བདག་ཅག་གི་སྟོན་པ་ཆོས་ཅན།

ས་ག་ཟླ་བའི་ནང་འཁྲུངས་པ་ཡིན་ཏེ།

ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཟླ་བ་གང་ལ་བཙས། ཞེས་ཞུས་པ་ན། ཁྱིམ་བདག་དཔྱིད་ཟླ་ཐ་ཆུང་ལ་འོ་ཞེས་གསུངས་པའི་ཕྱིར།
བདག་ཅག་གི་སྟོན་པ་ཆོས་ཅན། ས་གའི་ཚེས་བདུན་ལ་འཁྲུངས་ཏེ། ཡར་ལྡོག་གི་རྩིས་བྱེད་པ་ནའང་དེའི་ཟླ་སྐར་ལ་བདུན་ཤར་བའི་རི་མོ་འཁྲུལ་མེད་དུ་འབེབས་ཐུབ་པ་གང་ཞིག

ཚེས་བདུན་ལ་བལྟམས་པ་ཡོན་ཏན་འོད་ཀྱིས་མཛད་པར་གྲགས་པའི་མདོ་རྩའི་འགྲེལ་ཆུང་དང་། ཉེ་བར་འཁོར་གཉིས་པ་མཚོ་སྣ་པའི་མཆན་འགྲེལ་སོགས་ཀྱི་དགོངས་པ་ཡིན་པའི་ཕྱིར་དང་། དཔལ་ལྡན་ཕུག་པ་བའི་མཁས་མང་འདུས་པའི་ཚོགས་ཀྱིས་མགྲིན་གཅིག་དབྱངས་གཅིག་མཛད་པའི་ཕྱིར་རོ།།
ས་ཟླའི་ཡར་ཚེས་བདུན་པ་ཆོས་ཅན།

དུས་སྟོན་བྱ་འོས་པའི་དམིགས་བསལ་གྱི་ཉིན་མོ་ཡིན་ཏེ།

འགྲོ་བ་ཡོངས་ཀྱི་སྐྱབས་མཆོག་བླ་ན་མ་མཆིས་པ་སྟོན་པ་མཉམ་མེད་གང་ཉིད་སྐུ་བལྟམས་པའི་དུས་ཚེས་ཡིན་པའི་ཕྱིར།

རྟགས་ཚད་མ། ཁྱབ་སྟེ། སྟོན་པའི་འཁྲུངས་ཚེས་ལ་དུས་སྟོན་བྱ་དགོས་པ་མདོ་རྩ་སོགས་འདུལ་ལུང་དག་ཏུ་ཡང་ཡང་གསུངས་པས་སོ།། [调皮][玫瑰][玫瑰][合十][合十][蛋糕][蛋糕]

མདོ་ལས།

དགེ་བའི་བཤེས་གཉེན་བལྟ་བ་ལ་ངོམས་པ་མེད་པར་གྱིས་ཤིག

དེ་ཅིའི་ཕྱིར་ཞེ་ན།

དགེ་བའི་བཤེས་གཉེན་རྣམས་ནི་མཐོང་བར་དཀའ་འོ།།

འབྱུང་བར་དཀའ་འོ།།

མཇལ་བར་དཀའ་འོ།།

མིའུ་ཐུང་གོམ་པས་གཞལ་བའི་ས་ཡི་ཁམས།། ཕལ་བའི་བློ་ཡིས་མི་ལྕོག་ཡུལ་གྱི་ཐིག། ཚན་རིག་གྲངས་ཀྱིས་གཞལ་བ་ངལ་བའི་འགྲོས།། དཔྱོད་ལྡན་དབྱངས་ཅན་ལྡིང་ཁང་བསྟོད་པའི་གནས།། བརྗོད་བྱ་དོན་གྱི་ཡུལ་ཐིག་གསང་བའི་གནད།། རྗོད་བྱེད་ཚིག་གི་སྡེབ་སྦྱོར་གཙང་མའི་ཁམས།། གཏན་ཚིགས་གསུམ་གྱིས་གཞལ་བ་རིག་པའི་བཅུད།། གངས་ཀྱི་སྣོད་བཅུད་གསོ་བའི་དཔལ་དུ་བརྗིད།། — ཅེས་པ་འདི་ཡང་ཉེ་ཆར་གཞོན་ནུ་རྩོམ་པ་པོ་དབྱངས་ཅན་ལྡིང་ཁང་གིས་བྱང་ཁོག་ཡུལ་ཐིག་བརྗོད་གཞིར་བཟུང་ནས་རྩོད་རྒྱུགས་དམ་བཅའ་ལེགས་པར་གྲུབ་པ་ལ་ཤར་གྱི་འབྲོག་རྒན་བན་ཤུལ་པས་དགའ་བ་དང་བཅས་རྟེན་འབྲེལ་ཙམ་དུ། [庆祝][庆祝][庆祝]