#微博[超话]# ༄༅། །ལྟུང་བཤགས་ལྷ་སོ་ལྔ།
ཕུང་པོ་གསུམ་པའི་མདོ་ལས་བསྟན་པའི་བཅས་རང་གི་ཁ་ན་མ་ཐོ་བ་རྣམས་བཤགས་པའི་ཡུལ་གྱི་དེ་བཞིན་གཤེགས་པའི་ལྷ་གྲངས་སོ་ལྔ།༼ཁག་བདུན་པ།༽
忏悔所向三十五佛。《三聚经》中所说忏悔遮罪和性罪时作为对境的三十五如来。
（第七部分） https://t.cn/RJyQSxe

#微博[超话]# ༄༅། །པཎ་ཆེན་བློ་བཟང་ཆོས་ཀྱི་རྒྱལ་
མཚན་མཆོག་གིས་མཛད་པའི་བྱང་ཆུབ་ལམ་གྱི་རིམ་པའི་དམར་ཁྲིད་ཐམས་ཅད་མཁྱེན་པར་བགྲོད་པའི་བདེ་ལམ། ༼ཉི་ཤུ་རྩ་གཉིས།༽

ཐོན་པ་ཚེ་རྣམ་གྱིས་ཡིག་རྒྱག་དང་། བར་བཅུག་རི་མོ། ཚོན་ཁྲར་ཕབ་ལེན་བགྱིས།

至尊四世班禅洛桑曲吉大师所著《菩提道次第·安乐道》

（22） https://t.cn/A66nFHcK

 ༄༅། །རྗེ་བཙུན་འཇིགས་མེད་དཔལ་ལྡན་རྒྱ་མཚོའི་ཞལ་གདམས་ཐོར་བུ་བདུད་རྩིའི་ཐིགས་པ་ཞེས་བྱ་བ་བཞུགས་སོ། །སྐྱབས་འགྲོ་དང་ལས་འབྲས་ཀྱི་སྐོར།  
༡.སངས་རྒྱས་ལ་ཡིད་མི་ཆེས།ཆོས་ལ་ཡིད་མ་ཆེས་ན་རིམ་བཞིན་སྐྱབས་འགྲོ་ཉམས་འགྲོ།ངན་སོང་དུ་མི་ལྷུང་བའི་ལྷན་ཅིག་བྱེད་རྐྱེན་སྐྱབས་འགྲོ་དང་ལས་དགེ་བ་དེའི་ཉེར་ལེན་ལྟ་བུ་ཡིན།སྐྱབས་ལ་རྒྱུ་སྐྱབས་དང་འབྲས་སྐྱབས་གཉིས་ཡོད་པ་ལས་འབྲས་སྐྱབས་གཙོ་བོར་འཛིན་དགོས།ལས་འབྲས་བསམ་པ་མདོར་བསྡུས་ན་སྡིག་སྤོང་དགེ་སྒྲུབ་གཉིས་ལ་འདུ།    ཆོས་ཟབ་པས་མི་ཆོག་ཀུན་སློང་ཟབ་དགོས་ཞེས་གསུངས་པ་ལྟར་རང་ཅག་གིས་བཀའ་ཆོས་སོགས་ཆོས་གང་བྱེད་ན་སྐྱབས་འགྲོ་སེམས་བསྐྱེད་གལ་ཆེ།མ་མཐའ་གྲོང་ཆོག་ལ་འགྲོ་ནའང་སྐྱབས་འགྲོ་སེམས་བསྐྱེད་གནད་དུ་སྨིན་ན་བསམ་གྱིས་མི་ཁྱབ་པ་ཡིན།    མཆོད་བརྗོད་ནི་ཕྱིའི་བར་ཆད་ཞི་བའི་ཆེད་དང་དམ་བཅའ་བ་ནི་ནང་གི་ལེ་ལོ་ལ་སོགས་པའི་ནང་གི་བར་ཆད་ཞི་བའི་ཆེད་དུ་ཡིན།དེའི་ཆེད་དུ་མཆོད་བརྗོད་མཛད་པ་ཡིན།    