དེ་ཡང་༧འཇམ་མགོན་བླ་མ་ཤར་རྒྱལ་བ་ཙོང་ཁ་པ་མཆོག་གིས། དཔལ་མགོན་འཕགས་པ་ཀླུ་སྒྲུབ་ཀྱིས་ཀུན་གཞི་མི་བཞེད་པར་ཞིབ་པར་བསྒྲུབས་སུ་ཟིན་པ་ལ། སྔ་རབས་པའི་ཕྱོགས་འཛིན་པའི་མཁས་པ་འགའ་ཡིས། དེ་ལྟར་ན། ཀླུ་སྒྲུབ་ཀྱིས་མཛད་པའི་«རང་བཞིན་གསུམ་ལ་འཇུག་པའི་སྒྲུབ་པ་»ལས། ཀུན་གཞིའི་རྣམ་བཞག་གསལ་བར་བསྟན་པ་མི་འཐད་པར་འགྱུར་རོ། །ཞེས་རྗེ་བླ་མ་འགོག་པར་མཛད་མོད། བོད་དུ་བཞུགས་པའི་«རང་བཞིན་གསུམ་ལ་འཇུག་པའི་སྒྲུབ་པ་»ལ་ཡང་ཀླུ་སྒྲུབ་མཛད་ཅེས་བསྒྱུར་བྱང་དུ་འཁོད་པ་དང་། དབྱིག་གཉེན་གྱིས་མཛད་ཅེས་འཁོད་པ་གཉིས་ཡོད་ཅིང་། དེར་མ་ཟད། དེའི་རྒྱ་ཡིག་གི་འགྱུར་ལས་ཀྱང་དབྱིག་གཉེན་གྱིས་མཛད་ཅེས་བསྒྱུར་བྱང་དུ་བཞུགས་ཡོད་ལ། ལྷག་པར་དུ། ཉེ་རབས་ཀྱི་ནང་ཆོས་ཞིབ་འཇུག་པ་ 西勒万•烈維（ Sylvain Levi）ལཱེ་ཝས་ཞུ་བའི་ཞིབ་འཇུག་པ་འདིས་བལ་ཡུལ་ནས་«རང་བཞིན་གསུམ་ལ་འཇུག་པའི་སྒྲུབ་པ་»ཞེས་པའི་བསྟན་བཅོས་དེའི་ལེགས་སྦྱར་གྱི་མ་དཔེ་གསར་རྙེད་བྱུང་ཡོད་པ་དེའི་མཛད་བྱང་དུ་ཡང་དབྱིག་གཉེན་གྱིས་མཛད་པར་འཁོད་ཡོད་པར་འདུག་པས། རྩོད་པ་དེ་རང་བཞིན་གྱིས་ཞི་བར་གྱུར་སོང་ངོ་། ། https://t.cn/A6tCn4m0

      ཚེ་རིང་སྐྱིད་ལ་སྐུར་བས་དྲན་པ་མུ་ཏིག་སྔོན་པོའི་དོ་ཤལ།
                                   
                                     རྩོམ་པ་པོ། པོ་ཏ་ལའི་མྱི

སྤྲིན་པ་ཐར་ཐོར་རེ་དང་ཉི་འོད་མག་མོག་ཅིག་ལས་ཅི་ཡང་མི་མཐོང་བའི་དེ་རིང་། གྲོང་སྡེའི་མཐའ་འཁོར་ན་རྡུལ་ཕྲན་བཞིན་དུ་འཚང་ཁ་རྒྱག་རྒྱུར་དགའ་བའི་རྒྱུས་མེད་ཀྱི་མི་སྣ་དེ་དག་ཀྱང་མཐོང་ལམ་དུ་མི་སྣང་ཞིང་། ལྷིང་འཇགས་ཡིན་ལ་ལྷིང་འཇགས་མ་ཡིན་པའི་ཁོར་ཡུག་ཅིག་ནས། ངའི་ད་ལྟའི་དྲན་པ་མཚོན་པའི་ཐ་སྙད་མང་པོ་ཞིག་ང་དང་མཉམ་དུ་ཟི་ལིང་མཁར་ན་ལུས་ཡོད།

