གུང་ཐང་མི་ལ་རས་པ།
༡
ཨེ་མ་ཐུབ་བསྟན་ཉི་ཟླ་མཛེས་པའི་ཚལ། །
གོས་དཀར་རྣལ་འབྱོར་ཅན་གྱི་གྲུབ་པའི་རྗེས། །
ལུང་རིག་གློག་ཞགས་ལྡེམ་པའི་སྣང་བ་ཡིས། །
ངམ་གནག་དུག་ལྔའི་མགྲོན་པོ་ལམ་དུ་བརྫངས། །
༢
མི་སྡུག་རལ་བ་གྱེན་དུ་གཟེངས་པ་ཡིས། །
འཕྱོར་མེད་བུ་མོའི་སྙིང་ལ་ན་ཚ་ལྷུང་། །
རྫ་རི་སྤྲིན་དཀར་མཐོན་པོའི་མཁར་རྫོང་དུ། །
ཉམས་རྟོགས་མྱུ་གུ་གསར་འཁྲུངས་སྐྱེ་བུར་གུས། །
༣
ལྗོན་ཤིང་ལོ་འདབ་རྒྱས་པའི་བསིལ་གྲིབ་ཏུ། །
སྙིང་རྗེའི་སྤྱན་གྱི་མེ་ཏོག་འབྱེད་འཛུམ་གྱིས། །
འཇིག་རྟེན་འཁོར་བའི་རྦ་རླབས་སྐྱོམ་པའི་སར། །
གསེར་གྱི་གྲུ་གཟིངས་འབབ་མཁས་ཐོས་པ་དགའ། །
༤
ཟླ་བ་ནུབ་ལ་ཉུལ་བའི་རྗེས་ཤུལ་དུ། །
སྤྲིན་དཀར་བུ་མོ་ཡིད་འོང་མེ་ཏོག་བཞིན། །
ཆར་དང་འཇའ་ཚོན་བུང་བ་སྤྲིན་ལྟར་འདུ། །
རི་སྐྱེས་ཤིང་ལོ་དྲི་བཟང་སྨན་སྣ་འཁྲིགས། །
༥
སེམས་ཀྱི་ལྗོན་པ་དཀར་པོ་རླུང་བུས་གཡོ་ཞིང་། །
འཛུམ་ཆུང་མཚར་སྡུག་ཟླ་བ་ཡང་གཅིག་བཞད་དེ། །
ལོ་ཟླ་ཁ་བ་བརྩེགས་པའི་རི་ངོགས་དེ་རུ། །
དྲན་པ་བྱུ་རུ་དམར་ཆུང་གང་དུ་བསུབ་བཞག །
༦
རི་སུལ་ཁ་བའི་ཀློང་ནས། །
མགུར་ཆུང་དབྱངས་ལ་འཐེན་ཞིང་། །
སྐུ་ལ་ཉི་ཟེར་ཕོག་པའི། །
གྲུབ་པའི་རྣལ་འབྱོར་མི་ལ། །
༧
གཙང་བོའི་རླབས་རྩེར་རྩེན་པའི། །
ངང་ཆུང་སྤུ་སྡུག་བུ་མོས། །
གཤོག་པའི་གར་སྟབས་བསྟན་ཡང་། །
མ་འཁྲེན་རྫོགས་ཆེན་མི་ལ། །
༨
རླུང་བུ་ཨེན་ཙམ་གཡོ་ཞིང་། །
ཐང་ཤིང་མགོ་ལྕོག་ལྡེམ་པ། །
སྨུག་རྒྱུ་ཆུ་བོར་འདྲེས་ཀྱང་། །
དམ་ཚིག་མི་དང་མ་འདྲེས། །
༩
བྱིན་རླབས་མེ་སྟག་ཙམ་གྱིས། །
སྡིག་པའི་རི་རབ་བསྲེགས་བཞག །
༢༠༢༤/༣/༡༢ ལའོ།། འཇག་སྐྱ་བོ་ནས། [鲜花][月亮]

སྔ་འགྱུར་བསྟན་པ་རྒྱ་མཚོའི་མངའ་བདག་སྐྱབས་རྗེ་གྲུབ་དབང་པདྨ་ནོར་བུ་རིན་པོ་ཆེ་མཆོག་གཟུགས་སྐུའི་བཀོད་པ་གཞི་དབྱིངས་སུ་བསྡུས་ནས་བགྲང་བྱ་བཅུ་དྲུག་འཁོར་བའི་རྗེས་དྲན་གྱི་ཉིན་མོ།

མདོར་ན་ད་ནས་སྐྱེ་བ་ཐམས་ཅད་དུ། །
总之从今乃至世世中
སྐྱབས་གཅིག་དམ་པ་ཁྱེད་དང་མི་འབྲལ་ཞིང་། །
与您依怙圣者不分离
བྱང་ཆུབ་ཐོབ་ཀྱང་རིགས་ཀྱི་བདག་པོ་རུ། །
即获菩提亦成种姓主
གྱུར་ནས་འགྲོ་ཁམས་དོང་ནས་སྤྲུགས་པར་ཤོག །
祈愿灭尽六道轮回城

སེམས་ཁྲལ་མ་གནང་།
ཁྱེད་ཀྱི་བོར་ཟིན་པའི་སྤྲོ་སྣང་ཚང་མ་རྣམ་པ་གཞན་ཞིག་གི་ཐོག་ནས་རང་ཉིད་ལ་དབང་སྲིད།

~~~~~རྫོང་སར་མཁྱེན་བརྩེ་རིན་པོ་ཆེས།
请不要担心，你失去的所有快乐都肯定以另一种形式重归于你

~~~~~~宗萨钦哲仁波且