༄༅༎དེ་རིང་བོད་ཟླ་གསུམ་པའི་ཚེས་བཅུ་ཨོ་རྒྱན་ཆེན་པོ་ཉིད་ཟ་ཧོར་རྒྱལ་པོས་གསོན་བསྲེག་མཛད་ཚེ་མེ་ཉིད་ཆུར་བསྒྱུར་བའི་རྫུ་འཕྲུལ་བསྟན་པའི་དུས་ཆེན་ཁྱད་པར་ཅན་གྱི་ཉིན་དིལ་མགོ་མཁྱེན་བརྩེ་རབ་གསལ་ཟླ་བས་ཕྱོགས་བསྒྲིགས་མཛད་པའི་སྙིང་ཐིག་རྩ་པོད་དུམ་ལྔའི་བདག་ཉིད་ཅན་གྱི་ལུང་གཟན་དཀར་སྤྲུལ་སྐུ་ཐུབ་བསྟན་ཉི་མ་སོགས་ལས་བརྒྱུད་པ་ཡོངས་སུ་རྫོགས་པར་རྫོགས་ཆེན་མཁན་ཆེན་ཁྲི་ཟུར་ཨྱོན་རིག་འཛིན་མཆོག་ལས་ཐོབ་བོ། མཁན་ཆེན་དང་འགན་འཛིན་རྣམ་སྐུ་ཚེ་བརྟན། མཛན་འཕྲིན་རྒྱས། [合十][合十][合十]
༄༅༎ པར་དང་པོའི་ནང་གི་ཕྱི་རྒྱལ་བ་འདི་རྒྱ་ནག་ཁྲི་འདུར་མག་པར་ཡོང་ནས་ལོ་བཅུ་ཟིན་འདུག་ལ། ཁོས་རྒྱ་ནག་སྐད་ཆུ་བཞུར་བཞུར་བཤད་ཤེས་གྱིན་འདུག་ལ། ཁོའི་བུ་དང་ཆུང་མ་སོགས་ཀྱིས་ཀྱང་ཁོའི་ཕ་སྐད་ཆུ་བཞུར་བཞུར་བཤད་ཤེས་གྱིན་འདུག འདི་ནི་མཉམ་གནས་རང་ཚུགས་སམ་མཉམ་གནས་འགལ་ཟླ་མིན་པའི་དཔེ་ཞིག་ཅི་ལ་མིན་མོད། འོན་ཀྱང་། འུ་ཅག་གིས་བློ་ངོར་གཅིག་ཤོས་ཐོབ་ཆེད་གཅིག་ཤོས་གཏོང་འཇོག་དགོས་པའི་སེམས་ནད་ཅིག་ཆགས་ཡོད་ལ། གནད་འདི་ནི་གཞན་སུ་ལའང་ལེ་བདའ་བྱེད་ཐབས་མེད་པ་ཞིག་རེད།
༄༅༎ སི་ཁྲོན་སློབ་ཆེན་གྱི་དངོས་མང་བཤམས་སྟོན་ཁང་ནི་ཁྲི་འདུ་གྲོང་ཁྱེར་གྱི་དངོས་མང་ཁང་དག་ལས་ཆེ་གྲས་ཤིག་ཏུ་རྩི་གིན་འདུག་ལ། བརྩིའང་འོས་ཏེ་ཞིང་ཆེན་རིམ་པའི་སློབ་ཆེན་ཅིག་གི་མིག་དཔེ་རེད། ཁྱོན་ཁང་བརྩེགས་བཞིའི་གྲུབ་འདུག་ལ་ཁང་བརྩེགས་དང་པོའི་འབའ་འབུ་སྲོག་ཆགས་དང་རྩྭ་རྩི་ཤིང་གི་རིགས་ལས། བོད་ཀྱི་རྐྱང་དཀར་དང་འཕྱི་བ།(旱獭)ཁྲུང་ཁྲུང་སྐེ་ནག་སོགས་མང་གྲས་ཤིག་གི་དམར་དཔེ་(标本)བཤམས་འདུག ཁང་བརྩེགས་གཉིས་པར་འཛུགས་སྐྲུན་དང་བཟོ་སྐྲུན། རྒྱན་གོས་དང་དད་རྫས་སོགས་མང་དག་ཅིག་བཤམས་འདུག་པའི་ཁྲོད། ཆིན་རྒྱལ་རབས་སྐབས་ཅེས་བོད་ཀྱི་མི། མིང་ལ་མདོ་བརྩན་ཅེས་པ་ཞིག་གིས་བོད་ཡིག་གི་ལམ་ནས་༼ཚེ་དཔག་དུ་མེད་པའ་ཞིས་བྱ་བ་ཐེག་པ་ཆེན་པོའ་མདོ།༽ཞེས་