࿐ ཁྱེད་དྲན།

སྲིབ་བྲལ་དུང་ཐིག་སྙན་གྱི་གསེང་མིག་བཀང་།།
མདུང་མའི་རྒྱལ་མཚན་ལྕང་ལོ་སྨུག་པོས་ཤན།།
ཟུར་གསུམ་ཕུར་བུས་སྐུ་ཆིངས་ལྷོད་ཆ་བརྒྱངས།།
འཁོར་བའི་རྟེན་འབྲེལ་མཆིམས་ཕུའི་བྲག་ཐེབ་ཟད།།
ཀློང་ཆེན་རྡོ་རྗེའི་མེ་ཏོག་འབྱེད་པའི་ཁར།།
ལྟ་བས་ཅོག་བཞག་ཆོས་ཉིད་རྗེན་པར་གླན།།
རིག་པ་གཅེར་བུས་འོད་གསལ་ཉི་མ་ལྡེས།།
དེ་ནི་རིང་ཐུང་མཚམས་ཀྱིས་མ་ཆོད་ཀྱང་།།
སྨྲ་བརྗོད་སྐྱིལ་ཀྲུང་ཞིག་པའི་ལོགས་ན་ཡོད།།

____ ཁྲི་ལྗང་མྱུག

སྐལ་བསང་འགྲོ་བའི་དད་འདུན་གསེར་གྱི་གཞིར། །
གང་འཚམ་མཛད་པའི་བྱིན་རླབས་བཀྲ་ཤིས་ཆར། །
འཇོ་བའི་རྟོགས་ལྡན་གྲུབ་པའི་དབང་ཕྱུག་ཆེ། །
གདུལ་བྱ་རྒྱ་མཚོའི་མགོན་ལ་གསོལ་བ་འདེབས། །

࿐གུང་ཐང་བསྟན་པའི་དབང་ཕྱུག་མཆོག་གིས།

࿐ཉིན་བཞིན་ཡར་རྒྱས།

འཚར་སྡུག་གི་ལང་ཚོ།
མ་བརྗེད་ཡབ་ཡུམ་ཞལ་རས། མ་བརྗེད་ད་ལྟའི་མི་སེམས་འགྱུར་ལྡོག།
ཁྱོད་ལ་རིན་མེད་ཀྱི་སྦྱིན་པ་ག་ལ་ཡོད་སྲིད། འབད་དུས་ཤེས་སེམས་བསམ།