འདི་འདྲའི་ཚ་ཚ་འུར་འུར་གྱི་སྤྱི་ཚོགས་ཤིག་གི་ནང་དུ། མི་རྣམས་ཀྱིས་རང་ཉིད་དང་འབྲེལ་བའི་གནད་དོན་མང་པོ་ཞིག་ལ་བསམ་གཞིགས་གཏོང་ཐུབ་ཀྱི་མེད་ཅིང་། གཏོང་བའི་དུས་ཚོད་ཀྱང་དཀོན་པོར་ཆགས་ཡོད། དཔེར་ན། ང་ནི་ཡང་སྙིང་ཅི་ཞིག་ཡིན་ནམ། ངའི་བདེ་སྡུག་གི་འབྱུང་རྩ་གང་དུ་ཡོད་དམ། ང་ཅིའི་ཕྱིར་འཚོ་བཞིན་ཡོད་དམ། ང་འདི་ལྟར་འཚོ་བའི་དོན་སྙིང་ཅི་ཞིག་ཡིན་ནམ། ང་ཤི་རྗེས་ཇི་ལྟར་འགྱུར་སྲིད་དམ་སོགས་ལ་ནི། མི་ཕལ་མོ་ཆེས་དོགས་པ་ཙམ་ཡང་མི་སློང་བར་ཡ་མ་ཡུན་གྱི་ངང་འཆི་བའི་ཉིན་མོ་སྒུག་བཞིན་པ་རེད།

__སྒོ་ཤེར།
རྩོམ་ཁུངས། 《དཔྱད་འཚོལ་དང་ལྟ་ཚུལ》

༄༅།།ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་རྐང་གླིང་འབུད་ཚུགས་ཀྱི་བརྗེད་ཐོ།

འཁོར་འདས་མཚམས་རོལ་ཐང་གསུམ་རྗེས་མའི་དུས།།
བཞི་བཅད་སྔོན་གཏོར་མགོ་མཇུག་དུང་དཀར་དང་།།
བགེགས་མཇུག་བཞི་བཅད་བྱིན་འབེབས་མགོ་མཇུག་ལ།།
བཞི་གློག་བཞི་བཅད་མཆོད་པ་བྱིན་རླབས་ཀྱི།།
འཇམ་རོལ་དུས་སུ་སུམ་འབུད་བཅད་མ་དང་།།
མཆོད་པར་བཞི་བཅད་བསྟོད་མཇུག་དུང་དཀར་དང་།།
བསྙེན་མཇུག་མཆོད་པར་བཞི་འབུད་བཅད་མ་འོ།།

བསྐང་སྤྱན་མཇུག་ཏུ་བཞི་བཅད་ལྷག་མ་ལ།།
མགོ་རུ་བཞི་བཅད་མཇུག་ཏུ་བཞི་བཅད་དང་།།
དངོས་གྲུབ་དུང་དཀར་གཏང་རག་མཆོད་བསྟོད་དང་།།
བཀྲ་ཤིས་བཞི་བཅད་བསྐང་བར་ལྔ་འབུད་དོ།།

མདུན་བསྐྱེད་མཆོད་པའི་བྱིན་རླབས་ལ།།
སུམ་བཅད་སྤྱན་འདྲེན་མགོ་མཇུག་ཏུ།།
བཞི་གློག་བཞི་བཅད་མཆོད་པར་འང་།།
བཞི་བཅད་བསྟོད་མཇུག་དུང་དཀར་རོ།།

སྨད་ལས་གསེར་སྐྱེམས་མགོ་མཇུག་ལ།།
ལྔ་འབུད་བཞི་བཅད་འགུགས་པར་དྲུག།
བསྒྲལ་མཇུག་བཞི་བཅད་ཐ་མའི་ཉིན།།
དཔུང་འཇོམས་གང་བརྡུང་བཞི་བཅད་བཞི།།
སྤྱི་བསྐུལ་དགོས་བསྐུལ་བཞི་གློག་གོ།།
ཐུན་འགུགས་དྲུག་འབུད་སྒོ་དབྱེར་དུང་།།
དབང་པོ་རྡོ་རྗེའི་མཇུག་བཞི་བཅད།།
གཟའ་ཡི་བསྐུལ་དང་མ་མགོན་བསྐུལ།།
མགོ་རུ་བཞི་གློག་ཟོར་མཇུག་ཏུ།།
བཞི་བཅད་ཚེ་འགུགས་དངོས་གྲུབ་དང་།།
དུང་དཀར་གཏང་རག་བཞི་བཅད་དོ།།

ལོ་རྒྱུས་ཀྱིས་ཤེས་རྟོགས་ཇེ་མཐོར་གཏོང་བ་དང་། སྒྲུང་རྩོམ་གྱིས་ཚིག་གི་སྦྱོར་བ་ལེགས་པར་བྱེད་ཅིང་། སྙན་ངག་གིས་མཛེས་པ་ཤེས་པའི་ཚོར་ཤེས་བསྐྱེད་ལ། གཞུང་ལུགས་ཀྱིས་གཟུངས་གཞུག་ཡོད་པར་བྱེད་པའོ། ། མདོར་ན། དཔེ་ཆ་ནི་ཤེས་རབ་ཀྱི་གཏེར་སྒོ་འབྱེད་པའི་ཡིད་བཞིན་གྱི་ནོར་བུ་དེའོ། །