࿑ རྒན་གུར་མགོན་སྐྱབས་ལགས་ན་རེ། སྐུ་ཞབས་གངས་འཚོ་ལགས་ཀྱི་རྩོམ་ཡིག་རྣམས་ལ་ནི་ཁོ་བོས་ཞིབ་པར་མཇལ་མྱོང་བར་མ་ཟད། ནམ་ཡང་ལོ་རྒྱུས་བསླབ་གཞིའི་དཔྱད་ཡིག་དང་པོར་བཞག་པ་ཡིན། སློབ་ཁྲིད་ཀྱི་སྐབས་ལ་ལར་མཁས་དབང་དགེ་འདུན་ཆོས་འཕེལ་གྱི་ཕྱིས་ལ་བྱོན་པའི་ལོ་རྒྱུས་སྨྲ་བ་དོན་ལྡན་ཞིག་བཞག་ཆོག་ན་གངས་འཚོ་ཉིད་དོ་ཞེས་ངོམས་བཤད་ཀྱང་ཆེར་བྱས་མྱོང་སྟེ། དེ་ནི་རྩོམ་མཁན་ལ་མོས་ཞེན་གྱི་དབང་གིས་བག་མེད་པར་སྤོམ་ཚོད་བགྱིས་པ་མ་ཡིན་པར། དཔྱད་འབྲས་ཀྱི་གྲུབ་དོན་ལ་དཔགས་པའི་མྱོང་སྣང་ངོ་མའི་སྟབས་ཀྱིས་སོ། །རྒྱུ་མཚན་འགའ་ཞིག་ཡོད་དེ། ཡིག་རྩ་བཟང་བས་དོན་གྱི་གནད་ཟིན་པ། དོན་རྩ་ཟབ་པས་ངེས་ཤེས་གསར་པ་བསྐྱེད་པ། མདོ་རྩ་གསལ་བས་དགོས་དོན་རྫོགས་པ། རང་བཟོའི་ཉེས་པ་མེད་པས་ཁུངས་ཐུབ་པ། ཞིབ་རགས་རྣམ་དབྱེ་ཐོན་པས་གོ་རིམ་སྟབས་འགྲིག་པ། གཞན་ཡང་གང་ལུང་དྲངས་པ་རྣམས་གོད་མེད་དུ་འབབ་པ། རིགས་པས་ཉམས་བརྟག་ཚོད་བརྟག་རན་པ། ཚིག་གི་ཟུར་ཐོན་པ། དོན་གྱི་སྣེ་མ་རལ་བ། ཤེས་རབ་ཀྱི་ཟོ་རིག་ཆེ་བ། བརྗོད་པ་ཚང་ལ་མ་ནོར་མ་འཁྲུགས་པ་སོགས་ལེགས་ཚོགས་ཇི་སྙེད་ཅིག་འདུས་པ་ཉིད་དོ། །
࿑ ངེས་པ་དོན་གྱི་ལོ་རྒྱུས་སྨྲ་བ་བོ་རྒན་གངས་འཚོ་ལགས་ཀྱི་དེབ་གསར། དེབ་འདི་དགོས་མཁན་ཚོས་དེབ་སྟེང་གི་བཤེར་རིས་བརྒྱུད་ནས་འབྲེལ་དང་། གོང་བདེ་བྱེད་ཀི་ཡོད།
༼༼༼མུ་སྟེགས་གཅེར་བུ་བའི་སྙིང་སྟོབས་ལ་བསླབ་པར་བྱ༽༽༽
࿑མུ་སྟེགས་པ་རྣམས་ཀྱི་ནང་ནས་ཟད་བྱེད་གཅེར་བུ་བའི་སྤྱོད་པ་འདི་ཅུང་ཟད་ཧ་ལས་དགོས་པ་ཞིག་རེད། ལྟ་བའི་ཆ་ནས་སྲོག་བདག་ཏུ་འདོད་པ་དང་ཀུན་མཁྱེན་མེད་པར་འདོད་པ་དང་ལྗོན་ཤིང་སེམས་ལྡན་དུ་འདོད་པ་སོགས་འཁྲུལ་བ་མང་བ་ནི་སྨོས་དགོས་སོ།།
