November Do not trust སུ་ལ་ཡང་བློ་མ་གཏད། "སུ་ལ་ཡང་བློ་མ་གཏད།" ཅེས་པའི་ཚིག་འབྲུ་དེ་ནི། ཧ་ཅང་གལ་ཆེ་བའི་དྲག་སྔགས་ཤིག་ཡིན་ཞིང་། སུ་ལ་ཡང་བློ་གཏད་མ་བྱས་ན། རང་ཉིད་རྐྱང་པའི་སྣང་བས་བསྒྲུབས་པའི་འཇིག་རྟེན་གསར་པ་ཞིག་ཏུ་བཟོ་ཐུབ། བློ་གཏད་བྱས་ནས་བློ་གཏད་གྱི་བློ་ཕུགས་དེ། ད་སྐབས་སུ། བློ་ཕམ་པའི་གཞིར་འགྱུར་རྒྱུ་ཡིན་པ་གོར་མ་ཆག །བློ་གཏད་ཡུལ་མེད་པ། གཏད་མཁན་མེད་པ། སྙིང་གཏམ་ཤོད་ས་མེད་པ། ཤོད་ཡུལ་མེད་པའི་གནས་ཚུལ་དེ་ཤེས་ན། གཞན་ལ་བློ་གཏད་མི་བྱེད་པར། རང་རྐྱ་ཕེར་བའི་གནས་ཚུལ་གསར་པ་དེ་ཤེས་ཐུབ། རང་རྐྱ་ཕེར་བའམ། རང་སྐྱོང་ཐུབ་པའི་ཚུལ་དེ་ཤེས་ཐུབ་ན། རང་ཉིད་ཀྱི་གྲོགས་རང་གིས་བྱེད་ཅིང་། རང་གི་བྱ་བ་ལ་རང་ཤུགས་ཚུད་ནས། ལས་ཀ་གང་ལ་ཡང་འཇིགས་སྐྲག་མེད་པའི་དཔའ་བོའི་ཁྱད་ཆོས་ཤིག་མངོན་ཐུབ། དེའི་སྐབས་སུ་རང་ལ་ཡོད་པའི་ཡོན་ཏན་དང་། རང་གི་འཇོན་ཐང་ཚང་མ་རང་གིས་ཤེས་ཐུབ་པ་ཞིག་ཡོང་ཞིང་། མ་ཟད་ནུས་པ་གསར་པ་ཞིག་ཀྱང་ཐོན་ཐུབ། ནུས་པ་གསར་པ་དེ་ནི། རྟག་པར་རང་རྒྱུད་ལ་ཡོད་ཅིང་། དེ་མངོན་ཐུབ་ཐབས་ཇུས་གཞན་གང་ཡང་མེད་དེ། རང་གིས་རང་ལ་བློ་གཏད་དང་། གཞན་གྱིས་རོགས་རམ་མི་བྱ་བ་ཤེས་པའི་སྐབས་སུ། རང་སྟོབས་དེ། ཉི་མ་སྤྲིན་ལས་གྲོལ་བ་བཞིན་དུ་ཤེས་ཐུབ་རྒྱུ་རེད། དཔེར་ན། གཡག་རྒོད་ཁྱུ་ཚོགས་ཡིན་ན་སྡར་ཞིང་། གཡག་རྒོད་ཁེར་རྐྱང་ཡིན་ན། གཅན་སྤྱང་གིས་མི་ཐུབ་པའི་དཔེ་དང་འདྲ་ཞིང་། རང་ཐག་ཆོད་པ་དང་། རང་རྐྱང་ཕེར་བས། སུ་ལ་ཡང་བློ་གཏད་མི་བྱ་བ་ནི་ཧ་ཅང་གལ་ཆེན་པོ་ཞིག་ཡིན། སུ་ལ་ཡང་བློ་གཏད་མི་བྱ་གཅིག་པུར་སྡོད། སུ་ཞིག་ཡིན་ཡང་། ནམ་ཞིག་བསླུ་བར་ངེས། སུ་འདྲའི་རྗེས་སུ་འཇུག་ན། རང་བློ་ཕམ་ཡང་། གཞན་ལ་བློ་གཏད་པའི་སྐབས་སུ། རང་སེམས་ལ། མི་དེའི་གནས་ཚུལ་དང་། བློ་གཏད་འོས་པའི་གཏན་ཚིགས་ཁྱད་ཆོས་ཤིག་ཡིད་ལ་བཞག་ནས། དེ་རྨིང་གཞིར་བྱ་བ་ནི། དཔེར་ན། མི་འདི་ནི་འདྲིས་བཟང་པོའོ། །མི་འདི་ནི་ཁ་ཉུང་ཉུང་ཡིན། མི་འདི་ནི་དགེ་སྡིག་ཤེས་མཁན་ཡིན། ཞེས་པའི་ཚིག་ཙམ་ཞིག་རྒྱུ་མཚན་དུ་བྱས་ཀྱང་། ནམ་ཞིག་ལ། མི་དེའི་སེམས་རྒྱུད་ལ་རྐྱེན་གསར་པས་བསླུས་པའམ། མི་དེ་ཡི་ཁྱད་ཆོས་དང་། རང་གཤིས་དེའི་ཟུར་ཞིག་ལ་འཕོ་འགྱུར་ཐེབས་པའི་སྐབས་སུ། བློ་གཏད་བྱས་པའི་ཚད་མ་ཚང་མ་འཇིག་པའམ། ཚད་མ་དེས་བཟོས་པའི་གཏན་ཚིགས་དེ་ལ་ཐེ་