བྱུ་རུ་དམར་ཆུང་།

རྨ།
ཁེར་རྐྱང་ང་ལ་ཁྱེད་ཉིད་མ་གཏོག་དྲན་རྒྱུ་འཚོར་རྒྱུ་སུ་ལས་མེད།།
ཞེ་མཐུན་བུ་མོ་ཁྱོད་རང་ཐོབ་ན་སེམས་ལ་ན་ཟུག་ཕྲན་ཙམ་མེད།།
ལས་ཀྱི་སྐལ་པ་ཁྱོད་རང་ཡོད་ན་བརྩེ་བའི་འདུན་མ་ཁྱོད་རང་ཡིན།།
སྙིང་ནས་དགའ་བའི་སྨན་ཆུང་ཁྱོད་ཉིད་ཚེ་རབས་འདི་ནས་གཏན་གྲོགས་ཡིན།།

ལས་མཐུན་བྱམས་པ་ཡིད་ལ་ཤར་དུས་དགའ་འཛོམས་བརྩེ་བའི་ལོ་ཟླ་ཡོད།།
དབྱར་གཞུང་མེ་ཏོག་ཅི་ཙམ་མཛེས་ཀྱང་ཁྱོད་ཀྱིས་འགྲན་ཡ་གང་ནས་ཡོང་།།
ཁྱོད་ཀྱི་གཤིས་རྒྱུད་འོ་མའི་རྒྱ་མཚོ་བུ་ཆུང་ང་ཡི་གཡང་རྟེན་ཡིན།།
ཁྱོད་ཀྱི་ཞལ་རིས་བྱུ་རུ་དམར་ཆུང་དཀར་ལ་དམར་བའི་མདང་ཆགས་པ།།

རྡོ་ལ་བྲིས་པའི་སྙིང་ཆུང་དམར་པོ་འཇིག་རྟེན་འདི་ནས་དྲན་ཤིང་ཡིན།།
ལྷོ་རུ་འཕུར་བའི་ཁྲུང་ཁྲུང་ཆ་གཅིག་ཁྱོད་དང་འུ་གཉིས་ལས་སྐལ་ཡིན།།
ཞེ་ལ་ཐོགས་པའི་བརྩེ་འཕྲིན་དྭངས་མ་མཆོག་གསུམ་གཏད་པའི་དད་པ་ཡིན།།
མི་འགྱུར་དམ་བཅས་བརྩེ་བའི་རྒྱ་མཚོ་སྐལ་བསྒྱུར་བར་དུ་གནས་པར་སྨོན།།

འབྲོག་ཁྱི

ཆར་ཆུའི་ཁྲོད་དུ
སྐེ་ལྕགས་ཐག་ཤར་རེ
གཉོམ་དུང་དུང་གི་མིག་ཟུང་གིས་ང་ལ་བལྟ་དུས
གཅེས་སུ་འོས་པ
སྙིང་ཉེ་བ་ཤ་ཚ་བ་ཞིག

ཅི་ཡིན་མེད་པར
ཕ་བསད་པའི་དགྲ་བོ་མཐོང་བ་ལྟར
ལྕགས་ཐག་ཕྲག་པར་བླངས་དེ
ངར་སྐད་ཀྱི་མེ་ལྕེ་སྒྲོན་ཞིང
ཞེ་སྡང་གིས་མཆེ་བ་ངོམ་ཚེ
སྙིང་ན་ཞིང་གཉོག་ན་འདོད་པ་ཞིག

འབྲོག་པ་ཚོའི་ལྷས་འདབས་ན་ཁྱོད་ཡོད་པས
སྤྱང་རྐུན་གྱི་འཇིགས་པ་ཞུ་ཞིང
རྩ་ཐང་གི་པང་དུ
ཞི་བདེ་དང་ལྷིང་འཇགས་གི་མེ་ཏོག་བཞད།

གཟའ་མཇུག་གི་བརྩམ་ཆོས། ༼ས་ག་ཟླ་བ།༽
ང་ཚོས་མཉམ་དུ་སྟོན་པ་ཐུགས་རྗེ་ཅན་རྗེས་དྲན་ཞུ།
འུ་ཚོས་མཉམ་དུ་དཀར་ཟས་ལ་རོལ
ལྗང་མདོག་ལ་དགའ་མོས་བྱེད
ཚེ་སྲོག་གཅེས།

#ས་ག་ཟླ་བ།##萨嘎月##SaGaMonTh# SaGaMonTh