སྤྱོད་པའི་ཆ་ནས་བཤད་ན་མུ་སྟེགས་གྲུབ་མཐའ་གཞན་དང་མ་འདྲ་བ་ཞིག་ཡིན། སྤྱིར་ན་མུ་སྟེགས་གྲུབ་མཐའ་ཐོག་མར་བྱུང་ཚུལ་ནི། གྲུབ་མཐའ་རྩ་བ་ལས།
ཚེ་ལོ་དཔག་མེད་དུས་སུ་སེར་སྐྱ་ཡིས།།
གྲངས་ཅན་གཞུང་བརྩམས་དེའི་བདག་རྣམ་དབྱེ་ལ། །
སྒྲོ་བཏགས་མི་འདྲས་མུ་སྟེགས་ལུགས་མང་གྱེས།། ཞེས་གསུངས་པ་ལྟར་བསྐལ་བ་དང་བོའི་ཚེ་སྐྱེ་རྒུ་རྣམས་ཀྱིས་ཚེ་ལོ་དཔག་ཏུ་མེད་པ་ཐུབ་པའི་དུས་ཤིག་ན་བྲམ་ཟེ་སེར་སྐྱ་ཞེས་བྱ་བས་གྲངས་ཅན་གྱི་གཞུང་བརྩམས་པ་ལ་བརྟེན་ནས་དེའི་བདག་འདོད་ཚུལ་གྱི་སྟེང་ནས་ཅུང་ཟད་ཅུང་ཟད་མི་འདྲ་བ་ཆགས་ནས་ལུགས་མང་དུ་གྱེས་སོ།། སེར་སྐྱས་གཞུང་བརྩམས་པའི་དགོས་པ་ནི། ཀུན་མཁྱེན་འཇམ་དབྱངས་བཞད་པས། གཞན་དག་ལམ་ལེགས་པ་བསྟན་པའི་ཕྱིར། ཞེས་དང་།
༧གོང་ས་རྒྱལ་བའི་དབང་བོས་ཀྱང་ལྟ་བ་མི་འདྲ་བ་དང་ལམ་ལུགས་མི་འདྲ་བ་མང་བོ་ཡོད་ཀྱང་ཆོས་ལུགས་གང་དང་གང་ཡིན་ཡང་ཐོག་མར་བྱུང་དུས་གཞན་ལ་ཕན་པའི་ཕྱིར་བསྐྲུན་པ་ཡིན་གསུངས།འདིའི་ཚིག་རིས་ཇི་ལྟ་བ་མིན་ཀྱང་དོན་དེ་འདྲ་ཞིག་གསུངས་ཡོད་པ་དྲན།
ལུགས་མང་དུ་གྱེས་ཀྱང་གཙོ་བོར་གྲགས་པ་ནི། རྩ་བའི་སྡེ་དྲུག་དང། རྟོག་གེ་སྡེ་ལྔར་གྲགས་པ་སོགས་ཡིན་ལ།
དེ་དག་གི་ནང་ནས་མུ་སྟེགས་གཅེར་བུ་བ་ནི་སེམས་ཅན་གཞན་ལ་འཚེ་བ་མི་བྱེད་པ་རང་ཉིད་ཁོ་ནས་དཀའ་ཐུབ་སྤྱད་དེ་ལམ་ཉམས་སུ་ལེན་མཁན་ཞིག་ཡིན་པར་གྲགས། མ་ཟད་མུ་སྟེགས་སྡེ་བ་གཞན་དག་དང་འདྲ་བར་བ་ལང་གི་བརྟུལ་ཞུགས་སོགས་བཟུང་ནས་འདོད་ལོག་སྤྱད་དེ་ལམ་ཉམས་སུ་ལེན་མཁན་ཞིག་ཀྱང་མིན་པར་མངོན།
