རང་གིས་རང་ལ།
བྱ་བ་བཟང་ངན་གང་དང་གང་ཡིན་ཀྱང་།།
བྱ་བ་མགོ་ནས་རྩོམ་པར་དགའ་ན་ཡང་།།
བྱ་བ་རྒྱུན་མི་འཆད་པར་མི་རྩོམ་མཁན།།
བྱ་བ་མི་འགྲུབ་པ་ཡིའི་རྒྱུ་རྐྱེན་དང་།།
བྱ་བ་མེད་པའི་མྱི་ཡིའི་རང་གཤིས་ཡིན།།
དེའི་ཕྱིར་བྱ་བ་གང་དང་གང་ཡིན་ཀྱང་།།
བྱ་བ་ཉུང་ཡང་རང་འཇོན་བསྒྲུབ་པར་བྱ།།
བྱ་བ་བཟང་ངན་གང་དང་གང་ཡིན་ཀྱང་།།
བྱ་བ་མགོ་ནས་རྩོམ་པར་དགའ་ན་ཡང་།།
བྱ་བ་རྒྱུན་མི་འཆད་པར་མི་རྩོམ་མཁན།།
བྱ་བ་མི་འགྲུབ་པ་ཡིའི་རྒྱུ་རྐྱེན་དང་།།
བྱ་བ་མེད་པའི་མྱི་ཡིའི་རང་གཤིས་ཡིན།།
དེའི་ཕྱིར་བྱ་བ་གང་དང་གང་ཡིན་ཀྱང་།།
བྱ་བ་ཉུང་ཡང་རང་འཇོན་བསྒྲུབ་པར་བྱ།།
རི་བོའི་རྩེ་ལ་འགོས་མྱོང་།།
མཚོ་མོའི་འགྲམ་ལ་སོང་མྱོང་།།
མེ་ཏོག་ཐང་ལ་བཙལ་མྱོང་།།
ཕྱུག་མོའི་ནགས་ལ་འཛུལ་མྱོང་།།
མཚམས་སྤྲིན་འདྲ་བའི་ཨ་ཇོ།།
མཐོང་རྒྱུ་མེད་པས་སྐྱོ་བ།།
མཚོ་མོའི་འགྲམ་ལ་སོང་མྱོང་།།
མེ་ཏོག་ཐང་ལ་བཙལ་མྱོང་།།
ཕྱུག་མོའི་ནགས་ལ་འཛུལ་མྱོང་།།
མཚམས་སྤྲིན་འདྲ་བའི་ཨ་ཇོ།།
མཐོང་རྒྱུ་མེད་པས་སྐྱོ་བ།།
རྨི་ལམ་འདི་ལས་སད་ན་ཅི་མ་རུང་།
སྒོ་ཤེར་རབ་རྒྱམ་མཚོས།
མི་རྟག་སེམས་ཀྱི་རྒྱལ་མོའི་ཆོ་འཕྲུལ་གྱིས། །
སྣ་ཚོགས་ལས་ཀྱི་ཤིང་རྟ་ལ་བསྐྱོན་ནས། །
ངལ་བའི་ཁུར་གྱིས་མཛད་པའི་མི་ཚེ་ནི། །
བསམ་ཞིང་བསམས་ན་བུ་ལོན་ལྕི་མོ་ཞིག །
རྩམ་ཟན་རིགས་སུ་སྐྱེས་པས་བོད་ལ་ཆགས། །
དམར་པོ་གྱོན་མཁན་ཡིན་པས་ཆོས་ལ་ཞེན། །
ཆགས་ཞེན་ཚེར་མའི་ཐག་པ་འདིས་བཅིངས་པས། །
ནུས་པ་མེད་ཀྱང་སེམས་པ་སྡོད་མི་ཚུགས། །
ཕུགས་བསམ་འཇའ་ཚོན་རྒྱང་ན་བཞད་འདྲ་བ། །
དུངས་ཤིང་ཞེན་ཏེ་དྲུང་དུ་བཏུད་པ་ན། །
ཅང་མེད་སྟོངས་པའི་ཤུལ་དུ་སྐྱོ་བ་ལས། །
རྙེད་དུ་མེད་པ་འཁོར་བའི་གཤིས་ཡིན་ནམ། །
མི་ནི་མི་སྟེ་མི་གཙང་བསམ་བློའི་མཛོད། །
མཛོད་དེའི་ཕུགས་ན་མི་ཡུལ་འདི་ཆགས་པས། །
ཆོས་རིག་འོད་དཀར་བུམ་པའི་ཁོག་ཏུ་འང་། །
དབང་འབྱོར་དུག་གི་འཁོར་ལོ་བར་མེད་བསྐོར། །
དགའ་སྐྱོའི་ཆུ་བོ་རླབས་ཀྱིས་རབ་འཁྲུགས་ཤིང་། །
འགལ་རྐྱེན་ཆར་རླུང་ཤུགས་ཀྱིས་ལྡིང་བའི་དབུས། །
རང་གི་གྲིབ་མ་གྲོགས་སུ་བསྟེན་ལ་ཡི། །
ཚེ་ཡི་གྲུ་ཆུང་འདར་མ་འདར་གྱིས་གཡོ། །
དོན་མེད་ཟད་ན་ཕངས་སེམ་ཆེ་འོ་ཟེར། །
