁྱབ་བའི་རས་པ།
༢༠༢༤/༡/༡༤ཉིན།[咖啡][合十]
མཛངས་བུ།
ཉམས་རྟོགས་ཀྱིས་ར་རོར་གྱུར་པའི་མི་ལ་རས་པ།
ཁ་བ་འདི་བཞིན་འཁོར་འདས་ཀྱི་ས་མཚམས་ན།
དཀར་བོང་བོང་ངང་རང་དབང་གི་གཤོག་པ་ཐོགས་འདུག
ངག་གི་སྒྲིབ་པ་དག་པའི་མགུར་མ།
རྫ་ཆུ་བསིལ་མ་བཞིན་ལྷུང་ལྷུང་གིས་འབབ།
ཚིག་གི་མདངས་ལ་ལྷུང་བའི་མི་ཚེའི་སྐྱིད་སྡུག
རྗེས་འཇུག་མང་པོ་ཞིག་གི་མི་ཚེའི་ནོམ་པ་རུ་བཟུང་།
རེས་འབབ་རེས་དྭངས་ཀྱི་ཁ་བ།
ཨ་མ་མྱང་ཚ་དཀར་རྒྱན་གྱི་ཞི་དྲག་གི་ངོ་གདོང་བཞིན།
མི་ཚེའི་སྣང་བ་འདི་ཡང་དགའ་སྐྱོའི་འཕྲེང་ལ་ཐོགས།
ཡུལ་གུང་ཐང་གི་ལུང་ཆུའི་སྣེ་རུ།
དབྱངས་མགུར་འགྲོས་ཀྱི་ཆུ་སྣ་མཐུད་དེ།
ཡུལ་འཛམ་གླིང་ལ་གཡས་བསྐོར་བརྒྱབ་པའི་རས་པ།
གནས་བྲག་དམར་གྱི་ཕུགས་པའི་མཐིལ་དུ།
ནང་ཉམས་རྟོགས་ཀྱི་མེ་ཁ་གསོས་ཏེ།
དྲོད་བསམ་གཏན་གྱིས་གླིང་བཞི་ཁྱབ་བའི་རས་པ།
༢༠༢༤/༡/༡༤ཉིན།[咖啡][合十]
✋热门推荐