གཞན་དག་དེ་ལས་ལྡོག་སྟེ་རྟ་དང་བ་ལང་སོགས་ཀྱི་མཆོད་སྦྱིན་བྱེད་པ་ལ་བརྟེན་ནས་རང་གི་ལམ་ཉམས་སུ་ལེན་པ་དང་མ་དང་སྲིང་མོ་ལ་སྤྱད་ནའང་ཉེས་པ་ལས་ཐར་བ་ཡོད་པར་གྲགས།
འདི་དག་ལ་གཞིགས་ན་གཅེར་བུ་བ་ནི། མི་ཆོས་དང་བསྟུན་པ། སྒེར་སེམས་ཆུང་བ། སྙིང་སྟོབས་དང་ལྡན་པ། རྒྱུད་ན་སྙིང་རྗེ་ཡོད་པ། འདོད་པ་ཆུང་བ་འདོམས་དཀྲིས་ཙམ་ལས་དངོས་པོ་གཞན་མི་འཆང་བས་ཆོག་ཤེས་པ། དེ་ལྟ་ན་གཅེར་བུ་བའི་སྙིང་སྟོབས་དང་ཆོད་སེམས་དང་བློས་བཏང་ལ་ཅིས་ཀྱང་སློབ་སྦྱོང་ཞིག་བྱས་ཀྱང་མི་ཆོག་པ་ཅི་གདའ།
འོན་ཀྱང་ཧ་ཅང་ཡིད་སྐྱོ་དགོས་པ་ཤིག་ལ་སྙིང་སྟོབས་དེ་སྤྱོད་སའི་ཡུལ་གོལ་སོང་བ་དེ་རེད།
དེང་དུས་ཀྱི་གཞོན་རབས་པ་དག་གིས་མགོ་སེར་ཚོ་དང་མྱི་ནག་ཚོས་ས་ལྡིང་གནམ་ལྡིང་ཙམ་བྱེད་པ་ལ་སྙིང་གི་ཕུགས་སུ་མིག་དཔེ་རུ་འཛིན་པ་ལས་མུ་སྟེགས་གཅེར་བུ་བའི་སྤྱོད་པ་ལ་ཡ་མཚན་ཅུང་ཟད་སྐྱེས་ཀྱང་དེ་ལ་ཕྱིན་ཅི་ལོག་ཏུ་མི་སེམས་སོ།།
གནའ་བོའི་གཅེར་བུ་བའི་གྲུབ་མཐའ་འཛིན་མཁན་ནི་ད་ལྟ་རྒྱ་གར་བའི་ཁྲོད་ནའང་ཡོད་པར་གསལ། ལ་ལས་དུས་ངེན་ཅན་ཞིག་གི་རྗེས་སུ་ཁོ་ཚོ་གཅེར་བུར་ཁོ་ན་མི་འདུག་པར་གོས་དཀར་བོ་རྐྱང་རྐྱང་གྱོན་ཟེར། དེའང་བདེན་མོད་ཀྱང་གོས་མེད་པའང་མངོན་ནོ།།
གཅེར་བུ་བའི་མིང་གི་རྣམ་གྲངས་ལ།
གཅེར་བུ་བ། མཆོད་འོས་པ། རྒྱལ་བ་བ། ཟད་བྱེད་པ། ཕྱོགས་ཀྱི་གོས་ཅན། མཁའ་ཡི་གོས་ཅན། ཀུན་ཏུ་རྒྱུ། འཚོ་བ་བ། འཛེམ་མེད་པ། ཐལ་བ་བ། ཞེས་སོགས་ཡོད་པ་དང་མིང་མི་འདྲ་བ་རེ་རེའི་རྒྱབ་ན་འགྲེལ་བཤད་མི་འདྲ་བ་རེ་རེ་ཡོད་དོ།། ༢༠༢༣\ ༣\ ༡༠\ ཉིན་རྨ་པྲཛྙཱས།
