࿐འཇམ་མགོན་བླ་མའི་གཟུགས་སྐུའི་མེ་ཏོག་གི་མཛེས་པ་ལྷུག་པོར་གྲོལ་བའི་གནས་མཆོག་རྗེ་སྐུ་འབུམ་བྱམས་པ་གླིང་གི་སྐྱབས་རྗེ་ར་ཁོ་རིན་པོ་ཆེ་གཙོས་དགེ་བའི་བཤེས་གཉེན་དག་གི་བཀའ་བགྲོས་ཐུགས་དམ་གྱི་འོ་ཆུ་གཅིག་ཏུ་འདྲེས་པས་མཉམ་མེད་ཀྱི་བཀའ་དྲིན་ལ་བརྟེན་ད་རེས་ཟབ་སྦྱོང་འཛིན་གྲྭར་ཞུགས་ཏེ་རང་ནུས་ཅི་ལྕོགས་ཀྱིས་སྦྱངས་བརྩོན་བྱས་མཐར་གང་ལ་འཚམས་ཀྱི་གྲུབ་འབྲས་མངོན་དུ་གྱུར་བ་འདི་ཡང་ཁྱེད་རྣམས་ཀྱིས་བླ་ན་མེད་པའི་ལམ་སྟོན་གྱི་སྐུ་དྲིན་ལས་མ་འདས་སོ། དེས་ན་ད་རེབ་ཀྱི་སློབ་སྐབས་འདིའི་མགོ་མཇུག་བར་གསུམ་དུ་ཐུགས་ཁུར་རྒྱབ་སྐྱོར་གནང་བ་རྣམས་ལ་དད་གུས་བླ་ན་མེད་པས་མཚམས་སྦྱར་ཏེ་ལྷག་བསམ་ཟོལ་མེད་ཀྱིས་བཀའ་དྲིན་ཞུས་པ་ལགས།
སྐུ་འབུམ་པ་པད་དཀར་རམ་ཆོས་མཆོག་རྒྱལ་མཚན་དུ་འབོད་པས། https://t.cn/z8i7NF3

࿐མཚོ་རྒྱལ་ཡང་སྤྲུལ་ལྕགས་རོང་བླ་མ་མཚོ༔

བྱང་ཆུབ་སེམས་མ་སངས་རྒྱས་བརྒྱུད་འཛིན་རྣམས༔

སྐྱེས་བུ་ཕོ་མོ་བསྟན་པའི་སྲོག་ཤིང་འཛིན༔

ཨོ་རྒྱན་ང་ལ་མོས་ཤིང་ཆོས་བརྒྱུད་སྐྱོང་༔
རིག་འཛིན་༧ཆོས་རྒྱལ་གླིང་པའི་ཕྱག་རྡོར་དྲེགས་པ་འདུལ་མཛད་ལས་སོ།།

#དབྱངས་གསལ་གླིང་།# ࿐ ཕྲན་གྱིས་འཕྲིན་ཕྲན་དང་པོད་ཕྲན་བཀོལ་ནས་ཕལ་ཆེལ་མི་ལོ་ལྔ་ལྷག་འགྲོ་ཡི་འདུག ། ད་བར་དུ་དབྱངས་གསལ་སོ་བཞི་ང་དང་འགྲོགས་ནས་དགའ་ཡ་སྡུག་རོགས་བྱས། བར་སྐབས་འདི་ནས་ངས་ཀྱང་དབྱངས་གསལ་སོ་བཞི་ལ་སེམས་གཏམ་ཞིག་སྨྲ་འདོད། ༼ དབྱངས་གསལ་སོ་བཞི། ཁྱོད་ཡོད་པས་ངའི་ཚེ་སྲོག་ལ་ལྗང་མདོག་ལྡན། དབྱངས་གསལ་སོ་བཞི། ཁྱོད་ཡོད་པས་ངའི་འབྱུང་འགྱུར་གྱི་འཚོ་བ་རེ་བས་ཁེངས། ང་ནམ་ཡང་ཁྱེད་དང་འབྲལ་མི་སྤོབས། ངའི་ཚེ་ཡི་རྒྱུན་ཐག།༽ ཅེས་ཀྱང་དབང་མེད་དུ་ནང་སེམས་ཀྱི་ཟབ་ས་ཞིག་ནས། དུང་སེམས་ཀྱི་ཁྲག་རྒྱུན་ཤུགས་ཀྱིས་འཕྱོ་བཞིན། དབྱངས་གསལ་གྱི་གདངས་ལ་དྲངས་ཏེ་སོར་མོས་འདུ་འགོད་བར་ནས་སྙིང་གཏམ་དམར་པོ་ཞིག་དབང་མེད་དུ་ངག་ནས་ཐལ་ལོ། ། སླར་མར་དབྱངས་གསལ་སོ་བཞི་ངའི་དགའ་རོགས་དང་སྐྱོ་གྲོགས་ང་ནམ་ཡང་ཁྱོད་དང་ལྷན་དུ་ཡོད། ། ཕ་སྐད་ཁྲི་ལོར་ཤོག། དབྱངས་གསལ་སོ་བཞི་སྐུ་ཚེ་བརྟན། གངས་རླབས་ཕྲེང་གིས།