ངོ་བོ་བློ་འདས་ཀ་དག་རང་ངོ་ཤེས། །

རང་བཞིན་ལྷུན་གྲུབ་སྒོམ་པའི་རང་ངོ་བསྐྱང་། །

རྟོག་ཚོགས་རང་གྲོལ་སྤྱོད་པས་བོག་དབྱུང་ནས། །

རིག་སྟོང་འཇམ་དབྱངས་གྲུབ་པའི་བློ་གྲོས་ལ། །

གུས་པས་གསོལ་བ་འདེབས་སོ་བྱིན་གྱིས་རློབས། །

ཐོས་བསམ་སྒོམ་པ་གནད་དུ་སྨིན་པ་དང། །

སེམས་ཉིད་ཡིད་བཞིན་ནོར་བུའི་རྩལ་རྫོགས་ནས། །

བསྟན་འགྲོའི་དོན་ཆེན་ལྷུན་གྱིས་འགྲུབ་པར་ཤོག།

ཕ་མ་ཡིན་ཚད་ལ་བྱམས་སྙིང་རྗེ་བྱང་སེམས་བསྐྱེད་པར་བྱའོ།
སེམས་ཅན་ཐམས་ཅད་ཕ་མར་བསམ་པ་འདི།
ཕ་མ་མིན་པར་ཕ་མར་བསྒོམ་པ་མིན།
ཕ་མ་ཡིན་པར་ཕ་མར་ཤེས་པ་ཡིན།
དེས་ན་ཀུན་ལ་བྱམས་པ་བསྐྱེད་པར་བྱ།
སེམས་ཅན་ཐམས་ཅད་ཕ་མར་བསམ་པ་འདི།
ཕ་མ་མིན་པར་ཕ་མར་བསྒོམ་པ་མིན།
ཕ་མ་ཡིན་པར་ཕ་མར་ཤེས་པ་ཡིན།
དེས་ན་ཀུན་ལ་སྙིང་རྗེ་བསྐྱེད་པར་བྱ།
སེམས་ཅན་ཐམས་ཅད་ཕ་མར་བསམ་པ་འདི།
ཕ་མ་མིན་པར་ཕ་མར་བསྒོམ་པ་མིན།
ཕ་མ་ཡིན་པར་ཕ་མར་ཤེས་པ་ཡིན།
དེས་ན་ཀུན་ཕྱིར་བྱང་སེམས་བསྐྱེད་པར་བྱ།
བླ་མ་གསེར་མདོག་སྤྲུལ་སྐུ་ནས་གདམས་སོ།

對一切父母要有慈悲菩提心:
思維一切眾生都為父母、
並非非父母觀想為父母、
而是是父母認識為父母、
所以要生起慈心於大家！
思維ㄧ切眾生都為父母、
並非非父母觀想為父母、
就是是父母認識為父母、
所以要生起悲心於大家！
思維ㄧ切眾生都為父母、
並非非父母觀想為父母、
就是是父母認識為父母、
所以為大家要生菩提心！
上師仙多祖古仁波切 教言

དཔེ་ཀློག་འཚོ་བར་འདྲིས།
འཚོ་བ་ཉམ་ལེན་ལ་འཐིམས།
ཉམ་ལེན་དྲན་རིག་གིས་ཟིན།
དྲན་རིག་ནང་དབྱིངས་སུ་གྲོལ།

གྲོལ་བ་མངོན་སུམ་དུ་གྱུར།
འགྲོ་དོན་འབད་མེད་དུ་འབྱུང་བ་ཞིག་བླ་མ་མཁྱེན།