གསའ་ཞེས་པའི་གློག་བརྙན་ལ་བལྟས་རྗེས་དགེ་ཆོས་ཀྱི་ཞལ་ནས་གསུངས་བའི་རྙིང་བ་ཐམས་ཅད་ལྷ་ཡི་སྲོལ་དུ་བསྒྲགས། གསར་བ་ཐམས་ཅད་བདུད་ཀྱི་འཕྲུལ་དུ་བསམ། ངོ་མཚར་ཐམས་ཅད་ཐན་ལྟས་ཉིད་དུ་སྒོམ། འདི་ནི་ད་ལྟའི་བར་དུ་རང་རེའི་སྲོལ་ཞེས་པ་ཅི་མ་བདེན་སྙམ། རང་རིགས་ཚོས་ཅིའི་ཕྱིར་གངས་རིའི་ལྗོངས་ཀྱི་སྐྱེས་ཆེན་རེ་རེར་བཞུད་ཟིན་རྗེས་ད་གཟོད་ནོར་བུའི་ནོར་ཉམས་ཆོད་ནས་ཕངས་སེམས་ཚད་མེད་སྐྱེས་བ་རེད། གང་སྨོས་སྲོལ་དེ་མ་དོར་བའི་རྐྱེན་དང་རང་རིགས་ལ་ཤ་མ་ཚ་བ་དང་སྙིང་མ་ཉེ་བས་རྐྱེན་ཡིན་པར་སྙམ། ནམ་རྒྱུན་གཞན་རིགས་ཤིག་ལ་དོ་སྣང་དང་མིག་རྒྱང་མི་འཕེན་པར་ང་ཚོ་རང་ལའང་བློ་ཉེ་བ་ཞིག་བྱེད་པར་གཙོ།
#གསའ། https://t.cn/A6cQc4vv
#གསའ། https://t.cn/A6cQc4vv
ཁ་རྩང་ཞོགས་པ་ནམ་ལངས་མ་ཐག་མལ་ལས་ལངས་ཏེ་ཞོགས་ཇ་འཐུང་རྗེས་གྲོགས་པོ་ཞིག་དང་རླངས་འཁོར་གཏོང་ནས་ཁམས་པ་དགོན་ལ་སོང་། ཞོགས་ལ་ཁ་ཆར་ཟམ་ཟིམ་འབབ་བཞིན་འདུག་ལ། ཕྱོགས་བཞིའི་རི་རྩེ་སྨུག་པས་འཁྲིགས་འདུག གནམ་ངོ་དེ་ཙམ་བཟང་རྒྱུ་མི་འདུག་མོད། འོན་ཀྱང་འགྲོ་འདོད་ཀྱི་དབང་གིས་ལམ་ལ་ཆས། ཁམས་པ་དགོན་ནི་ཆབ་མདོ་གྲོང་ཁྱེར་ནུབ་བྱང་ཕྱོགས་སུ་སྤྱི་ལེ་བརྒྱ་དང་དགུ་ཙམ་མཚམས་སུ་ཆགས་ཡོད། རིག་གསར་ལས་འགུལ་སྐབས་སུ་གཏོར་བརླག་ཚར་ཆེན་ཐེབས་སོང་བའི་བསྐལ་བཟང་སངས་རྒྱས་སྟོང་སྐུ་ཆ་མ་ཚང་བའི་ལོ་ངོས་སུམ་བརྒྱ་མ་ཟིན་ཙམ་ཡིན་པའི་སྐུ་རྙིང་པ་མང་པོ་ཞིག་དང་། མཆོད་རྟེན་དང་ཚྭ་ཁང་། བླ་ཆེན་རྣམས་ཀྱི་ཞབས་རྗེས་དང་ཕྱག་རྗེས། ལྷག་ཏུ་ཁམས་སྤྲུལ་སྐུ་ཕྲེང་གསུམ་པ་ངག་དབང་བསྟན་འཛིན་མཆོག་གིས་སྐུ་དམར་གདུང་ལ་སོགས་བྱིན་ཅན་མང་དུ་མཇལ་རྒྱུ་འདུག་ལ། མདོར་ན་དགོན་པའི་ལྷ་ཁང་ནང་དུ་སྐུ་གསུང་ཐུགས་རྟེན་མང་པོ་དང་མཆོད་ཁྲི་སྟེང་ལ་སྤོས་དང་ཞག་སྒྲོན་སོགས་མཆོད་པའི་ཡོ་བྱད་སྣ་ཚོགས་བཤམས་འདུག ང་དང་གྲོགས་གཉིས་པོས་ལྷ་ཁང་རེ་རེར་རག་ཙམ་མཇལ་བ་དང་ཕྱིའི་གླིང་སྐོར་ཐེངས་གཅིག་གྲུབ་རྗེས་ག་ལེར་རླངས་འཁོར་གཏོང་ནས་སླར་ཡང་སྔར་གྱི་ལམ་དུ་ཞུགས་ཏེ་ལམ་ཁ་བོད་ཟས་ཁང་སྟབས་བདེ་ཞིག་ནང་རྒྱ་ཐུག་ཕོར་རུ་གང་རེ་ཟོས་ནས་བདེ་འཇགས་ངང་ཚུལ་ལོག་འོང་བར་ཡིན། ང་ནི་ཉིན་འཁོར་བྱས་པའི་རླངས་འཁོར་གྱིས་ཕལ་ཆེར་ཉིན་གང་ལ་སོང་བས་ཅུང་ཐང་ཆད་བྱུང་ལ། མདང་དགོང་ཕྱི་ལ་ཟ་མ་ཕོར་གང་ཟོས་རྗེས་སྔར་ཙམ་ཉལ་བསྡད་པར་ཡིན།
ཇོ་བོ་རྗེའི་ཞལ་སྔ་ནས།
སྤྱིར་སྙིགས་མའི་དུས་ཀྱི་མི་རྣམས་ཀྱི་ཚེ་ནི་ཡུན་ཐུང་ཤེས་བྱའི་རྣམ་པ་མང་བས། རང་གི་ཚེའི་ཚད་ཀྱང་ཇི་ཙམ་ཐུབ་པར་ངེས་པ་མེད་པས་མྱུར་དུ་རང་གི་འདོད་པ་དང་དུ་བླང་བ་ལ་འབད་པར་གྱིས་ཤིག
སྤྱིར་སྙིགས་མའི་དུས་ཀྱི་མི་རྣམས་ཀྱི་ཚེ་ནི་ཡུན་ཐུང་ཤེས་བྱའི་རྣམ་པ་མང་བས། རང་གི་ཚེའི་ཚད་ཀྱང་ཇི་ཙམ་ཐུབ་པར་ངེས་པ་མེད་པས་མྱུར་དུ་རང་གི་འདོད་པ་དང་དུ་བླང་བ་ལ་འབད་པར་གྱིས་ཤིག
✋热门推荐