ཚོང་དཔོན་གྱིས་རྟ་ཕོ་ལ་བཅངས་པའི་བརྩེ་དུང་གིས་འདབ་ལྡན་མཚན་གྱི་མདའ་མོ་བྱ་རྒོད་ལ་ཕོག་ཟེར། བྱ་རྒོད་ཀྱིས་ལྕགས་མདའ་ཁུར་ནས་རང་ཚང་བསྙེགས་པའི་གཤོག་ཟུང་གིས་ཡིད་འོང་གི་གཏམ་རྒྱུད་བྲིས་སྐད། སེ་གླིང་རྒོད་ཚང་།[鲜花] https://t.cn/A60TF9mi

#微博[超话]# ༄༅། །པཎ་ཆེན་བློ་བཟང་ཆོས་ཀྱི་རྒྱལ་
མཚན་མཆོག་གིས་མཛད་པའི་བྱང་ཆུབ་ལམ་གྱི་རིམ་པའི་དམར་ཁྲིད་ཐམས་ཅད་མཁྱེན་པར་བགྲོད་པའི་བདེ་ལམ། ༼བཅུ་དྲུག།༽

ཐོན་པ་ཚེ་རྣམ་གྱིས་ཡིག་རྒྱག་དང་། བར་བཅུག་རི་མོ། ཚོན་ཁྲར་ཕབ་ལེན་བགྱིས།

至尊四世班禅洛桑曲吉大师所著《菩提道次第·安乐道》

（16） https://t.cn/Rxuz1yF

ངས་ད་དུང་ཁྱོད་ལ་སྒུག་དགོས།

ས་གཞི་རིལ་མོ་འདི་ལ་ཀྱེ་དང་ཀྭ་ཡེའི་འབོད་སྒྲ་ཡོད་ན། འཁྱགས་རོམ་ཐམས་ཅད་འཁྱགས་རོམ་གྱི་ཚུལ་དུ་ཡོད་ན།   བདག་གི་ཚེར་མའི་མེ་ཏོག་དེའང་དེའི་ཚུལ་དུ་བཞད་ཡོད་ན།   གཟུགས་སྒྲ་དྲི་རོ་རེག་བྱ་དག་ཀྱང་སོ་སོའི་རྣམ་པར་ཆགས་ཡོད་ན།   གླིང་ཆེན་ཨེ་ཤ་ཡའི་འབུད་རྡུང་དཀྲོལ་གསུམ་གྱི་དབྱངས་མ་ཉམས་ན།  ངས་ད་དུང་ཁྱོད་ལ་སྒུག་དགོས།    མུ་མཐུད་དུ་སྒུག་དགོས། 

རྒྱ་མཚོའི་ཁ་ཡི་གྲུ་བ་དག་རྒྱ་མཚོའི་ཁ་ན་གཡེང་ཞིང་འཕྱོ་ན།    བྱེ་ཚན་ནང་གི་རྔ་མོང་ཡང་བྱེ་ཚན་ནང་ན།  ངལ་བ་མེད་པར་ལུས་ཡོད་ན།   མཚན་མོའི་སྐར་འོད་མིག་གི་ཆེད་དུ་ལམ་ལམ་འཚེར་ཡོད་ན།   སྐད་བརྡ་དང་ཚིག་མཛོད་ཐ་དག་ལ་རང་གི་རྒྱུ་མཚན་ཡོད་ན།  ངང་པ་ཁྱོ་ཤུག་གཉིས་ཀ་སྲོག་ལ་བབས་ཀྱང་།   བརྩེ་དུང་གི་བཙན་རྫོང་བསྲུངས་ཡོད་ན།   ངས་ད་དུང་ཁྱོད་ལ་སྒུག་དགོས། མུ་མཐུད་དུ་སྒུག་དགོས། 

གཡེར་དྲིལ་འདི་ལ་ཚེ་སྲོག་གསར་བའི་ངར་སྐད་ཡོད་ན།   སྲིད་པའི་གངས་རྒན་འདི་ད་རུང་ཞུ་མེད་ན། སྒོ་ཆེན་གྱི་ལྕགས་ལོང་འདི་ལ་ལག་པ་འབྱར་ས་ཡོད་ན། རང་བྱུང་གི་སྨུག་པ་རྣམས་ད་རུང་འཐིབས་ཡོད་ན། ངས་ད་དུང་ཁྱོད་ལ་སྒུག་དགོས།    མུ་མཐུད་དུ་སྒུག་དགོས། 

རྦ་རླབས་བར་མ་ཆད་པར་འཕྱོ་ཡི་ཡོད་ན།   གླུ་སྐད་ཀྱི་ནང་ན་རྨི་ལམ་ཡོད་ན།   ནམ་མཁའ་སྔོ་བསངས་ཀྱི་དབྱིངས་སུ་བྱ་གླག་གི་འདུ་འགོད་ཡོད་ན།   རྔུལ་ཆུ་ཁྲོམ་ཁྲོམ་གྱི་ཞིང་བ་དག་ས་ནག་གི་ནང་ན་ཡོད་ན།  བྱམས་དང་བརྩེ་བའི་བདག་མོ་རྣམས་ལ་མངལ་ཆགས་ཡོད་ན།    གཤེར་གཟུགས་ཀྱི་བདུད་རྩི་བསིལ་མ་དེ་དཀར་ཡོལ་ནང་དུ་ཡོད་ན།   ངས་ད་དུང་ཁྱོད་ལ་སྒུག་དགོས།  མུ་མཐུད་དུ་སྒུག་དགོས། 

མཚམས་མ་ཆད་པར་ཕྲེང་བསྒྲིགས་ཡོད་ན། ལྕགས་དང་ལྕགས་བརྡར་རྩིས་ཡོད་ན། ཨ་ལོང་དང་ཨ་ལོང་སྦྲེལ་འདང་ཡོད་ན། གཙང་བོ་ཆེན་པོའི་རབ་ཁ་འདི་བརྒལ་འདོད་ཡོད་ན། ངས་ད་དུང་ཁྱོད་ལ་སྒུག་དགོས།    མུ་མཐུད་དུ་སྒུག་དགོས།