࿑མུ་སྟེགས་པ་རྣམས་ཀྱི་ནང་ནས་ཟད་བྱེད་གཅེར་བུ་བའི་སྤྱོད་པ་འདི་ཅུང་ཟད་ཧ་ལས་དགོས་པ་ཞིག་རེད། ལྟ་བའི་ཆ་ནས་སྲོག་བདག་ཏུ་འདོད་པ་དང་ཀུན་མཁྱེན་མེད་པར་འདོད་པ་དང་ལྗོན་ཤིང་སེམས་ལྡན་དུ་འདོད་པ་སོགས་འཁྲུལ་བ་མང་བ་ནི་སྨོས་དགོས་སོ།།
སྤྱོད་པའི་ཆ་ནས་བཤད་ན་མུ་སྟེགས་གྲུབ་མཐའ་གཞན་དང་མ་འདྲ་བ་ཞིག་ཡིན། སྤྱིར་ན་མུ་སྟེགས་གྲུབ་མཐའ་ཐོག་མར་བྱུང་ཚུལ་ནི། གྲུབ་མཐའ་རྩ་བ་ལས།
ཚེ་ལོ་དཔག་མེད་དུས་སུ་སེར་སྐྱ་ཡིས།།
གྲངས་ཅན་གཞུང་བརྩམས་དེའི་བདག་རྣམ་དབྱེ་ལ། །
སྒྲོ་བཏགས་མི་འདྲས་མུ་སྟེགས་ལུགས་མང་གྱེས།། ཞེས་གསུངས་པ་ལྟར་བསྐལ་བ་དང་བོའི་ཚེ་སྐྱེ་རྒུ་རྣམས་ཀྱིས་ཚེ་ལོ་དཔག་ཏུ་མེད་པ་ཐུབ་པའི་དུས་ཤིག་ན་བྲམ་ཟེ་སེར་སྐྱ་ཞེས་བྱ་བས་གྲངས་ཅན་གྱི་གཞུང་བརྩམས་པ་ལ་བརྟེན་ནས་དེའི་བདག་འདོད་ཚུལ་གྱི་སྟེང་ནས་ཅུང་ཟད་ཅུང་ཟད་མི་འདྲ་བ་ཆགས་ནས་ལུགས་མང་དུ་གྱེས་སོ།། སེར་སྐྱས་གཞུང་བརྩམས་པའི་དགོས་པ་ནི། ཀུན་མཁྱེན་འཇམ་དབྱངས་བཞད་པས། གཞན་དག་ལམ་ལེགས་པ་བསྟན་པའི་ཕྱིར། ཞེས་དང་།
༧གོང་ས་རྒྱལ་བའི་དབང་བོས་ཀྱང་ལྟ་བ་མི་འདྲ་བ་དང་ལམ་ལུགས་མི་འདྲ་བ་མང་བོ་ཡོད་ཀྱང་ཆོས་ལུགས་གང་དང་གང་ཡིན་ཡང་ཐོག་མར་བྱུང་དུས་གཞན་ལ་ཕན་པའི་ཕྱིར་བསྐྲུན་པ་ཡིན་གསུངས།འདིའི་ཚིག་རིས་ཇི་ལྟ་བ་མིན་ཀྱང་དོན་དེ་འདྲ་ཞིག་གསུངས་ཡོད་པ་དྲན།
ལུགས་མང་དུ་གྱེས་ཀྱང་གཙོ་བོར་གྲགས་པ་ནི། རྩ་བའི་སྡེ་དྲུག་དང། རྟོག་གེ་སྡེ་ལྔར་གྲགས་པ་སོགས་ཡིན་ལ།
དེ་དག་གི་ནང་ནས་མུ་སྟེགས་གཅེར་བུ་བ་ནི་སེམས་ཅན་གཞན་ལ་འཚེ་བ་མི་བྱེད་པ་རང་ཉིད་ཁོ་ནས་དཀའ་ཐུབ་སྤྱད་དེ་ལམ་ཉམས་སུ་ལེན་མཁན་ཞིག་ཡིན་པར་གྲགས། མ་ཟད་མུ་སྟེགས་སྡེ་བ་གཞན་དག་དང་འདྲ་བར་བ་ལང་གི་བརྟུལ་ཞུགས་སོགས་བཟུང་ནས་འདོད་ལོག་སྤྱད་དེ་ལམ་ཉམས་སུ་ལེན་མཁན་ཞིག་ཀྱང་མིན་པར་མངོན།
