࿑ བུས་མདོ་ས་ཆའི་པཎ་ཆེན་རིན་པོ་ཆེ་ཚང་གི་འཁྲུངས་ཡུལ་དང་བུས་མདོ་དགོན་ཆེན་ན་བཞུགས་པའི་སྐུ་དགུང་སོགས་ལ་མཇལ་སྐལ་ལྡན། ས་འདིར་སྐྱེས་ཆེན་ཁོང་གི་བྱིན་རླབས་ཀྱིས་ཁྱབ་ཞིང་། སྐུ་ཚེ་གང་བོར་མི་རིགས་ཤིག་གི་བླ་སྲོག་གི་དོན་དུ་སྐུ་ཚེ་ཕངས་མེད་དུ་བཏང་། སྐྱེས་ཆེན་ཁོང་གིས་བཞུད་ལམ་གྱི་དཀའ་སྡུག་མྱངས་པའང་མི་ཉུང་པས། ཤིན་ཏུ་དྲན་སླ་ཞིང་དྲན་པ་སྐྱོ་བ་རང་བཞིན་དུ་འགྱུར་ཡོང་།[合十][合十][合十]

࿑ ས་ག་ཟླ་བ་ནི་སྟོན་པ་སངས་རྒྱས་ཀྱི་དུས་ཆེན་སུམ་འཛོམས་ཡིན། སྟོན་པ་རྗེས་དྲན་གྱི་ཕྱིར་དུ་ཟླ་བ་འདི་བོད་གངས་ཅན་གྱི་དཀར་ཟས་ཟླ་བ་དང་སྡིག་མེད་ཟླ་བ་ཞིག་ཏུ་འགྱུར་བའི་རེ་བ་ཆེ། ཟླ་བ་འདིའི་ནང་ཀུན་གྱིས་ཤ་སྤང་བ་དང་དགེ་སྒྲུབ་སྡིག་སྤོང་ཅི་ནུས་བྱེད་པར་ཞུ།
མཁན་ཆེན་ཚུལ་ཁྲིམས་བློ་གྲོས་མཆོག་གིས།

࿑མི་ལུས་ཤིག་ཐོབ་ཐོབ་ལ།

རབ་ཡིན་ན་ཆོས་པ་ཞིག་འཁྱོངས་དགོས་ཀྱང་དེ་མི་འཁྱོངས།

བར་བ་མི་ཞིག་ཏུ་སྐྱེས་པ་ཙམ་ཤེས་པའི་ཆེད་དུ་འཇིག་རྟེན་པ་ཞིག་ཀྱང་འཁྱོངས་དགོས་ཀྱང་དེའང་མི་འཁྱོངས། ཐ་ན་དུད་འགྲོ་བཞིན་སུག་བཞི་བཙུགས་ནས་རྩྭ་ཟ་བའང་མི་ནུས་ན།

ད་ནི་ཅི་ནུས་ཞེས་རང་གིས་རང་ལ་མཛུབ་མོ་བཙུགས་ན་རང་ཉིད་རང་ཉིད་ལའང་ངོ་གནོང་རྒྱུ་ལས་གཞན་ཅི་ཡང་མེད་དོ།།

དོན་དངོས་ལ་ཆོས་བཤད་གྲོང་བཤད་ཀྱིས་ཁྱད་པར་འབྱེད་རྒྱུ་མེད་པར་སོ་སོའི་འཆར་ཚུལ་གྱིས་ཐག་གིས་བཅད་ཡོད།