འཇིག་རྟེན་འདི་ཅི་འདྲའི་སྣང་མེད་དང་བརྩེ་བ་མེད་པ་ཞིག་ཡིན་རུང་།
མི་ཚེ་ཡི་རིན་ཐང་།
རྐང་རྗེས་རེ་རེ་བཞིན་དུ་འཚོལ་དགོས།
ལམ་འདི་ལ་དཀའ་ངལ་དང་ཕྲག་དོག་ཆེ་རུང་།
ང་ཡིས་འཚོ་བར་འཛིན་པའི་སེམས་ཤུགས་ནམ་ཡང་མི་ཞུམ། [月亮][月亮]

ངང་བ་དཀར་པོ།
དྲན་པ་ཡི་གཙང་བོར་རྒྱུ་བའི།།
ཡིད་འོང་གི་ངང་བ་དཀར་པོ།།
བརྩེ་ཟོམ་གྱི་ཁྲུས་ལ་རོལ་དང་།།
ཉི་འོད་ཀྱིས་དྲོད་ཁོལ་སྦྱིན་ངེས།།
ཟླ་གཞོན་གྱིས་བསིལ་བ་སྟེར་འོང་།།
ནག་ནོོག་གི་དྲི་མ་བྲལ་འགྲོ།།
དུས་ཚིགས་ཀྱི་མནར་བ་གཏོང་ཡང་།།
གཏན་འདུན་གྱི་སྙིང་སྟོབས་མ་བོར།།
བྱང་རླུང་གི་སྤུ་ལོང་རྒྱས་ཅིང་།།
མཚོ་མོ་དང་མཛའ་བརྩེ་མ་བོར།
ཁྲུང་ཁྲུང་གི་བྱ་ཁྱུའི་སྟངས་སྟབས།།
ལྷོ་མོན་གྱི་ཕྱོགས་སུ་བསྒྱུར་ཅིང་།།
ཞེ་འདང་གི་སྨོན་པ་མ་འཆོར།།
ཡིད་འོང་གི་ངང་བ་དཀར་པོ།།

རྒྱུད་གཞན་ཕལ་མོ་ཆེ་ན་རྡེ་རྗེའི་ཚིག་ཏུ་སྦས་པར་གྱུར་པ། དག་མཉམ་བདེན་པ་དབྱེར་མེད། མཚོན་བྱ་དོན་གྱི་ཡེ་ཤེས་གསལ་བར་ངོ་སྤྲོད་པའི་ཆེ་བ་དེ་ལྡན་གྱི་རྩ་རྒྱུད་གསང་བ་སྙིང་པོ་དེ་ཉིད། ཟབ་པ་མན་ངག་གི་ལུགས་ལྟར་བཀྲལ་བའི་ཀུན་མཁྱེན་རོང་རྣམ་གཉིས་ཀྱི་དགོངས་པ་བླ་ན་མེད་པ། ༸ ཀུན་མཁྱེན་མི་ཕམ་པས་སྤྱི་དོན་གྱི་ཚུལ་གྱིས་བཀྲལ་བ་གཞུང་བཟང་ཡིད་བཞིན་གྱི་ནོར་བུ་ལྟ་བུའི་སྤྱི་དོན་འོད་གསལ་སྙིང་པོ་དེ་ཉིད། མཆེད་པོ་དམ་པ་རྣམས་ཀྱིས་སྐྱེས་སྦྱོང་གི་ཤེས་རབ་མི་དམན་པ་ལ་རྟག་སྦྱོར་གྱི་འཇུག་པ་ཡངས་པོ་གྲོགས་སུ་ཁུགས་ཏེ། ཐུགས་ལ་བྱང་ཆུབ་པར་མཛད་པའི་ལེགས་བྱས་ཀྱི་མཛད་པ་གང་ལ། ཡི་རང་དང་བསྔགས་བརྗོད་ཀྱི་མེ་ཏོག་ཆར་དུ་མི་བསྙིལ་ནི་རང་དབང་མ་མཆིས་སོ། །