ཚོམ་ཤོར་ནས། མི་དེ་བློ་ཕམ་དང་། དོགས་པའི་རང་གཟུགས་ཤིག་ཏུ་མཐོང་ནས། རང་ཉིད་ཀྱི་ལག་པའམ། རྐང་པ་ཡ་གཅིག་ལ་རྨས་སྐྱོན་ཤོར་བ་ལྟ་བུ་ཞིག་ཏུ་གྱུར་ནས། མི་དེ་དང་། རང་གཉིས། ཁང་པའི་ཀ་བ་དང་། གདུང་མ་ལྟ་བུར་བྱས་ནས། གཅིག་ལ་གཅིག་གྲོགས་བྱེད་པའི་ནུས་ཤུགས་ཆ་ཚང་མ་ཤོར་ཏེ། མི་ཚེའི་མ་འོངས་པའི་འཆར་གཞི་ཚང་མ་འཁྲུགས་འགྲོ་གི་རེད།
༢༨༽འཇའ་ཚོན་གྱིས་བསླུས་པའི་འཕྲུལ་སྣང་གི་ནམ་མཁའ་འདི་ནས། བདག་གིས་ཁྱེད་ལ་གློ་བ་ཉེ་བའི་སྐད་ཆ་འགའ་མོལ་ན་འདོད་ཡོད། རྒྱང་རིང་གི་ཁྱེད་ཉིད་བདག་གི་དུས་གསུམ་གྱི་བསྡུས་གཟུགས་སམ། ཡང་ན་འཚོ་བའི་ཁྲོད་ཀྱི་ཐུག་རེག་མྱོང་གསུམ་མི་བཏུབ་པའི་འཚོ་བའི་ཁ་སྐོང་གཞན་ཞིག་ཀྱང་ཅི་ལ་མིན། འདི་ནས་བལྟས་ཚོད་ལ་ཕར་ཕྱོགས་ཀྱི་ནམ་མཁའ་དང་ས་གཞི་དག་ཧ་ཅང་དྭངས་གཙང་ཡིན་པ་ནང་བཞིན། ཁྱེད་དང་བདག་གི་བར་ཐག་ཀྱང་ཧ་ཅང་གི་དྭངས་གཙང་ཡིན་པ་སྨོས་ག་ལ་དགོས། སྨོན་འདུན་ཡུག་གཅིག་གི་ཁུགས་སོར་བབས་པའི་མཛེས་སྡུག་རྣམ་པར་བཀྲ་བའི་ཡིད་འོང་གི་རི་མོ་འདི་དག་བསུབ་ཐབས་ག་ལ་ཡོད། འོན་ཀྱང་སྐྱོ་ཤེས་ཀྱི་སྡོང་ལོ་རླུང་གིས་སྒུལ་ཐེངས་རེར་ཧ་ཅང་དྭངས་གཙང་ཡིན་པའི་བདག་གི་ནང་སེམས་ཀྱི་ལྷ་ཚོགས་དག་ཀྱང་སྤྲིན་དཀར་གྱི་འདབ་པ་བསྟོར་ནས། ཕར་ཕྱོགས་སུ་དལ་གྱིས་བཞུར་དུས་ཁྱེད་ནི་མཛེས་འཛིན་གྱི་མིག་ཤེས་གཞན་ཞིག་གི་ལོངས་སུ་སྤྱད་བྱར་གྱུར། འདི་ནི་སྐད་ཆ་དང་ཐ་སྙད་རབ་རིབ་ཅིག་གིས་མཚོན་མི་ཐུབ་པའི་འཚོ་བའི་མྱོང་རྟོགས་ཆེས་ཁྱད་པར་ཅན་ཞིག་ཡིན་པར་འདོད། ནུབ་ཁའི་ཉི་འོད་ཀྱིས་ང་ལ་ཀུ་རེའི་ཚུལ་གྱི་འོད་མདངས་ཁྱད་པར་བ་ཞིག་གི་གསང་བ་སྟོན་དུས། ཁྱེད་ནི་བདག་གི་དུས་གསུམ་གྱི་འཚོ་བ་ཉི་འོད་འཇམ་པོ་དེ་ཡིན་པ་གཞི་ནས་ཚོར། ད་ནི་ཉི་འོད་ཀྱང་ཚང་ལ་ལོག་ནས་ཡུན་རིང་འགོར་ཞིང་རི་ལྗོངས་འདིའི་མཛེས་སྡུག་མཐའ་དག་རིམ་བཞིན་བདག་གི་མཐོང་ལམ་ནས་ཡལ་བར་གྱུར་ཀྱང་ང་ད་དུང་འདི་ནས་ཅུང་ཙམ་འདུག་ན་འདོད་ཡོད། དེ་ནི་བདག་གིས་ནང་སེམས་སུ་འཛུལ་ནས་ཡོང་བའི་འཆར་ཡན་གྱི་འཇིག་རྟེན་དེ་ཉིད་མཇུག་བསྡུ་མི་འདོད་པས་ཡིན།#叶西达瓦[超话]#
དམ་པ་མཇལ་ཡང་དམན་པའི་སྤྱོད་པས་བསླུས།
ལམ་མཆོག་རྙེད་ཀྱང་ལམ་མིན་གཡང་ལ་འཕྱན།
བདག་དང་བདག་འདྲའི་གཤིས་ངན་སེམས་ཅན་རྣམས།
རང་རྒྱུད་ཆོས་ཀྱིས་ཐུལ་བར་བྱིན་གྱིས་རློབས།
雖遇聖士仍為劣行誘,
雖獲勝道仍漂非道中,
我與如我惡性諸有情,
正法調伏自續祈加持~
✋热门推荐