ངའི་སྤྱི་སྤྱོད་རླངས་འཁོར་གྱི་དྲྭ་མ་ལས་ཁམས་དང་དབང་པོ་ཕྱི་རོལ་དུ་ཕྱོགས་ཤིང་ཕྱི་རོལ་གྱི་ནམ་ཟླ་དང་ངའི་ནང་སེམས་ཀྱི་ཚོར་འདུ་གཉིས་གཅིག་ཏུ་འདྲེས་ཏེ། བར་མཚམས་མེད་པའི་ཀུན་རྟོག་གི་ཀློང་ནས་ཁྱོད་མཚོན་པའི་ཐ་སྙད་དེ་དག་ཆུ་མིག་བརྡོལ་བ་ལྟར་དུ་ང་ཡི་ངག་སྒོ་ན་འཕྱོ།
ད་དུང་ཁྱོད་རང་བརྗོད་བྱ་དང་རྗོད་བྱེད་ཀྱི་རྣམ་པར་སྤྲུལ་ཏེ་ངའི་འཚོ་གནས་ཀྱི་ཤོག་དཀར་སྟེང་ན་འབབ།

གོམ་པ་མདུན་ཕྱོགས་སུ་སྤོས་ཀྱང་སེམས་པ་རྒྱབ་ཕྱོགས་སུ་ལུས་སོང་བ་ལྟ་བུའི་གློ་སྙིང་གི་གས་སྲུབ་བར་ན་ལྷོད་ཀྱིས་ལྡང་བའི་དྲན་གདུང་གང་དེ་རོལ་དབྱངས་གང་ཞིག་གི་མཚོན་དོན་དུ་འགྱུར་སྲིད། དེ་རིང་ངའི་ཁྱོད་ཡོད་སའི་ས་ཕྱོགས་དེར་འཆར་ཡན་ཁྲི་ཕྲག་གིས་བརྒྱན་པའི་མེ་ཏོག་སྣ་བརྒྱ་ཞིག་བཏབ་སྟེ། ནམ་ཞིག་ཁྱོད་ཁོ་ནར་དབང་བའི་མེ་ཏོག་ལུང་པ་ཞིག་འཛུགས་འདོད། དེ་རུ་སྐྱེས་པའི་མེ་ཏོག་གི་འདབ་མ་རེ་རེ་ངའི་དྭངས་གཙང་གི་སེམས་འདུན་མཚོན་པའི་བརྩེ་ཞེན་གྱི་དྲོད་ཐིག་རེ་རེ་ཡིན། 

ག་ཤེད་ཅིག་ནས་སྤྲིན་ནག་འཁྲུག་པ་བཞིན་གློ་བུར་གློ་བུར་དུ་དྲན་ཡོང་བའི་ཁྱོད། ཁོམ་རྒྱུ་དེ་འདྲ་མེད་པའི་ཁོར་ཡུག་དེ་ན་བདེ་བར་གནས་སམ། ད་ལྟ་དུས་ཚོད་ཀྱི་དབང་གིས་ཆམ་ནད་ཚབ་ཆེན་རེ་ཐོན་ཡོད་པར་གོ་དུས་སྐྲག་སྣང་གིས་སྒུལ་བའི་གློ་སྙིང་བར་ནས་ཁྱོད་ཉིད་དྲན་ཡོང་། གཞན་ལ་ཁ་དེ་ཙམ་གྲགས་རྒྱུར་མི་དགའ་བའི་ཁྱོད་ཀྱིས་ལུས་སེམས་ཀྱི་སྐྱོ་གདུང་མཐའ་དག་རང་ཉིད་གཅིག་པུའི་ཁུར་ནས་ཡོད་དམ།

