࿑ དོན་འགྲུབ་རྒྱལ་གྱི་གླེང་གཞི་དང་འབྲེལ་ནས་རང་ངོས་ནས་དགོད་གཏམ་ཞེས་ལབ་ཆོག་པའི་གཏམ་རྒྱུད་ངོ་མཚར་བ་ཞིག་བྱུང་མྱོང་། དེ་ཡང་ལོ་ག་ཚོད་ཡིན་མིན་གསལ་ཐག་ཆོད་པ་ཞིག་མ་ངེས་ཀྱང་སྐབས་དེ་དུས་ང་རང་གནས་སའི་འཁོར་ཡུག་འདིར་རྩོམ་ཞེས་པའི་ཤུགས་རྐྱེན་གྱི་ཚ་རླབས་ཕྱུར་སྒང་ཞིག་ཡིན། ཉིན་ཞིག་རང་ལ་དོན་འགྲུབ་རྒྱལ་གྱི་བརྩམས་སྒྲུང་བཀླག་པའི་གོ་སྐབས་ཤིག་ཐོབ་སྟེ་ཤར་མར་དེབ་ཆ་ཚང་ལ་བལྟས། དེ་རྗེས་གྲལ་མཚེས་གྲྭ་བ་ཞིག་ལ་དེའི་སྐོར་གྱི་ངོ་སྤྲོད་རགས་ཙམ་ཞུས་པས།

ཁོས་ངེས་པར་དུ་དེབ་དེ་གཡར་དགོས་པའི་ཞུ་བ་མང་ཙམ་འཐེན་རྗེས་ངས་ལྐོག་ནས་དེབ་དེ་གཡར་རྒྱུ་བྱས་པ་ཡིན།

ཁོ་ལའང་སྒྲུང་དེབ་དེས་ཡིད་འགུལ་ཐེབས་སུ་བཅུག་པས་ཁོས་རིམ་གྲོ་འདོན་སྐབས་ཀྱང་གཟན་གྱི་ཐུ་འོག་ནས་བཀླགས་པས་དགེ་རྒན་གྱི་སྤྱན་འོག་ཏུ་ཚུད་སོང་།

མ་གཞི་དེབ་དེ་དགེ་རྒན་གྱི་ཡིན་པས་ཁོང་གིས་ང་ལ་འགྲམ་ལྕག་ཚ་བེར་བེར་གཅིག་གཉིས་ཤིག་བྱིན། དེ་ནི་དོན་འགྲུབ་རྒྱལ་དང་འབྲེལ་ནས་ང་ལ་བག་ཆགས་བཞག་པ་ཟབ་ཤོས་ཡིན། དེ་ནས་བཟུང་དོན་འགྲུབ་རྒྱལ་གླེང་འོང་ཚེ་ངས་འགྲམ་ལྕག་དེ་དྲན་འོང་ལ་དེ་དང་འབྲེལ་ནས་ཁོང་གི་སྒྲུང་གཏམ《སད་ཀྱིས་བཅོམ་པའི་མེ་ཏོག་》དང་《སྤྲུལ་སྐུ》《ཚུལ་ཁྲིམས་རྒྱ་མཚོ》སོགས་ཀྱི་བརྗོད་བྱའང་ཤར་མར་དྲན་འོང་།

སྟོན་པ་རྗེས་དྲན།
སྤྱིར་ས་ག་ཟླ་བ་ནི་སྐར་མ་ས་ག་ཤར་བའི་དུས་ཚོད་ཞིག་ཡིན་ལ་དེ་ནི་སྤྲེལ་ཟླའི་ཚེས་པ་བཅུ་ལྔ་ནས་བྱ་ཟླའི་ཚེས་པ་བཅུ་ལྔའི་བར་དུ་ཡིན་པར་བཤད་ཡོད།

དེ་ལྟ་བུ་ས་ག་ཟླ་བའི་ནང་དུ་སྟོན་པ་སྐུ་འཁྲུངས་པ།

སངས་རྒྱས་པ། མྱང་ནང་ལས་འདས་པ་སོགས་དུས་ཆེན་ཁྱད་པར་ཅན་མང་དུ་བྱུང་ཡོད་ལ།

ལྷག་པར་དུ་དེ་རིང་བཞི་པའི་ཚེས་པ་བརྒྱད་དེ་མཉམ་མེད་ཤཱཀྱའི་རྒྱལ་པོ་མུན་ནག་གི་འཇིག་རྟེན་གསལ་བའི་སྒྲོན་མེ་གང་དེ་རང་རེ་སྐལ་བཟང་རྣམ་འདྲེན་བཞི་པ་ཐུབ་པའི་དབང་པོ་དེ་ཉིད་སྐུ་འཁྲུངས་བའི་དུས་ཚོད་ཁྱད་པར་ཅན་ཡིན་པར་གྲགས། སྟོན་པ་ནི་སྤྱི་ལོ་སྔོན་གྱིབ 623 ལོར་སྐུ་འཁྲུང་ཞིང་ད་བར་ལོ་ཚིག 2647 འགོར་ཡོད་པར་སེམས།

མིའུ་ཐུང་གོམ་པས་གཞལ་བའི་ས་ཡི་ཁམས།། ཕལ་བའི་བློ་ཡིས་མི་ལྕོག་ཡུལ་གྱི་ཐིག། ཚན་རིག་གྲངས་ཀྱིས་གཞལ་བ་ངལ་བའི་འགྲོས།། དཔྱོད་ལྡན་དབྱངས་ཅན་ལྡིང་ཁང་བསྟོད་པའི་གནས།། བརྗོད་བྱ་དོན་གྱི་ཡུལ་ཐིག་གསང་བའི་གནད།། རྗོད་བྱེད་ཚིག་གི་སྡེབ་སྦྱོར་གཙང་མའི་ཁམས།། གཏན་ཚིགས་གསུམ་གྱིས་གཞལ་བ་རིག་པའི་བཅུད།། གངས་ཀྱི་སྣོད་བཅུད་གསོ་བའི་དཔལ་དུ་བརྗིད།། — ཅེས་པ་འདི་ཡང་ཉེ་ཆར་གཞོན་ནུ་རྩོམ་པ་པོ་དབྱངས་ཅན་ལྡིང་ཁང་གིས་བྱང་ཁོག་ཡུལ་ཐིག་བརྗོད་གཞིར་བཟུང་ནས་རྩོད་རྒྱུགས་དམ་བཅའ་ལེགས་པར་གྲུབ་པ་ལ་ཤར་གྱི་འབྲོག་རྒན་བན་ཤུལ་པས་དགའ་བ་དང་བཅས་རྟེན་འབྲེལ་ཙམ་དུ། [庆祝][庆祝][庆祝]