དེང་སང་ངན་པ་ཐམས་ཅད་གཞན་གྱི་མགོར་འཇོག་ལ་བཟང་བོ་ཐམས་ཅད་རང་གི་མགོར་ལེན།མི་བདེ་བ་བྱུང་ན་ཟས་མ་འཕྲོད་པ་དང་ཡུལ་གྱི་རྐྱེན་གྱིས་རང་གི་སྟེང་དུ་བྱུང་བར་འདོད་པ་ལས་ལས་ལ་བརྟེན་ནས་བྱུང་བར་མི་འདོད་དེ།རང་གི་སྐྱེ་བ་སྔོན་མའི་ལས་ཀྱི་རྣམ་སྨིན་ཡིན་ཞེས་བསམ་གིན་མི་འདུགདཔེར་ན་དགྲ་བཅོམ་པ་རྟ་ཐུལ་གྱིས་ཚངས་པར་དྲིས་པ་ན་ཚངས་པས་གཡོ་སྒྱུས་ང་ནི་འཇིག་རྟེན་གྱི་མེས་པོའོ་ཞེས་གསུངས་པ་ལྟ་བུའོ།།    བདག་ཅག་ནི་དག་ཞིང་ལ་འཕེན་པ་གཏོང་གིན་ཡོད་ཀྱང་དེ་ནི་རང་དོན་ལ་གོམས་ཆ་སོང་བས་འགྲོ་བ་གཞན་བློས་གཏོང་བའི་བློ་ཕྱིན་ཅི་ལོག་ཡིན་ལ།ལྷག་པར་སྔགས་ཉམས་སུ་ལེན་པ་ཞིག་ལ་མཚོན་ན་ད་དེ་བས་ཀྱང་ཕྱིན་ཅི་ལོག་ཏུ་སོང་ཡོད།                            ༢.ང་ཚོ་སུས་ཀྱང་ལས་འབྲས་བསམ་པ་གལ་ཆེ་སྟེ།དགེ་རྒན་རྣམ་པས་ཀྱང་བྱང་ཆུབ་ལམ་གྱི་རིམ་པ་ལ་རྒྱུན་དུ་གཟིགས་ཤིང་དེ་བཞིན་སློབ་མ་དག་ལ་གསུངས་པ་དང་སློབ་མ་རྣམས་ཀྱིས་ཀྱང་དགེ་རྒན་གྱི་གསུང་བརྩི་བ་ཤིན་ཏུ་གལ་ཆེ་སྟེ།མཁས་གྲུབ་རིན་པོ་ཆེས།རིག་བཟང་བློ་གསལ་ང་རྒྱལ་མེད།།ཅེས་གསུངས་པའི་ཕྱིར།    ས་ཆུ་མེ་རླུང་གིས་ཕྱི་ནང་གི་འཇིག་རྟེན་དག་འཇིག་པ་ཡིན་ཏེ།ནང་གི་མིའི་ལུས་འཇིག་དུས་རླུང་འཁྲིས་བད་ཀན་གྱིས་འཇིག་པ་ཡིན་ཏེ།བད་ཀན་ནི་ས་ཡིན་ལ་འཁྲིས་པ་ཆུའི་མིང་ཡིན།རླུང་གིས་དེ་གཉིས་ལ་གྲོགས་བྱེད་དེ།རླུང་གིས་མེ་སྦར་བ་དང་ཆུ་གཡོ་བ་སོགས་རྒྱས་པར་བྱེད་དེ་དེའི་དབང་གིས་ནད་སྣ་ཚོགས་བསྐྱེད་དེ།མཛོད་ལས།ལས་ལས་འཇིག་རྟེན་ཞེས་གསུངས།གསུང་འདི་འདྲ་སློབ་དཔོན་དབྱིག་གཉེན་ལས་གཞན་ཞིག་གིས་ཐོན་དཀའ།སློབ་དཔོན་ཟླ་གྲགས་ཀྱིས་ཀྱང་།འགྲོ་བ་མ་ལུས་ལས་ལས་སྐྱེས་པར་གསུངས།།སེམས་སྤངས་ནས་ནི་ལས་ཀྱང་ཡོད་མ་ཡིན།།ཞེས་ཚིག་འགའི་ནང་དུ་བསྡུས་པ་ལྟ་བུ་རེད།    ལས་འབྲས་ལ་ཡིད་ཆེས་ཡོད་ན་ཅུང་ཟད་བཤད་ནའང་སེམས་ལ་འབབ་རྒྱུ་ཞིག་ཡོད།ལས་འབྲས་ལ་ཡིད་ཆེས་མེད་ན་གཞུང་པོ་ཏི་པོ་ཏི་བྱས་ནས་བཤད་ཀྱང་ཕན་ཐོགས་ཅི་ཡང་ཡོད་མི་སྲིད།    