དོན་ལྡན་བྱས་ན་མཆོག་ཏུ་བསྔགས་སོ་ཟེར། །
དོན་དང་དོན་མེད་ཚིག་གི་བསླུ་བྲིད་འོག །
ཡིད་སྐྱོའི་ངང་ཚུལ་བྱུང་ལ་འཛད་མཐའ་མེད། །
ཐུགས་རྗེའི་བདག་ཉིད་ཐུབ་པའི་ཞལ་སྒོ་ནས། །
ཚེ་འདི་རྨི་ལམ་ཐེངས་གཅིག་ཡིན་གསུངས་པས། །
ལུས་སེམས་ངལ་བའི་གོམ་པ་མཚམས་ཆད་དེ། །
རྨི་ལམ་འདི་ལས་སད་ན་ཅི་མ་རུང་། །
ཐོབ་ཤོར་བྱེ་མར་བྲིས་པའི་རི་བོང་གཟུགས། །
ནམ་ཞིག་འཆི་བའི་རླུང་གིས་ཁྱེར་རྗེས་སུ། །
རེ་དོགས་སྤྲོས་པ་བྲལ་བའི་དོན་གྱི་ཁྱིམ། །
རྙེད་པའི་སྐལ་བ་བདག་ལ་ཡོད་སྲིད་དམ། །
སྒོ་ཤེར་རབ་རྒྱམ་མཚོས།
མི་རྟག་སེམས་ཀྱི་རྒྱལ་མོའི་ཆོ་འཕྲུལ་གྱིས། །
སྣ་ཚོགས་ལས་ཀྱི་ཤིང་རྟ་ལ་བསྐྱོན་ནས། །
ངལ་བའི་ཁུར་གྱིས་མཛད་པའི་མི་ཚེ་ནི། །
བསམ་ཞིང་བསམས་ན་བུ་ལོན་ལྕི་མོ་ཞིག །
རྩམ་ཟན་རིགས་སུ་སྐྱེས་པས་བོད་ལ་ཆགས། །
དམར་པོ་གྱོན་མཁན་ཡིན་པས་ཆོས་ལ་ཞེན། །
ཆགས་ཞེན་ཚེར་མའི་ཐག་པ་འདིས་བཅིངས་པས། །
ནུས་པ་མེད་ཀྱང་སེམས་པ་སྡོད་མི་ཚུགས། །
ཕུགས་བསམ་འཇའ་ཚོན་རྒྱང་ན་བཞད་འདྲ་བ། །
དུངས་ཤིང་ཞེན་ཏེ་དྲུང་དུ་བཏུད་པ་ན། །
ཅང་མེད་སྟོངས་པའི་ཤུལ་དུ་སྐྱོ་བ་ལས། །
རྙེད་དུ་མེད་པ་འཁོར་བའི་གཤིས་ཡིན་ནམ། །
མི་ནི་མི་སྟེ་མི་གཙང་བསམ་བློའི་མཛོད། །
མཛོད་དེའི་ཕུགས་ན་མི་ཡུལ་འདི་ཆགས་པས། །
ཆོས་རིག་འོད་དཀར་བུམ་པའི་ཁོག་ཏུ་འང་། །
དབང་འབྱོར་དུག་གི་འཁོར་ལོ་བར་མེད་བསྐོར། །
དགའ་སྐྱོའི་ཆུ་བོ་རླབས་ཀྱིས་རབ་འཁྲུགས་ཤིང་། །
འགལ་རྐྱེན་ཆར་རླུང་ཤུགས་ཀྱིས་ལྡིང་བའི་དབུས། །
རང་གི་གྲིབ་མ་གྲོགས་སུ་བསྟེན་ལ་ཡི། །
ཚེ་ཡི་གྲུ་ཆུང་འདར་མ་འདར་གྱིས་གཡོ། །
དོན་མེད་ཟད་ན་ཕངས་སེམ་ཆེ་འོ་ཟེར། །
དོན་ལྡན་བྱས་ན་མཆོག་ཏུ་བསྔགས་སོ་ཟེར། །
དོན་དང་དོན་མེད་ཚིག་གི་བསླུ་བྲིད་འོག །
ཡིད་སྐྱོའི་ངང་ཚུལ་བྱུང་ལ་འཛད་མཐའ་མེད། །
ཐུགས་རྗེའི་བདག་ཉིད་ཐུབ་པའི་ཞལ་སྒོ་ནས། །
ཚེ་འདི་རྨི་ལམ་ཐེངས་གཅིག་ཡིན་གསུངས་པས། །
ལུས་སེམས་ངལ་བའི་གོམ་པ་མཚམས་ཆད་དེ། །
རྨི་ལམ་འདི་ལས་སད་ན་ཅི་མ་རུང་། །
ཐོབ་ཤོར་བྱེ་མར་བྲིས་པའི་རི་བོང་གཟུགས། །
ནམ་ཞིག་འཆི་བའི་རླུང་གིས་ཁྱེར་རྗེས་སུ། །
རེ་དོགས་སྤྲོས་པ་བྲལ་བའི་དོན་གྱི་ཁྱིམ། །
རྙེད་པའི་སྐལ་བ་བདག་ལ་ཡོད་སྲིད་དམ། །
✋热门推荐