ཉི་ཟླ་གླིང་བཞིའི་ཁྲོད་ནས་རྒྱུ་བ་དང་། །
རི་དབང་ཆུ་གཏེར་གོས་དང་མ་བྲལ་བར། །
ཁོར་ཡུག་ས་འཛིན་གནས་པ་དེ་སྲིད་དུ། །
བདག་གི་བླ་མའི་ཞབས་པད་བརྟན་གྱུར་ཅིག།

https://t.cn/A6tCn4m0

ཐེངས་རེ་བཞིན།
དཔེ་ཁང་དག་ཉུལ་ཏེ།
བརྗོད་སྙིང་མི་མཚུངས་པའི།
ཀློག་དེབ་གང་མང་ཞིག
ཉོ་ཆ་བརྒྱབ་དོན།
རེ་བ་དང་།
དགའ་ཕྱོགས་ཀྱིས་དྲངས་པ་ཡིན་མོད།
མགོ་བརྩམས་ཀྱང་མཐའ་མ་འཁྱོངས་པའི།
དེབ་འཕྲེང་གང་མང་དེ་ཚོས།
མཐོང་ན་ཞེད་ཅིང་།
དྲན་ན་རང་ཉིད་ལ་ཁྲེལ་དུ་བཅུགས།
མ་ཟད་ད་དུང་དེ་གས།
ཆེས་ལེ་ལོ་དང་བག་མེད་ཀྱིས་མི་ཚེ་འདའ་བའི་རང་ཉིད་མངོན་དུ་བཅུགས་ཡོང་།
དེ་ལྟ་མོད།
ད་དུང་བཅོས་སུ་མི་བཏུབ་པར་རྭ་ལྟར་གྱོང་བའི་དྲན་པ་འདིས།
གང་འདོད་དུ་ཁ་ལོ་བསྒྱུར་འགྲོ་ཨང་།
#དབྱངས་ཀྱི་རོལ་མོ#

འཚོ་བ་དང་སློབ་སྦྱོང་གི་བརྒྱུད་རིམ་ཁྲོད་ནས།
ཆེས་གླེང་པར་འོས་པའི་དགེ་མཚན་དང་གྲུབ་འབྲས་ཤིག་ཡོད་པ་ནི།
རང་ཉིད་ཧ་ཅང་གི་རྨོངས་རྟུལ་ཡིན་པའི་ངེས་ཤེས་རྙེད་པ་འདི་ཁོ་ནའོ།།