࿐༼ཡངས་པའི་ཁྱོན་འདིར་ལེགས་པའི་གར་བསྒྱུར་ཞིང་།།
རྣམ་མང་ལེགས་བཤད་སྨྲ་བའི་རྒྱུ་སྐར་བཀྲམས།།
མང་དུ་ཐོས་པ་རྒྱ་མཚོའི་མཐར་སོན་ཅིང་།།
རིག་གནས་ཀུན་ལ་མི་འཇིགས་སྤོབས་པ་མཐོ།།
འགྲན་ཟླ་བྲལ་བའི་སྐད་གཉིས་སྨྲ་བ་པ།།
བློ་ལྡན་ཤེས་རབ་ཞབས་ལ་བདག་ཕྱག་འཚལ།། ༽

࿐ ང་ཡི་ཁྱེད།
ཁུག་མདུད་སྟོང་ཕྲག་གི་ཀྱོག་ལམ་བཅད་དེ།།
ཉེ་བའི་བཞི་ཤད་ཀྱི་འཁྲིས་སུ་བཞེངས་བའི།།
ལོ་སོ་བགྲེས་སོང་གི་ཟུར་རྟགས་བབས་པར།།
བརྒྱད་ཅུ་ཡར་སྟོད་ཀྱི་དབུ་ལོ་སྔོ་སྐྱ།།
སྐུ་ཚེའི་མཇུག་ཐོག་ལ་སྣམ་སྦྱར་འཁྱེར་བའི།།
ན་ནིང་ལོ་བྱང་གི་གདིང་བ་གྲུ་བཞི།།
ད་ལྟ་ཚུགས་ཐུབ་ཀྱི་ལྷུང་བཟེད་ཟླུམ་པོ།།
མ་འོང་ལོ་རྒྱུས་ཀྱི་མཁར་གསིལ་མཐོན་པོ།།
གཉུག་མར་གཞི་དུས་ཀྱི་སྟོང་ཆ་ཅི་ཡོད།།
ནར་མའི་བཟླས་བརྗོད་ཀྱིས་བསྐང་པ་དེ་རེད།།
མི་ཚེ་ལམ་ཐོག་ལ་ཉི་མ་ཤར་བས།།
སང་གི་ཕྱི་མ་ལ་ཟླ་ཚེས་བྲིས་ཡོད།།

_____ ཁྲི་ལྗང་མྱུག

࿐དགེ་འདུན་ཆོས་འཕེལ་འཁྲུངས་གཞིས་རྟེན་མཛོད་ཁང་།

根顿群培故居博物馆
མཁས་དབང་ཁོང་ལ་དགའ་ཞེན་ཅན་མི་ཉུང་བ་ཞིག་སྐབས་རེར་ཁོང་གི་འཁྲུངས་གཞིས་སུ་གཟིགས་སྐོར་དུ་ཕེབས་ཀྱིན་ཡོད་ལ། ལ་ལས་པར་འདི་ལྟ་བུ་རེ་བླངས་ཏེ་དྲན་རྟེན་དུ་ཉར་མཁན་ཡང་འདུག[鲜花] https://t.cn/A6CuF7SD