གཞན་དག་དེ་ལས་ལྡོག་སྟེ་རྟ་དང་བ་ལང་སོགས་ཀྱི་མཆོད་སྦྱིན་བྱེད་པ་ལ་བརྟེན་ནས་རང་གི་ལམ་ཉམས་སུ་ལེན་པ་དང་མ་དང་སྲིང་མོ་ལ་སྤྱད་ནའང་ཉེས་པ་ལས་ཐར་བ་ཡོད་པར་གྲགས།
འདི་དག་ལ་གཞིགས་ན་གཅེར་བུ་བ་ནི། མི་ཆོས་དང་བསྟུན་པ། སྒེར་སེམས་ཆུང་བ། སྙིང་སྟོབས་དང་ལྡན་པ། རྒྱུད་ན་སྙིང་རྗེ་ཡོད་པ། འདོད་པ་ཆུང་བ་འདོམས་དཀྲིས་ཙམ་ལས་དངོས་པོ་གཞན་མི་འཆང་བས་ཆོག་ཤེས་པ། དེ་ལྟ་ན་གཅེར་བུ་བའི་སྙིང་སྟོབས་དང་ཆོད་སེམས་དང་བློས་བཏང་ལ་ཅིས་ཀྱང་སློབ་སྦྱོང་ཞིག་བྱས་ཀྱང་མི་ཆོག་པ་ཅི་གདའ།
འོན་ཀྱང་ཧ་ཅང་ཡིད་སྐྱོ་དགོས་པ་ཤིག་ལ་སྙིང་སྟོབས་དེ་སྤྱོད་སའི་ཡུལ་གོལ་སོང་བ་དེ་རེད།
དེང་དུས་ཀྱི་གཞོན་རབས་པ་དག་གིས་མགོ་སེར་ཚོ་དང་མྱི་ནག་ཚོས་ས་ལྡིང་གནམ་ལྡིང་ཙམ་བྱེད་པ་ལ་སྙིང་གི་ཕུགས་སུ་མིག་དཔེ་རུ་འཛིན་པ་ལས་མུ་སྟེགས་གཅེར་བུ་བའི་སྤྱོད་པ་ལ་ཡ་མཚན་ཅུང་ཟད་སྐྱེས་ཀྱང་དེ་ལ་ཕྱིན་ཅི་ལོག་ཏུ་མི་སེམས་སོ།།
གནའ་བོའི་གཅེར་བུ་བའི་གྲུབ་མཐའ་འཛིན་མཁན་ནི་ད་ལྟ་རྒྱ་གར་བའི་ཁྲོད་ནའང་ཡོད་པར་གསལ། ལ་ལས་དུས་ངེན་ཅན་ཞིག་གི་རྗེས་སུ་ཁོ་ཚོ་གཅེར་བུར་ཁོ་ན་མི་འདུག་པར་གོས་དཀར་བོ་རྐྱང་རྐྱང་གྱོན་ཟེར། དེའང་བདེན་མོད་ཀྱང་གོས་མེད་པའང་མངོན་ནོ།།
གཅེར་བུ་བའི་མིང་གི་རྣམ་གྲངས་ལ།
གཅེར་བུ་བ། མཆོད་འོས་པ། རྒྱལ་བ་བ། ཟད་བྱེད་པ། ཕྱོགས་ཀྱི་གོས་ཅན། མཁའ་ཡི་གོས་ཅན། ཀུན་ཏུ་རྒྱུ། འཚོ་བ་བ། འཛེམ་མེད་པ། ཐལ་བ་བ། ཞེས་སོགས་ཡོད་པ་དང་མིང་མི་འདྲ་བ་རེ་རེའི་རྒྱབ་ན་འགྲེལ་བཤད་མི་འདྲ་བ་རེ་རེ་ཡོད་དོ།། ༢༠༢༣\ ༣\ ༡༠\ ཉིན་རྨ་པྲཛྙཱས།
✋热门推荐