ལས་འབྲས་ཚུལ་བཞིན་བཟུང་བའི་བྱ་བ་ཞིག །
ཉིན་རེའི་འཚོ་བའི་ནང་དུ་བྱེད་བསྡད་ན། །
​བརྗོད་ཚིག་ངན་པ་དག་ཀྱང་བཟོད་རྒྱུ་ཡིན། །
​དེ་ནི་དམ་ཆོས་བསྒྲུབ་པའི་སྙིང་པོ་ཡིན། །[微笑][咖啡][咖啡]
​
༢༠༢༤-༢-༢༩ཉིན། ​སློབ་གསོ་པ་དབུ་མའི་ལམ་གྱིས་རང་ཤག་ཏུ་བྲིས།

༄༅།། རྒྱབ་རིའི་ཕྲག་གོང་ནས་ཡལ་བའི་ཉི་མ་འོད་པོ་ཆེ་དྲན་པའི་གདུང་དབྱངས་ས་ཆེན་སྐྱོམ་པའི་ང་རོ།

<<༧རང་རེའི་ཞིང་གི་བདག་པོ་དཔལ་ལྡན་བླ་མ་དམ་པ་སྐྱབས་རྗེ་སེ་ར་མཁྱེན་པ་ངག་དབང་གསུང་རབ་རྒྱ་མཚོ་མཆོག་གི་དགོངས་པ་ཆོས་དབྱིངས་སུ་ཐིམས་པའི་རྗེས་དྲན་སྙན་ངག>>

ཁག་ལྔ་པ།
_______མཚོ་བྱང་།

ཀ་རྫི།

ཁྱེད་ཉིད་དོན་དམ་འཇའ་ཚོན་བདས་ཕྱིར་དུ།།
ཀུན་རྫོབ་སྐྱེ་འཆིའི་བགྱི་བ་ལྷུར་བླངས་པས།།
རྣམ་དག་སེམས་པའི་འབྲོང་རྒོད་རེ་ཆད་དེ།།
སྐྱོ་གདུང་ན་བུན་སངས་ཆེད་ས་མཐར་ཡན།།

ཉི་ཟླའི་འཆར་ནུབ་ཉིན་ཞག་རེས་སུ་འཁོར།།
ལོ་ཟླའི་འཕེལ་འགྲིབ་སྤྱི་བོའི་ལས་སུ་གྲུབ།།
ཡོངས་ཁྱབ་གང་དག་གདེང་གིས་ཟིན་མོད་ཀྱང་།།
ཁྱེད་སྐུ་མུ་ཏིག་སྒྲོམ་བཟང་ཆག་པས་ཕངས།།

དམར་སེར་ལི་ཁྲིའི་ཚོན་གྱི་མདངས་བྱུག་པ།།
དམ་ཆོས་རྒྱ་མཚོ་འཕེལ་བའི་རླབས་འཕྱུར་བ།།
དགའ་ལྡན་ཆོས་འཕེལ་གླིང་བའི་སྙན་པ་ཅན།།
ཁྱེད་སྐུའི་གཟིགས་སྐྱོང་བྲལ་རྗེས་ཉམ་རེ་ང་།།

གཡུ་མདོག་ནམ་མཁའ་སྔོན་མོའི་རྒྱབ་ཡོལ་ལ།།
སྤྲིན་གྱི་ཐོར་ཚུགས་བཅངས་པའི་གསེར་ཏོག་ཆེ།།
ལྷ་ཟླས་གནམ་མཐའ་བསྐོར་པའི་ཐུགས་ཕམ་གྱིས།།
རྡུལ་གྱི་གོས་ལྭ་སྲབ་བུའི་ཐོག་ཁེབས་མནབས།།

ཉམས་རྟོགས་ཡེ་ཤེས་རང་གསལ་བླ་མའི་ཚོགས།།
བློ་གྲོས་ཐབས་རྩལ་རྒྱས་པའི་བཤེས་གཉེན་ཁག།
དབང་ཐང་མཁའ་དང་ཉམ་པའི་དཔོན་སློབ་རྣམས།།
ཁྱེད་སྐུ་འདས་གྲོངས་ཕྱིན་པས་མ་གདུང་སུ།།

སྨག་མུན་གཏིང་མཐའ་རིང་བོའི་ས་སྲོད་དེར།།
སྐྱེ་འཆིའི་རླུང་དམར་ལྡང་བ་བསིལ་ཞིང་གྲང་།།
སྐར་ཆེན་མིག་ཟུང་སྒོར་མོའི་མཆི་མའི་རྒྱུན།།
ནམ་ཞིག་སྐེམ་པའི་ཉི་གཞོན་འཆར་བར་ཤོག།

ཚོགས་གཉིས་ལྗོན་བཟང་བྱམས་པས་སྨིན་བྱས་ཤིང་།།
མི་ཟད་གཡུ་ལོ་ཞིང་འདིར་ཡང་བཀྲ་སྟེ།།
ཉོན་མོངས་ཚ་གདུག་སེལ་བའི་བསྐལ་བཟང་ཞིག།
འགྲོ་བ་བྱིངས་ལ་འཐོབ་པའི་སྙིང་རྗེས་གཟིགས།།

ཐུགས་སྨོན་གསེར་གྱི་སྒོ་ངའི་སྦུབས་གྲོལ་ནས།།
འཁྲུལ་མེད་ཁྱེའུ་དཀར་པོ་ལྟམས་འགྱུར་ཞིང་།།
མཁའ་ཁྱབ་སེམས་ཅན་དམིགས་མེད་བརྩེ་བ་ཡིས།།
བདེ་ཆེན་ཞིང་མཆོག་ཆེན་མོར་འགོད་ནུས་ཤོག།

རྫོགས་སོ།།

སརྦ་མངྒལཾ།

རྗེ་བཙུན་ཏཱ་ར་ནཱ་ཐའི་<<དཔལ་ལྡན་ཤངས་པའི་ཆོས་འབྱུང་ལས། >>
ཁྱེད་རྣམས་སྒོ་གསུམ་ཆོས་དང་བསྟུན། ངའི་རྣམ་ཐར་སྐྱོངས།
བདག་བསྟོད་སྨད་ཅི་བྱེད་ལ་ཆགས་སྡང་མ་བྱེད།
སྐྱེས་བུ་དམ་པ་སུ་དང་མཇལ་ཡང་གུས་འདུད་ཀྱིས།
རང་ལུགས་མ་སྤོང་། གཞན་ལ་མ་སྨོད།
ཐེག་པ་གསུམ་པོ་རང་རང་གི་བསམ་སྦྱོར་སྒྲུབ་ཐབས་
གོ་རིམ་ཤེས་པས་བླང་དོར་མ་འཁྲུལ་བར་གྱིས།
དེས་དཀོན་མཆོག་མི་ཁྲེལ་ཞིང་བདག་གི་བསམ་པ་རྫོགས་པ་ཡིན།
ཞེས་གསུངས།

尊者多罗那它在《贤具向巴佛教史》
中云：
“你们的三门要摄法，
秉承我的善行，
不管赞扬诽谤我都不要心生妒忌，
礼敬并亲近所有大德高僧，
自宗莫埋没，他宗勿轻蔑，
当了知无谬取舍三承法要在各自相续中如何修行的次第，
此等暨不违背佛意，又是我究竟意愿。”
如是所说当铭记于心。

明空译