འཇིགས་སྣང་དང་སྐྱོ་གདུང་ལྟ་བུ་དགེ་མཚན་མེད་པའི་མྱོང་ཚོར་འདི་དག་ནི་ལྷག་པར་དུ་ད་ལྟའི་མི་རྣམས་ལ་མངོན་དུ་གྱུར་དང་འགྱུར་བཞིན་པ་རེད། འདིར་དེ་དག་མངོན་དུ་འགྱུར་ཚུལ་ནི་ཕྱོགས་མང་པོ་ཞིག་ན་འཚོ་བའི་གོམས་གཤིས་ལ་རག་ལས་པར་གསུང་བ་འདིས། དེ་དག་མངོན་དུ་འགྱུར་བ་ནི་ཡུལ་གྱི་གནས་ལུགས་ལ་ཞུགས་པའི་བློ་ཞིག་ལ་བརྟེན་ནས་བྱུང་བ་མིན་པ་ཤུགས་སུ་བསྟན། དེས་ན་འདི་ལ་ནང་བའི་གཞུང་ནས་འབྱུང་བའི་སྤང་གཉེན་གྱི་རྣམ་བཞག་དང་སྦྱར་ནས་བསམས་ན། མི་འདོད་པའི་མྱོང་ཚོར་དེ་དག་ནི་ཡུལ་གྱི་གནས་ལུགས་ལ་ཞུགས་པའི་བློ་ཚད་མ་ཞིག་གཉེན་པོར་བསྟེན་ནས་སྤོང་ཐུབ་པ་རེད། ཡང་ན་སྐད་ཆ་གཞན་ཞིག་གིས་བཤད་ན་འཇིག་རྟེན་ལྟ་ཚུལ་དང་མི་ཚེ་ལྟ་ཚུལ་ཡང་དག་པ་ཞིག་ལ་བརྟེན་པའི་རིན་ཐང་ལྟ་བ་ཞིག་རྒྱུད་ལ་སྐྱེད་ཐུབ་ན་ནི་མི་འདོད་པའི་མྱོང་ཚོར་དེ་དག་ལས་ཐར་ཐུབ་པ་ཡིན། འོན་ཀྱང་འདིའི་སྔོན་འགྲོ་ལྟ་བུ་ལ་ཐོས་བསམ་རྒྱ་ཆེན་པོ་ཞིག་དགོས་པའང་སྨོས་མེད་རེད།

རིགས་ལམ་ནི་དྲང་ཤན་འབྱེད་པའི་ཐིག་ཤིང་ཡིན་ཕྱིན།
རྒྱུ་མཚན་དང་གནས་ལུགས་ཀྱི་སྟེང་ནས་ང་ཚོ་མགོ་བོ་མཐོན་པོར་བཅག་དེ་སོང་ཆོག
གཞན་ལ་བཀོད་འདོམ་དང་འགོ་འདྲེན་བྱེད་ས་ནས་རང་ཉིད་མ་གཞི་ནས་རུལ་ཡོད་པ་ངང་ཚུལ་གྱི་སྐྱོ་གར་ལ་ལྟོས་དང་།

ཆོས་འཇིག་རྟེན་གཉིས་ཆར་གྱི་བདག་པོར་ལྟ་ཅི།
རྒྱལ་བ་དེ་བཞིན་གཤེགས་པའི་བསྟན་པ་དེ་འཛམ་གླིང་འདིའི་མཐའ་ཞིག་དུ་འདེད་ཀི་ཡོད་པ་མིན་ནམ།

༸རྗེ་ཙོང་ཁ་པ་དང་འཁོར་དག་པ་རྣམ་བརྒྱད་ཀྱི་གསོལ་འདེབས།

རྒྱལ་ཀུན་མཁྱེན་རབ་གཅིག་བསྡུས་ཤེས་རབ་སྐུ༷། །
སྐུ༷་མཆོག་བཤེས་གཉེན་རྣམ་རོལ་བློ་བཟང་གྲགས༷། །
གྲགས༷་སྙན་ས་གསུམ་ཀུན་ཁྱབ་བརྩེ་བའི་བདག༷ །
བདག༷་སོགས་འགྲོ་བའི་མགོན་ལ་གསོལ་བ་འདེབས། །
བདེ་གཤེགས་བསྟན་པའི་དགོངས་དོན་ཟབ་མོའི་གནད༷། །
གནད༷་ཀུན་གཅིག་དྲིལ་འཇམ་མགོན་ལུགས་བཟང་འདི༷། །
འདི༷་དོན་ཚུལ་བཞིན་སྒྲུབ་ཏེ་མངོན་མཐོའི་དཔལ༷། །
དཔལ༷་མཆོག་ངེས་ལེགས་འགྲུབ་པའི་བྱིན་མཐུ་སྩོལ། །
དཔལ་ལྡན་བཟང་པོ༷་བྱང་ཆུབ་སེང་གེ༷་དང་། །  
རིན་ཆེན་རྒྱལ་མཚན༷་བཟང་སྐྱོང༷་དབུས་པ་བཞི། །
རྟོགས་ལྡན་འཇམ་དཔལ་རྒྱ་མཚོ་༷ཤེས་རབ་གྲགས༷། །
འཇམ་དཔལ་བཀྲ་ཤིས༷་དཔལ་སྐྱོང༷་ཨ་མདོ་བཞི། །
འཇམ་མགོན་བླ་མ་རི་ཁྲོད་འགྲིམས་པའི་འཁོར། །
བློས་བཏང་དག་པ་རྣམ་བརྒྱད་ཅེས་གྲགས་པའི། །
ངེས་དོན་མཁས་གྲུབ་རྣམས་ལ་གུས་ཕྱག་འཚལ། །
ལམ་མཆོག་འཇུག་སྒོ་རྣམ་གསུམ་མཐར་ཕྱིན་ཤོག །