འདུ་འབྲལ་གྱི་ལོ་ཟླའི་ནང་དུ། ངེད་གཉིས་ནི་བར

首页发布

འདུ་འབྲལ་གྱི་ལོ་ཟླའི་ནང་དུ།
ངེད་གཉིས་ནི་བརྟབས་བརྟབས་པོར་འཕྲད་ཙམ་གནང་བའི་ལམ་འགྲོ་བ་ཞིག་དང་མཚུངས།
ཕྱིར་འཁོར་མེད་པའི་དུས་ཚིགས་གང་ཞིག་གི་རྗེས་སུ།
ང་གཉིས་སྔར་བཞིན་རྒྱུས་མེད་རྒྱུས་མེད་ཞིག་ཏུ་གྱུར་སྲིད་ན་འང་།
རྣམ་ཤེས་ཀྱིས་བསླུས་པའི་ན་ཚོད་དེ།
ཉིད་ཀྱིས་ཡིད་ལ་འཇགས་པར་གྱིས།

ཆར་སིམ་འབབ་པའི་རྗེས་རང་བྱུང་ཁམས་སྔ་ཞིང་གསལ་བའི་ལོ་འདབ་རྒྱས་སོང་ལམ་ཞུར་དུ་པར་ལེན་གནང་པ་ཡིན་ཅི་ཕྱིར་ཁྱེད་ཕྲད་པའི་་མྱོང་ཚོར་ཞིག་འབྲི་དྲན་བྱུང་། ཐོག་མར་མིག་གི་མཐོང་སྐབས་སུ་སྐད་ཆ་སྨྲ་མ་མྱོང་རིམ་བཞིན་ཁྱེད་ཀྱི་སྐད་ཆ་ཉན་དུས་སེམས་གཏམ་ཚང་མ་ང་ལ་བཤད་ཡོང་འདུག་ལ་དུས་རྒྱུན་དུ་ང་ལ་ཡག་པོ་བྱེད་གིས་འདུག་སྐབས་བབ་སུ་རང་ཉིད་ཁྱེད་ལ་ལྷག་བསམ་གྱི་འབྲེལ་བ་དེ་བས་ཀྱང་གཟབ་བྱས་ནས་མ་འོང་པ་ལ་ལྷད་མེད་ད་གཙང་གྱི་གྲོགས་བཟང་བརྩི་གི་ཡིན།

ཁྱེད་ཀྱི་སྐུ་ཚེ་ལ་བར་ཆད་མེད་པ་དང་ཅི་བསམ་ཡིན་བཞིན་འགྲུད་པ་སྨོན།

སླར་ཡང་འཇལ་ཐུབ་པ་་ཤོག་།

དགའ་ལོ་མ།[心]

️

གླག་རྒོད།

----ཨ་ཁུ་པད་མ་ཚེ་བརྟན། ངས་དོ་ཞག་ཁྱེད་རང་དྲན། མངལ་སྦྲུམ་པའི་ཁྱེད་ཀྱི་ཆུང་མ་དང་བུ་ཕྲུག་གི་ངོ་གདོང་མཐོང་ན་ལྷག་པར་དྲན།

ཉི་འོད་དེའི་འོག་ན་
ཁྱོད་ཀྱིས་ད་རུང་གང་ཞིག་བཙལ་གྱིན་པ་དེ་
ཉི་མའི་འོད་མདངས་ཙམ་མ་རེད་

གྲིབ་གཟུགས་ཀྱི་འོག་ཏུ་གྲིབ་གཟུགས་སྦས་པའི་གྲིབ་གཟུགས་དེའི་རྒྱབ་ལོགས་ན་
མཚོ་ཆེན་ཞིག་འཁྱིལ་ཡོད་

ཆུ་བོ་དེ་འདྲ་དྭངས་གཙང་མིན་ལ་
ཁྲུས་གཞོང་དེ་ལྟར་སྟབས་བདེ་མིན་ནའང་
ཁྱེད་ཀྱིས་ལུས་པོ་གཙང་མ་ཞིག་བཀྲུས་རྗེས་
དགུན་ཁའི་གྲང་ངར་གྱི་སྣེ་མོ་ན་
དབྱར་གཞུང་གི་སྟ་གོན་མཐུད་དེ་

ལྭ་བ་སྤུས་དག་ཅིག་གྱོན་ཤེས་མཁན་དེ་ཁྱེད་རང་ཁོ་ན་ཡིན་

འཇིག་རྟེན་གྱི་ནང་དུ་

ཡང་བསྐྱར་འཁོར་བ་ཞིག་བསྐྲུན་ཏེ་
དགའ་སྐྱོ་གཉིས་ཀྱིས་མ་འདང་བར་
ད་དུང་དགའ་སྐྱོ་ཕུང་གསུམ་པ་ཞིག་ཀྱང་བྱིས་པའི་ལག་ཏུ་ཤོར་

དོན་ངོ་མར་བཤད་ན་
ཁྱེད་རང་བྱིས་པ་མ་ཡིན་པའི་བྱིས་པ་དང་
རྒན་པོ་མ་ཡིན་པའི་རྒན་པོ་དེ་ལོས་ཡིན་ཏེ་
སྒྱུ་རྩལ་གྱིས་ཁྱེད་རང་བསླུ་བྲིད་བཏང་བ་མང་དྲགས་འདུག་ལ་
ཁྱེད་རང་གིས་སྒྱུ་རྩལ་བསླུས་པའང་མང་དྲགས་འདུག་

དགོད་ཤེས་ནའང་ངུ་མི་ཤེས་ལ་
ངུ་ཤེས་ནའང་དགོད་མི་ཤེས་པའི་ཟློས་གར་དེའི་ནང་དུ་
ཁྱེད་རང་ཁོ་ནས་ངུ་མ་དགོད་ཀྱི་ཚོར་བ་དེ་རྒྱུས་ལོན་བྱས་ཡོད་

མདོར་ན་
ཁྱེད་ལ་སྟོད་སྨད་ཀྱི་དབྱེ་བ་འབྱེད་ཐབས་བྲལ་བས་
མགོ་མཇུག་ཚང་བའི་གསོན་པོ་ཞིག་ཅི་ལ་མིན་
པད་ཚེ་
པདྨ་ཚེ་བརྟན།

-----རུལ་བས།