ངན་སོང་གི་སྐྱེ་སྒོ་མ་ཁེགས་ན་དལ་བ་བརྒྱད་དང་འབྱོར་བ་བཅུ་ཐོབ་ཀྱང་ཕན་ཅུང་ཟད་ཀྱང་མ་ཐོགས་པ་རེད། ང་དགེ་སློང་ཡིན་པས་དམྱལ་བར་མི་སྐྱེས།དགེ་བཤེས་ཡིན་པས་དམྱལ་བར་མི་སྐྱེས།བླ་མ་ཆེན་པོ་ཡིན་པས་དམྱལ་བར་མི་སྐྱེས་སྙམ་མོད།ཤིན་ཏུ་དཀའ།དམྱལ་བར་ལོས་སྐྱེས།དམྱལ་བ་རང་ཅག་རྣམས་ཀྱིས་ཡུལ་བཞིན་དུ་བྱས་ཡོད།    དམྱལ་བའི་ཚེ་ཚད་བཤད་པའི་རྒྱུ་མཚན་རང་ཅག་གི་ཡིད་ལ་སྐྱོ་བ་ཞིག་སྐྱེ་བའི་ཆེད་དུ་ཡིན།    བཙོན་ཁང་ནས་མི་ཞིག་ཕྱིར་འགྲོ་བའི་གོ་སྐབས་བྱུང་ནས་འགྲོ་བའི་དུས་སུ་གཞན་ཞིག་གིས་འུ་གཉིས་ངོ་ཤེས་ཡིན།ཁ་བརྡ་ཞིག་བཤད་ཅེས་ན་ང་ཁ་བརྡ་བྱེད་ཁོམ་ཞིག་གང་ན་ཡོད།བཙོན་ཁང་ནས་ཕྱིར་འགྲོ་དགོས། ཁྱོས་ང་ལ་ཅང་བཤད་ཀྱིན་མ་འདུག་ཟེར་ངེས།དལ་བརྒྱད་འབྱོར་བཅུ་ཐོབ་པའི་སྐབས་འདིར་ངན་སོང་ལས་ཐར་བའི་གོ་སྐབས་ཤིག་བྱུང་བས་ན་སོས་དལ་ནས་འདུག་ཁོམ་ཞིག་ག་ན་ཡོད།    བདེ་བ་ཡིན་ནའང་མི་རྟག་པ་རེད།སྡུག་བསྔལ་ཡིན་ནའང་མི་རྟག་པ་རེད།ཁོ་ཆད་དགོས་ནི་མ་རེད།ཡིན་ནའང་ང་ཚོ་ཅུང་ཟད་བྱས་ན་འུར་ལངས་པ་རེད།འུར་ལངས་པར་དགའ་བའི་སྟབས་ཀྱིས་བྱ་བ་ལས་མི་ཤེས་པ་དང་།རྒྱུ་མཚན་མི་ཤེས་པ་དང་།འགྲོ་སྟངས་འདུག་སྟངས་མི་ཤེས་པ་རེད།བཀའ་གདམས་པས།ལས་བདག་གིར་བྱའོ།།ཞེས་གསུངས་ནའང་རང་ཅག་རྣམས་ཀྱིས་ལས་བདག་གིར་བྱེད་མི་ཐུབ་པར།མགྲོན་ཁང་ཞིག་གིས་མ་བཟང་ཐལ།གྲོང་ལ་སོང་ནས་ལྭ་བ་ཞིག་གོན་པས་མ་འགྲིག་ཅེས་ཟེར་བཞིན་ཡོད།རྐྱེན་ཞིག་ཡོད་པ་བདེན་ཡང་ལས་རང་གིས་བསགས་པ་ཡིན།    རང་ཅག་གིས་རྟེན་འབྲེལ་བདེན་མེད་སོགས་བསྒོམ་ན་ལེགས་མོད།དེ་ལས་ཀྱང་དགེ་བའི་རྒྱུ་ལས་བདེ་བ་དང་།མི་དགེ་བའི་རྒྱུ་ལས་སྡུག་བསྔལ་འབྱུང་བའི་རྟེན་འབྲེལ་བསམ་པ་གལ་ཆེ།དགེ་སྡིག་བླང་དོར་མ་བརྩིས་ན་རྟེན་འབྲེལ་སྒོམ་པ་གོ་ལོག་པ་ཡིན།ཤེས་རབ་བསྟན་དར་གྱིས་ཟིན་བྲིས་སུ་བཏབ།