ཨ་མ་ལགས

མི་ཡུལ་གྱི་བརྩེ་བའི་བདག་མོ།

དཀར་མོ་བློ་བཟང་།

ལས་ཀྱི་ལྗོན་བཟང་རྒྱས་བའི་ཕར་ནང་ན།།
དྲན་པའི་ལོ་འདབས་འཐོར་བའི་ཚུར་ནང་ན།།
ཡལ་གའི་འདབས་མ་རེ་རེ་ལྗང་ལྡེམ་མེར།།
མི་ཡུལ་བརྩེ་བའི་བདག་མོའི་དྲིན་ལན་གསལ།།

ལང་ཚོའི་མྱུ་གུ་འབུས་བའི་ཕར་ནང་ན།།
དྲན་པའི་ཕྱིར་མིག་ཤོང་སའི་ཚུར་ནང་ན།།
སྐར་འོད་འབུམ་ཕྲག་འདུས་འདྲའི་མཁའ་དབྱིངས་ན།།
ཚེ་ལ་འོད་སྣང་བསྐྲུན་པའི་ཨ་མ་ཡོད།།

སྦྲ་ནག་ཁ་ཚུབ་དུ་བས་བསྟིམས་ས་ན།།
དགོ་དགོ་ངག་ལ་འགུག་སའི་ལྷས་ར་ན།།
བརྩེ་བའི་ཕྱག་གིས་བསྐྱངས་བའི་གཡང་ཁྱིམ་ནང་།།
ཞིམ་མངར་ཟས་སྦྱིན་གཏོང་མཁན་ཨ་མ་ཡོད།།

ལྷོ་སྤྲིན་རྒྱང་ཏུ་བཞུད་པའི་ཤུལ་ལམ་ན།།
གངས་ཀྱི་རྭ་བ་བསྐོར་བའི་དག་ཞིང་ན།།
སྒྲོལ་མའི་གསོལ་འདེབས་ངག་ལ་འགུག་མཁན་མ།།
དད་པའི་སེམས་ཁམས་ཕྱུག་པའི་ཨ་མ་ཡོད།།

ཁ་བའི་མེ་ཏོག་བརྩེགས་སའི་དོ་ར་ན།།
རྫ་ཆུ་བསིལ་བསིལ་འབབ་སའི་ཡུལ་གྲུ་ན།།
སྒྲོལ་མའི་སྒོ་དར་རླུང་གིས་བསྐྱོད་པའི་གཞིས།།
གཞིས་ཁྱིམ་དྲོད་མོ་དེ་ཡང་ཨ་མས་བསྐྲུན།།

༢༠༢༤

༥

༡༢ཉིན

བསམ་བློ་གོ་རྟོགས་ཤེས་དཔལ་ངང་གིས་རྒྱས། །
རྣམ་དཔྱོད་འཇོན་ནུས་སྤོབ་པ་གཟི་དཔལ་འཕེལ། །
ཁྱད་ཐོན་ཁྱད་འཕགས་ཁྱད་ཆོས་མངོན་དུ་རྒྱུ། །
ཁྱེད་ཚོས་གཟི་དཔལ་གོ་ལར་མངོན་པ་བཟང་། །

༢༠༢༤ ༠༥ ༠༩ ཉིན་ཡང་བསྐྱར་བསྟན་བཅོས་འདི་ཉིན་ཐོས་བསམ་སྒོམ་གསུམ་བྱེད་པའི་གོ་སྐབས་བཟང་པོ་ཐོབ་སོང་བས་ཨེ་རྨད། འདི་ཡིས་དགེ་བའི་རྩ་བ་ལ་བསྟེན་འགྲོ་བ་སེམས་ཅན་ཐམས་ཅད་ལ་ནད་མེད་ཚེ་རིང་། ཅི་བསམ་དོན་འགྲུབ་ཡོང་བར་ཤོག
2024年5月9日 继续得到了看这个书的机会、真的很高兴、所有闻修的善事愿尽快报应到、回向一切众生无病长寿、万事如意、心想事成