པའི་མདོ་ལྡེབ་ངོས་དྲུག་ཅན་གྱི་ཤོག་དྲིལ་རྙིང་པ་ཞིག་བཤམས་འདུག་ལ། བོད་ཤོག་ཀྱང་མང་ཙམ་ཅིག་བཤམས་འདུག་པར་གཞིགས་ན། བོད་ཀྱི་ཤོག་བུ་བཟོ་རྩལ་མི་དམན་པའི་གདངས་ཤིག་ཐོབ་སོང་། དེ་ནས་མུ་མཐུད་དུ་ཉུལ་ཞོར་སོང་ཙ་ན། གྲངས་ཉུང་མི་རིགས་ཀྱི་དངོས་བཤམས་ཁུལ་དུ་ཐོན་སོང་ལ། དེར་བོད་ཤར་ཕྱོགས་རྒྱལ་མོ་ཚ་བ་རོང་གཙོའི་ཁྱེར་ཡོང་བའི་བོད་དངོས་མང་ཙམ་ཅིག་བཤམས་ཡོད་པར་ཞིབ་ཀྱིས་མཇལ་བ་ཡིན་ལ། པར་བདུན་པའི་ཐང་ཀ་ཆུང་ཆུང་(ཐང་ཕྲུག袖珍唐卡)༼སྲིད་ལ་བརྒྱ་ཆའི་སྨི་༡༥ཡས་མས་དང་། ཞེང་ལ་བརྒྱ་ཆའི་སྨི་༨ཡས་མས་རེ་ལས་མི་འདུག༽དེ་འདྲ་ནི། ཡུར་གྱར་བ་བདག་གིས་མཐོང་བ་དང་པོ་ཡིན་ལ། ཐང་ཀ་དེའི་རིགས་ནི་མཐོང་བར་དཀོན་པ་ཞིག་ཀྱང་རེད། ཆགས་སྡང་དང་ཨ་ཕའི་ཁ་ཕོར་གཙང་ཞེན་མིན་ན། དངོས་ནས་གཞན་དྲིང་མི་འཇོག་པའི་བོད་མེས་པོ་དག་གི་རིག་འཕྲུལ་ལས་བཞེངས་བའི་ཐོན་རྫས་དེ་དག་གིས་གུས་པར་རིག་གནས་ཀྱི་རང་རྟོན(文化自信)་བླ་ལྷག་ཏུ་འཕེལ་བྱུང་།
བོད་ཀྱི་མགར་བཟོ་དང་ལྷ་བཟོ། རྒྱའི་རྡོ་བཟོ་༼ཛུས།(翡翠)གཡང་ཊི玉石༽སོགས་ལ་ནི་མཇལ་ཁ་མང་ཙམ་འདུག་པར་སྙམ་ལ། གཞན་དེའུ་གསུམ་ཤུལ་གནས་(三星堆)ནས་ཐོན་པའི་རྫ་ཆས་དང་རྡོ་ཆས་ཉུང་ཙམ་འདུག་པ། བོད་ལྗོངས་དངོས་མང་བཤམས་སྟོན་ཁང་གི་ཆབ་མདོ་ཁ་རུབ་ནས་ཐོན་པའི་རྫ་ཆས་དག་དང་བྲག་འགོ་ནས་གསར་རྙེད་བྱུང་་པའི་རྫ་ཆས་དག་དང་བཟོ་རྩལ་གྱི་ཕྱོགས་ནས་ཧ་ཅང་འདྲ་བོ་འདུག་བསམ་པ་ཞིག་བྱུང་སོང་། https://t.cn/zQb0yfa
བོད་ཀྱི་མགར་བཟོ་དང་ལྷ་བཟོ། རྒྱའི་རྡོ་བཟོ་༼ཛུས།(翡翠)གཡང་ཊི玉石༽སོགས་ལ་ནི་མཇལ་ཁ་མང་ཙམ་འདུག་པར་སྙམ་ལ། གཞན་དེའུ་གསུམ་ཤུལ་གནས་(三星堆)ནས་ཐོན་པའི་རྫ་ཆས་དང་རྡོ་ཆས་ཉུང་ཙམ་འདུག་པ། བོད་ལྗོངས་དངོས་མང་བཤམས་སྟོན་ཁང་གི་ཆབ་མདོ་ཁ་རུབ་ནས་ཐོན་པའི་རྫ་ཆས་དག་དང་བྲག་འགོ་ནས་གསར་རྙེད་བྱུང་་པའི་རྫ་ཆས་དག་དང་བཟོ་རྩལ་གྱི་ཕྱོགས་ནས་ཧ་ཅང་འདྲ་བོ་འདུག་བསམ་པ་ཞིག་བྱུང་སོང་། https://t.cn/zQb0yfa
✋热门推荐