____

ནམ་མཁའ་དྲི་མ་མེད་པའི་མདོ་ལས།
དེ་བཞིན་གཤེགས་པ་ནི་སེམས་ཅན་ཐམས་ཅད་ལ་སྣང་བ་མ་ཡིན་གྱི། དགེ་བའི་བཤེས་གཉེན་ནི་སྣང་བས་ཆོས་སྟོན་ཅིང་ཐར་བའི་ས་བོན་འདེབས་པའི་ཕྱིར། དེ་བཞིན་གཤེགས་པ་ལས་དགེ་བའི་བཤེས་གཉེན་ལྷག་པར་ཟུངས་ཤིག། ཅེས་གསུངསོ།།

མཚོ་སྐྱོམས།

ནམ་མཁའ་སྒྲིབ།

ཚེ་སྔོན་ལས་ངན་པའི་བག་ཆགས་ཀྱིས་དོན་ཆུང་གང་དག་ལ་རབ་ཏུ་འཁོན་ནས།

དངོས་ཀྱི་གནད་དོན་ཐག་གཅོད་མི་ནུས་པར་རེ་ཞིག་སེམས་ཀྱི་སྡུག་བསྔལ་ཁོ་ནར་འགྱུར་བ་དེ་ནི། ཐོས་པས་མ་འདང་བའི་སྐྱོན་ཡིན་ངེས་ལ།

བློ་སྟོབས་ཆུང་ལ་སེམས་སྦུག་དོག་པའི་སྐྱོན་ལ་ངེས།

དཔེ་ཆ་ལྟ་མཚམས་བཞག་ནས་ཡུན་རིང་སོང་ལ།

དྲན་རྒྱུ་རྒོད་དྲགས་པས་རང་ས་ནས་མ་ཐར་བར་ཡང་གང་ཙམ་འདས་སོང་།

བལྟས་ན་སྐྱིད་སྐྱིད་ལྷོད་ལྷོད་ཀྱི་ནམ་ཟླ་དེ་ནི།

སེམས་ཀྱི་སྣེ་མོར་སྡུག་གིས་ཞེ་འཁོན་པའི་དུས་ཤིག་ཡིན་པས།

ལན་འགའ་རང་ཉིད་ཀྱིས་རང་ཉིད་ལ་འཁང་ར་བྱ་རྒྱུ་དང་ཅི་འདྲའི་ཐབས་དང་སྦྱོར་བར་བསམ་བློ་བཏང་ཡང་། རེ་བ་དང་སྟོང་བསམ་གྱིས་བཞེངས་པའི་ཕུགས་ལམ་དེར་ཁོ་བོས་ཀྱང་ཁག་ཐེགས་མི་ནུས་པས།

སུ་ཞིག་ལའང་བསུན་པོ་བཟོ་མི་ནུས་ལ། དེ་བས་ཁས་ལེན་དང་མ་འོངས་ཤིག་སྤྲད་རྒྱུར་དམ་བཅའ་མི་ནུས་པས།

ཡུན་རིང་པོ་རང་ཉིད་བསྡམས་སའི་མལ་ཁང་ནས་ཕྱིར་ཐོན་ཏེ།

ཟླ་བ་གསུམ་པའི་ཟླ་སྨད་ཀྱི་དེ་རིང་ལྟ་བུའི་སེམས་ཀྱི་ངལ་བས་བསླད་པའི་ཉིན་ཞིག་ས་དེར་སྐྱོ་བསངས་ལ་ཡོང་བས།

རེ་ཞིག་མི་མེད་ལ་བྱ་བྱེའུ་སྐད་སྙན་པ། ཁོར་ཡུག་སྐྱིད་པས་གནས་སྐབས་རིང་རང་ཉིད་གསོན་པོ་ཡིན་ལ།

མཐའ་འཁོར་ནའང་མཛེས་སྡུག་གིས་སྤུངས་ཡོད་པའི་སྣང་བ་ཞིག་ངང་གིས་འཆར།

གཞན་བསམ་བློ་འདྲ་མི་འདྲ་བའི་གཏོང་བའི་བློ་དེའང་ཅུང་གུ་ཡངས་ཤིང་།

དཔེ་ཆའང་ཤོག་ལྷེ་འགའ་རེ་ལྟ་ཐུབ་སོང་བས།

གང་གི་ཙ་ན་ཉོན་མོངས་གཞོམས་ཤིང་།

རང་ཉིད་ཀྱི་སྡུག་བསྔལ་ལ་ངོས་བཟུང་བའི་སྡུག་བསྔལ་གང་དག་ལས་རྣམ་པར་རྒྱལ་བ་ཤོག

#带你毁灭这碌碌无为的人生#

དབུས་ལྷ་ལྡན་ཞིང་གི་གྲོང་འཁྱེར་ནས། །
སྤུན་དགའ་ཉེའི་ཐུགས་ཁུར་ཤིན་ཏུ་གཟབ། །
དུས་ག་དུས་ཡིན་ཀྱང་རྙོག་གྲ་བཟོས། །
དྲིན་ཆེ་བར་ངེས་སོ་སྤུན་མཆེད་རྣམས། ། ​​​