ཁ་རྩང་ཕྱི་དྲོ་ལས་ཞུགས་གྲོགས་རྗེས་ལས་རོགས་བུ་གཉིས་དང་རི་ཁ་འཛེག ད་ལྟ་སི་ཁྲོན་གཡག་རྔ་ནས་བོད་ལྗོངས་ཉིང་ཁྲི་བར་གྱི་ལས་བཞིན་པའི་ཁྲོན་བོད་ལྕགས་ལམ་ལས་གྲྭ་དང་ཆབ་མདོའི་མེ་འཁོར་འབབ་ཚུགས་སོགས་ཀྱི་ཕྱིར་ཡུལ་དངོས་ལ་ལྟ་ཉུལ་བྱས། ལས་ཀའི་ཡུལ་དངོས་ལ་ནི་ག་ས་གང་དུ་ས་རྐོ་རྡོ་སློག་བྱས་ཏེ་དེང་རབས་འཕྲུལ་རིགས་ལ་སོགས་གྲོག་ཚང་བརྡོལ་བ་ཇི་བཞིན་ཟང་ཟིང་ལང་ལོང་བྱེད་པ་དང་། འཕྲུལ་རིགས་ཚོས་ལྡིར་སྒྲ་སྣ་ཚོགས་འབྲུག་སྟོང་དུས་གཅིག་ཏུ་གྲགས་པ་ལྟར་བྱེད་བཞིན་འདུག མདོར་ན་སྒྲུང་གཏམ་རྩོམ་པ་པོ་གྲགས་ཅན་ཚེ་རིང་དོན་འགྲུབ་ལགས་ཀྱིས་བརྩམས་ཆོས་སྒྲུང་འབྲིང་“ཝ་ནག་ལུང་པ་”ཟེར་བ་དེ་འདྲ་དེའང་དྲན་བྱུང་། མདང་དགོང་མོ་གྲོང་ཁྱེར་ལས་རིགས་ལག་རྩལ་སློབ་གྲྭའི་ནང་དུ་འཁྱམ་ཉུལ་སོང་། སློབ་གྲྭ་ནི་དེང་རབས་ཅན་གྱི་འཛུགས་བསྐྲུན་ལ་སོགས་ཕྱིའི་བཀོད་པ་དང་ནང་གི་ཆ་རྐྱེན་ཕུན་སུམ་ཚོགས་པ་ཧང་ཅང་བཟང་། སློབ་གྲྭའི་ཕྱིའི་ར་སྐོར་ནི་རྒྱ་ཆེ་ལ་ཁོད་ཡངས་ལ་སློབ་མའང་གྲངས་མང་ལ་གཏན་འཁེལ་ཇི་ཙམ་ཡོད་མེད་ཤེས་མ་སོང་། སློབ་གྲྭ་ར་སྐོར་གླིང་ལ་རྩྭ་ར་དང་མེ་ཏོག ཤིང་སྣ་འདྲ་མིང་འདེབས་འཛུགས་བྱས་འདུག་ལ། ད་དུང་ངལ་གསོ་སའི་རྐུབ་སྟེགས་ལ་སོགས་ག་ས་གང་དུ་སྟབས་བདེ་དེ་འདྲ་ལས་འདུག དེ་དག་ནང་སློབ་མ་བུ་བུ་མོ་མང་པོ་ཞིག་དགའ་རོགས་སྒྲིག་ནས་ཆ་དང་ཆ་བྱས་ཏེ་ཕན་ཚུན་འཇུ་རེས་འཁྱུད་རེས་བྱེད་ནས་འགྲོ་བཞིན་འདུག སློབ་མ་འགའ་རེ་ལམ་སྒྲོན་འོག་ཏུ་དཔེ་དེབ་བཟུང་ནས་བློ་འཛིན་ལ་སོགས་བྱེད་བཞིན་འདུག་ལ། འགའ་རེ་སྤོ་ལོ་ཐང་དུ་རྐང་རྩེད་སྤོ་ལོ་དང་ལག་རྩེད་སྤོ་ལོ་རྒྱག་བཞིན་འདུག ང་དང་ལས་རོགས་བུ་ཞིག་དང་ངེད་གཉིས་རི་མོའི་འཛིན་གྲྭ་ཞིག་ནང་སོང་ནས་སློབ་མ་བུ་འགའ་ལ་ཕ་ཡུལ་དང་རི་མོའི་སྐོར་ལ་སྐད་ཆ་འགའ་རེ་དྲིས་པ་ཡིན་ལ། ངེད་གཉིས་ལའང་སློབ་མ་བུ་ཞིག་གིས་ཁྱོད་གཉིས་སྲུང་མ་ཅི་འདྲ་བསྟེན་མི་ཡིན་ཞེས་དྲིས་བྱུང་ལ། དེ་ལ་ངའི་རོགས་པ་དེའི་ལན་རྒྱག་ཐོས་ལ་སློབ་མ་ཁོ་ལ་དེ་འདྲ་དྲི་དགོས་པའི་སེམས་ནང་མི་བདེ་བ་ཞིག་ཡོད་མིན་འགྲོ་སྙམ། གང་ལྟར་དེ་འདྲ་ཞིག་ཀྱང་དེང་གཉིས་ལ་དྲིས་བྱུང་། དུས་ཚོད་བཅུ་གཅིག་ཕྱེད་ཟིན་མིན་ངེད་གཉིས་སྡོད་སའི་ཁྱིམ་ནང་ཚུར་ལོག་འོང་བར་ཡིན་ནོ།།

“ནུབ་ཕྱོགས་ཀྱི་འཇིག་རྟེན་དུ་སླེབས་རྗེས་ང་ལ་ཆུ་ཚོད་ཆེ་ཆུང་སྣ་ཚོགས་བཟོ་མཁན་དང་།གནམ་གྲུ་དང་མོ་ཊ་ལ་སོགས་ངོ་མཚར་བའི་བྱ་བ་བྱེད་ཐུབ་པའི་འཕྲུལ་ཆས་གཞན་དག་བཟོ་མཁན་རྣམས་དང་གདོང་ཐུག་བྱུང་། ནུབ་ཕྱོགས་སུ་དེ་ཙམ་གྱི་ཤེས་རབ་མི་འདུག་ཀྱང་ཤེས་ཡོན་ཧ་ཅང་གི་མང་པོ་འདུག”
                   --ཆོས་རྒྱམ་དྲུང་པ་རིན་པོ་ཆེ(1940-1987)

ཕྱོགས་དང་ཟླ་བའི་རྣལ་འབྱོར་ལ་གཞོལ་བའི་བདག་གི་སློབ་མ་རྣམས་ལ་དྲན་གསོ་ཞུ་རྒྱུ། དེ་རིང་སྡིག་སྒྲིབ་སྦྱོང་བ་ལ་བསྔགས་པའི་མར་ངོའི་ཚེས་བཅུ་རེད། བླ་མ་གསེར་མདོག་སྤྲུལ་སྐུ་ནས།
進行方月瑜珈修行的我的弟子眾，
今天是最佳消除業障的下十號！
上師仙多祖古仁波切 關心你
04.04.2024