#微博[超话]# ༄༅། །ལ་མོའི་ཡོངས་འཛིན་རིན་པོ་ཆེའི་གསུང་བཏུས་ཐོར་བུ་བཞུགས་སོ།།
དུམ་བུ་བདུན་པ་འདི་ཆད་འདུག་པས་ཁ་སྐོང་བ་ཡིན་ལགས།
拉茂雍增大师的教言
缺了第七段补上了。 https://t.cn/z8A67Qu

#读书笔记##བོང་ཡིག##宗萨仁波切[超话]#
མཚམས་འབྲེལ།

སྨར་ཁམས་ཤེལ་མིག

འཁོར་བ་སྲིད་པའི་གྲོང་གི་ཟློས་གར་ལ་རོལ་བའི། །
གཡང་ཁྱིམ་སྒོ་ར་དྲོན་མོའི་མངའ་བདག་གི་བུ་ཚོ། །
མེས་པོའི་ཤུལ་བཞག་ཡ་རབས་ལམ་བཟང་གི་སྒོ་ནས། །
རྨད་བྱུང་མི་ཆོས་གཙང་མའི་ལག་ལེན་དེ་ཨེ་བལྟས། །

མི་ཚེ་ཕ་མའི་བཙན་གྱིས་གཞན་ལག་ཏུ་བརྫངས་བའི། །
རྒྱུས་མེད་མི་ཁྱིམ་གཡོག་མོ་གནས་འགྲོ་ཡི་བུ་མོ། །
ཚེ་ཡི་གཏན་གྲོགས་ཁྱོ་བོ་ལས་བསྐོས་ཀྱི་མི་ལ། །
དམ་ཚིག་གས་ཆགས་མེད་པའི་བརྩེ་བ་ཞིག་ཨེ་སོང་། །

སྟོང་ཚོགས་བུ་དང་བུ་མོའི་གྲལ་ཕུག་ཏུ་བཞུགས་ཤིང་། །
དབུ་སྐྲ་དཀར་ངོམས་གྱུར་པའི་ཐབ་ཁྱིམ་ཀྱི་ཕ་མ། །
དཀར་ནག་ལས་འབྲས་སྲུང་བའི་འཇིག་རྟེན་གྱི་བྱ་བཞག། །
བུ་ཚ་མིག་དཔེ་རུང་བའི་རྐང་རྗེས་ཞིག་ཨེ་བཞག །

ཕ་དགོན་གཙུག་ལག་ཁང་ཆེན་འབྲལ་མེད་དུ་སྲུང་བའི། །
ཕ་ཡུལ་སྐྱིད་ཀྱི་ཕུགས་མའི་མགོན་སྐྱབས་ཀྱི་བགྲེས་སོང་། །
ཁ་བཏོན་ཁོག་ཏུ་ཚུད་པའི་གོམས་འགྲོས་ཀྱི་འོག་ནས། །
ལྷ་ཀླུ་དམིགས་མེད་སྒྲོལ་བའི་ལག་ལེན་དེ་ཨེ་བྱུང་། །

ཐོས་བསམ་མདོ་སྔགས་རྒྱལ་མཚོའི་སློབ་གླིང་རུ་འགྲིམ་པའི། །
འཆད་རྩོད་སྡེབ་སྦྱོར་བྱང་བའི་རྟོག་གེ་བའི་བུ་ཚོ། །
ཀུན་སྤྱོད་ཞི་དུལ་བག་ཕེབས་འགྲོ་འདུག་གི་ཉམས་འགྱུར། །
བཀའ་པོད་ཁོང་དུ་ཆུད་པའི་རྟགས་མཚན་དེ་ཨེ་བྱུང་། །

དབེན་པ་བྲག་ལ་འགྲིམ་པའི་རི་ཁྲོད་ཀྱི་སྒོམ་ཆེན། །
བྱིན་རྒོད་རྣམ་རྟོག་དུག་གི་སྒོ་མོ་ཀུན་བཀག་ནས། །
ང་རྒྱལ་ཁོང་ཁྲོ་བུ་མོའི་བསླུ་ཁྲིད་ལས་རྒྱལ་བའི། །
སེམས་ཀྱི་བརྟུལ་ཞུགས་ཟབ་མོ་ངོ་ཤེས་རང་ཨེ་བྱུང་། །

༢༠༢༣/༣/༢༥

#堪布密轮达吉##金刚持#
སྟོང་གཟུགས་ཆུ་ཟླའི་རོལ་གར་ཏེ།།
སྒྱུ་མ་ལུས་ཀྱི་ཕུང་པོ་འདི།།
བདེན་གྲུབ་འཛིན་ན་སྡུག་བསྔལ་ཤར།།
སྤྲུལ་པར་ཤེས་ན་མོད་ལ་གྲོལ།།

——མཻས།
空色水月戏
幻身影蕴体
实执任来苦
悟化惑顿寂

——堪布密轮达吉