ཕར་བལྟས་ཚོད་ལ་ཆ་ཡོད་རྒྱུས་ཡོད་ལྟར་དུ་སྣང་ནའང་དོན་དངོས་སུ་ཕན་ཚུན་ལ་གཅིག་ཀྱང་རྒྱུས་མེད་ཡིན་པའི་ལྷིང་འཇགས་ལ་ཕྱོགས་པའི་བུ་མོ། ཁྱོད་ཀྱིས་རང་དབང་གི་ནམ་མཁའ་རུ་རྒྱུ་བའི་ལྷོད་ཡངས་ཀྱི་ཆུ་འཛིན་དེར་རང་ཉིད་ཀྱི་ལས་དབང་ལ་ཅོ་འདྲི་བྱེད་མྱོང་ངམ། རྙོག་འཛིང་དང་འཁྲབ་སྟོན་ལ་དགའ་བའི་དུས་རབས་འདིར་ཁྱོད་ཀྱིས་ཀྱང་སྒྱུ་རྩལ་པ་ཞིག་བྱེད་ན་འདོད་དམ། ཁྱོད་ཀྱི་ལང་ཚོ་དང་ཚེ་སྲོག་ཁྱོད་རང་ཉིད་མ་གཏོགས་གཞན་དག་སུ་ལའང་མི་དབང་བའི་མག་མོག་གི་འཇིག་རྟེན་འདི་ནས་རང་དབང་གི་གནམ་འཕངས་གཅོད་པའི་ཁྲུང་ཁྲུང་ཞིག་ཅིས་ཀྱང་ཡིན་དགོས།

གཞས་གཏོང་བར་དགའ་ཞིང་ཐང་གའི་སྒྱུ་རྩལ་གྱི་ཞིང་ཁམས་ལ་སྙེགས་པའི་འབྲོག་གི་བུ་མོ། ལྷད་མ་འདྲེས་པའི་རོལ་དབྱངས་དེ་དང་བཙོག་མ་སླད་པའི་སྒྱུ་རྩལ་དེས་ཁྱོད་ཀྱི་སྨྲེང་བ་གསོས་བྱུང་ངམ། ངའི་རྒྱང་རིང་གི་གནམ་སའི་མཐའ་ནས་ཁྱོད་ཀྱི་འོད་ཟེར་དཀར་པོའི་སོ་ཕྲེང་དང་གཉོམ་དུང་དུང་གི་གཤིས་རྒྱུད། ཟོལ་མེད་ཀྱི་འཛུམ་མདངས་དང་དགའ་ལྷང་ལྷང་གི་རྣམ་འགྱུར་བཅས་དྲན་གྱིན། སེམས་ཀྱི་གནས་སྟངས་མཚོན་པའི་ཐ་སྙད་འགའ་བྲིས་ཏེ་ཁྱོད་ཁོ་ན་གླེང་གིན་ཡོད། 
ཁྱོད་ཕྱོགས་སུ་འཕུར་བའི་དྲན་པ་འདི་ལ་མཚམས་འཇོག་མེད་པ་ནི་གཙང་བོའི་བཞུར་རྒྱུན་བཞིན་རི་ལུང་ཐང་གསུམ་དུ་ཁྱབ་ནས་ཡོད་ཚད་ལ་རེ་དོག་བྲལ་བ་ཞིག་ཏུ་གྱུར་འགྲོ།

རི་ཆུའི་ཟོ་མདངས་དང་ས་གཞིའི་ཟིལ་ཤུགས་ལ་བལྟས་ན་དཔྱིད་ཟླའི་འབོད་སྒྲ་སྙན་མོ་དེས་གངས་ལྗོངས་ལ་དབྱིབས་དང་ཁ་དོག་མང་པོ་ཞིག་ཁྱེར་ནས་ཡོང་ཡོད་པ་འདྲ། ཡིན་ནའང་ཁྱོད་རང་མ་མཐོང་བའི་ལོ་ཟླ་འདི་དག་ང་ལ་མཚོན་ན་དཔྱིད་ཟླ་ནི་དཔྱིད་ཟླ་རང་རེད། འཁྲུལ་སྣང་དང་ཁེར་རྐྱང་ལས་སོན་པའི་ན་ཟུག་གི་ལོ་ཟླ་ཅིག་རེད། ཕྱི་རོལ་ན་ཆར་བ་འབབ་གིན་མེད་ནའང་ནང་སེམས་སྔ་མོ་ནས་རླན་པར་བྱས་ཟིན་པ་འདི་ང་རང་མ་གཞི་ནས་དྲན་གདུང་གི་ལྕགས་སྒྲོག་རྒྱབ་པས་ཁྲམ་པ་ཞིག་ཏུ་ལོག་སོང་བས་ཡིན་ནམ། 

