“མཛེས་རིག”ཅེས་པའི་ཐ་སྙད་འདིའི་བསླུ་བྲིད་ལྡོག་མ་ཐུབ་པར་ཉེ་ཆར་དྲྭ་ཐོག་ནས«མཛེས་རྟོག་རིག་པའི་འཇུག་སྒོ།»ཞེས་པའི་དཔེ་ཆ་གསར་བ་ཞིག་མཐོང་སྟེ་ཉོས། ཉོས་ནས་ཀྱང་ཀློག་ལ་ཞུགས། བོད་རྩོམ་ཞིག་གི་བྲོ་བ་གཏན་ནས་མེད་པའི་དཔེ་ཆ་འདིས་ང་རང་མགོ་རྨོངས་སུ་བཅུགས་བྱུང་། སྤྱི་ནས་ས་བཅད་རེ་རེའི་བརྗོད་བྱ་དམིགས་འདོན་བྱེད་མ་ཐུབ་པའི་སྐྱོན་དང་།རྩོམ་པ་པོའི་རང་ལུགས་མཐོང་དུ་མེད་པའི་ཁར་ལུང་ཚིག་དང་གཞུང་ཚིག་རྐྱ་འདྲེས་ནས་སོ་སོར་དགར་དུ་མེད་པ་ལྟ་བུ་ཞིག་བྲིས་པས། ཀློག་པ་པོར་འཕྲོས་རྟོག་གསར་བ་བསྐྱེད་མི་ཐུབ་པ།རིག་གཞུང་འགྱུར་རྩོམ་ཐབས་ཆག་ཅིག་ཀློག་གིན་པའི་སྣང་བ་སྟེར་བའི་རྗོད་བྱེད་ཀྱི་བསྣོལ་སྡེབ་དང་གསར་སྒྱུར་ཐ་སྙད་དག་གིས།ཀློག་པོའི་ནང་སེམས་ཀྱི་གོ་བའི་རྨང་གཞི་གདིང་མི་ཐུབ་པ། དུས་གསུམ་དང་བྱ་ཚིག་གི་རྣམ་བཞག་འཆུག་པས་སྐབས་སྐབས་སུ་སྔ་ཕྱི་གང་བཤད་ཀྱིན་ཡོད་མེད་ཀྱང་མི་ཤེས་པའི་ཆ་བདོག་གོ །བསམ་ཚུལ་འདི་དག་ང་རང་མི་སྒེར་པ་ཞིག་དང་ཀློག་པ་པོ་གཤའ་མ་ཞིག་གི་ངོས་ནས་བཤད་པ་ཙམ་ལས་སྤྱིའི་འདོད་འདུན་མཚོན་མི་ཐུབ་མོད།ང་ལ་མཚོན་ན་དཔེ་ཆ་གང་ཞིག་ཀློོག་པའི་དགོས་པ་ནི་དཔེ་ཆ་དེ་ལས་གང་ཞིག་སྔར་མ་ཤེས་པ་ཤེས་པར་འགྱུར་བ་དང་།སྔར་ཤེས་པ་རྣམས་ལ་སླར་གོ་བ་གསར་དུ་བསྐྱེད་པ་སོགས་རྔ་མོང་ཆུ་ལ་རྔམ་པ་ལྟར་ཀློག་གིན་ཡོད་ན།དུས་ཚོད་གྲོན་པ་ཕར་བཞག་སྟེ་ཤེས་བྱ་གསར་བའི་རྒྱལ་ཁམས་ཉུལ་རྒྱུར་སྤྲོ་བ་བླ་ལྷག་ཅིག་ཡོད་དོ། །མཚམས་འདི་ནས་ང་ནི་སྨུག་པས་ཟིན་པའི་རྫ་ལུང་ཞིག་ཏུ་མགོ་འཁོར་བའི་རི་དྭགས་བདག་མེད་ཅིག་ལྟར།གར་འགྲོ་འདིར་འགྲོ་མེད་པ་ཞིག་ཏུ་གྱུར་སོང་།
རེ་ཀི
རེ་ཀི
༈ དེར་བརྟེན་«རྒྱལ་རབས་གསལ་བའི་མེ་ལོང་»སོགས་མང་པོ་ཞིག་གིས་བཙན་པོའི་སྐུ་རིང་ངམ་ཡང་ན། བོད་ཀྱི་ལོ་རྒྱུས་ཁྲོད་དུ་མྱི་གསོན་པོ་དུར་འཇུག་གི་སྲོལ་ཞིག་ཀྱང་ཡོད་དེ། བཙན་པོ་འབྲོང་གཉན་ལྡེའུ་ལགས་ཀྱི་བཙུན་མོ་བློན་པོ་བཅས་པ་གསོན་པོར་དུར་འཇུག་བྱས་པ་ལྟ་བུའོ་ཞེས་པ་ནི་ནོར་བའོ། ། https://t.cn/A6tCn4m0
«ནང་པའི་ལྟ་བ་དང་ལམ་རིམ། » མིང་ཚིག་གཅིག་གིས་མཚོན་དགོས་ན“བདག”ཅེས་པའི་ཐ་སྙད་རང་མཚན་པ་འདི་ལས་འདའ་རུ་མེད་ལ། མི་གཅིག་གིས་དམ་ཆོས་ཉམས་སུ་ལེན་པའི་གོ་རིམ་མཐར་ཆགས་སུ་བྲིས་ཤིང་།དེའི་ཁྲོད་འཕྲད་ངེས་པའི་ས་དང་ལམ་གྱི་དགྲ་ཅག་ཆོམ་རྐུན་ལ་རྒོལ་བ་གཏོང་སྟངས་ཀྱིས་མཚོན། ནར་མའི་ཀུན་སྤྱོད་ཀྱི་སྤང་བླང་དང་སེམས་བཅོས་ཚུལ། དངོས་ཡོད་སྤྱི་ཚོགས་ཀྱི་དཔེ་གཞི་གསོན་པོ་དམིགས་སུ་བཟུང་ནས་འཚོ་བའི་ནང་དུ་བབས་ཏེ། ཆག་འཇོག་ལ་གསོན་ཉམས་ལྡན་ཞིང་།གནས་ལུགས་ཀྱི་ཕུ་ཐག་རིང་བ།ལྟ་སྤྱོད་ཀྱི་གནད་མདོ་ཟིན་པ་སོགས་ཕུན་སུམ་ཚོགས་པའི་འཆད་རྩལ་ལ་བརྟེན་ནས།གཏན་ཚིགས་རང་བཞིན་གྱི་དབྱེ་ཞིབ་གནད་དུ་བསྣུན་པའི་ཁྱད་ཆོས་དང་། འཆད་ཁྲིད་སྒྲ་བཤུས་མ་ཡིན་པས་རྩོམ་པའི་གོ་རིམ་ཚང་ཞིང་ཞིབ་ཚགས་ཡོད་པ་སོགས་མདོར་ན་སྲིད་པ་འདིའི་ཆོས་དངོས་ཡོད་དོ་ཅོག་གི་འབྱུང་འཇུག་ནི་མཚན་ཉིད་རིག་པའི་སྐར་ཁུང་ལས་ཇི་ལྟར་མཐོང་གི་ཡོད་མེད་སོགས་ཧ་ཅང་ཡག་པོར་གསུང་འདུག་སྙམ།
རེ་ཀི
རེ་ཀི
✋热门推荐