ངས་ཁེར་རྐྱང་དང་རེ་སྨོན་གྱི་ཁྲོད་ནས་ཞོགས་པའི་སྐྱ་རེངས་ལ་བལྟས་ཤིང་དགོང་མོའི་མཚམས་སྤྲིན་ལ་ཅེར་ཏེ། དྲན་འཛིན་ཡིད་ཀྱི་དཀྱིལ་འཁོར་ན་བཞེངས་བའི་མཚར་སྡུག་གི་སྣང་བརྙན་གང་དེར་བསུབ་ཏུ་མི་བཏུབ་པའི་ཁྱོད་ཀྱི་མིང་ཡིག་མང་པོ་བྲིས་ཤིང་ཀུན་གཞིའི་ཀློང་གི་བག་ཆགས་དེ་དག་ལ་བརྩེ་འཕྲིན་གྱི་ཆོ་ལོ་བསྩལ་བ་ཡིན། ཁྱོད་ཀྱི་གནག་སྣུམ་ལན་བུའི་བར་གསེང་རེ་རེ་ན་བཞུར་བའི་རྔུལ་ཆུའི་ཐིགས་པ་རེ་རེ་ནི་ངའི་ཞེ་འདང་གི་གཞུང་ནས་བཏུས་པའི་མེ་ཏོག་གི་འདབ་མ་རེ་རེ་ཡིན་ལ། ཚེ་རབས་ལས་ཀྱི་འདུན་པ་རྒྱང་ལ་ཕྱོགས་པའི་མི་ཚེའི་དེབ་ཐེར་ངོས་སུ་ངས་འབྲི་མི་ཚར་བའི་གཏམ་རྒྱུད་དང་བརྗོད་བྱ་མཐའ་དག ཡང་ན་ལོ་ཟླའི་སེམས་འདུན་ལས་འཁྲུངས་བའི་ཁྲེལ་གཞུང་གི་བརྩམས་ཆོས་མཐའ་དག་ནམ་ཡང་ཁྱོད་དང་འབྲེལ་ནས་ཡོད། 

ཁྱོད་རང་མེད་པའི་ཁེར་རྐྱང་གི་ལོ་ཟླ་ཞིག་སྨྲེང་བའི་བསུས་ཤིང་ཡི་ཆད་དང་སུན་སྣང་གི་མནར་བས་བས་མཐའི་གྲོང་ཁྱེར་ཅིག་ནས་ཝུ་ཆང་རྒྱལ་མོའི་ལག་ཟུང་ལ་དམ་དུ་འཇུས་ཏེ་དོན་འགྲུབ་རྒྱལ་གྱི་ཤ་དང་རུས་པའི་བརྩེ་དུང་ལ་སྙིང་ཤ་གླན་བཞིན་ཁྱོད་དང་ཁྱོད་ཀྱི་རྒྱབ་གཟུགས་ལ་མིག་ཞགས་འཕངས་ཡོད།  

              སྟོ་ལོ་ཉེར་བཞི་ལོའི་ཟླ་གསུམ་པའི་ཚེས་27ཉིན།
        ཁྱོད་དང་རྒྱང་ཐག་རིང་བའི་མགྲོན་ཁང་ཅིག་ནས་སྦྱར་བའོ།

ཝེ་ཞུའུ་ཡེའུ་ཡིས་སྒྲིག་རྩོམ་བྱས་ཤིང་རུ་མང་ཀླུ་མཁར་རྒྱལ་གྱིས་བོད་འགྱུར་ཞེས་པའི་ཧ་ཝར་ཊི་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ་ལས།དོན་འཁྱོངས་འདོད་ན་ནམ་ཡང་སྒྱིད་ལུག་གི་སྒོ་མོ་རྡུང་མི་རུང་། #gebaxiT[超话]#