艾威日前在接受《香港01》的《矚目配角》訪問時，談到當年拜關海山（蝦叔），至今仍謹記對方的教誨，就是3個字「唔好做」，「即係唔好表演，要真實咁喺戲劇世界裏面生活，呢3個字係金石良言。」就是這個金石良言，所以在艾威的演戲世界中，完全沒有人們常說演員間「鬥戲」、「飆戲」這樣的概念，他覺得演戲就是要在戲劇世界裏面生活，「我同好多人嘅睇法唔同，我覺得唔應該用一個鬥嘅態度，係享受一齊（拍戲）開心嘅時間。」

而這個金石良言艾威也沿用至今。問到他演藝生涯至今，最喜歡的作品？艾威表示最喜歡《三面形醫》，因首次做男主角。還有《情濃大地》裏面的「關天福」，因他的角色可以牽引成套劇的主線，非常好玩，而近年的代表作則是《家族榮耀》中的「何啟禮」，因很有滿足感。

艾威特別講起在《家族榮耀》中有場戲，他跟楊怡兩個人對飲，開工前他已與監製和導演講好，如果要拍他飲酒的戲，麻煩助導安排到最後才拍，因為他一定要飲真酒，用真的感覺去做這件事，「該場戲雖然枱面係清酒，但其實我放咗支紅酒喺後面，因為我控制不到清酒，但我可以控制到紅酒，最後我係飲晒一支紅酒。做戲好得意嘅，如果你真真正正入到戲，能夠喺個角色世界裏面出發，你會係好過癮。」

艾威續言該場戲本身有幾句對白是劇本沒有的，他也不是要搶戲或者什麼執生，「別人經常講執生，我覺得係唔成立嘅，而係我喺嗰個環境、喺嗰個角色裏面，我就係要講嗰幾句說話。呢個經驗係非常之過癮。」

由於《家族榮耀》贏得收視口碑，故緊接開拍第二輯《家族榮耀之繼承者》，艾威也有份參與，他表示雖然戲份不多只得兩集，但拍完覺得過癮，「因為今次的角色有點難度，演一個痴線佬，拍完導演都收貨。」

【On.cc】陳展鵬北京宣傳　網民大讚普通話好叫返內地拍劇

視帝陳展鵬擔演的無綫劇集《香港人在北京》現時熱播中，由於內地收視、口碑比香港還要好，故日前展鵬都應邀到內地接受傳媒訪問，宣傳一番。展鵬接受東網訪問時謂：「我都估唔到內地咁多好評，真係好開心，頭10集播咗觀眾都好鍾意，好少港劇反應咁好，所以今次都專登上去做咗好多訪問。」展鵬接受內地訪問時，坦言很喜歡內地張頌文，他謂：「因為我覺得演員去到一個位置，他很懂得去挑甚麼角色適合自己，就是我演的一定要比之前更好，但是你看到張頌文老師他演甚麼都可以，他很投入，他的方法是不一樣的。」網民看過展鵬的訪問後，大讚他的普通話說得很純正，亦期待他可到內地拍多些劇集。

陳展鵬擔演的《香港人在北京》內地反應甚佳。

日前展鵬專程到北京接受訪問。

此外，展鵬日前帶同妻女單文柔及小豬比到主題公園遊玩，穿着Elsa公主服的小豬比又靚又可愛，更與爸爸、媽媽擺甫士影相，樣子愈大愈精緻。

展鵬與女兒小豬比到主題樂園玩，不忘家庭樂。

小豬比寫信比邊個咁用心？

小豬比愈大愈靚女。

甫士多多成日搶晒媽咪鏡。

#陈展鹏[超话]#

同是10尾月生日的陳蕾及 洪嘉豪（Kaho) ，兩人不單止好朋友，連人生事業命運也一起起飛，昨日兩人聯合舉行生日會跟歌迷慶生辰之外，洪嘉豪更驚喜宣佈將於明年4月12-13日會開其首個個人紅館演唱會，而已宣佈3月開紅館的陳蕾，就公告兩場的紅館騷內部認購爆瀉，再加開 3月5日 一場！生日雙喜臨門，十分開心。

生日會上，兩人fans club 聯合送上一個森友的三層蛋糕，而華納高層亦特別為二人準備了一個一手頂著紅館模型的生日蛋糕，上面印上Panther、及洪嘉豪名字。兩人台上十分搞笑，陳蕾反問 洪嘉豪，「我就話開紅館，做咩有你個名？想我請你做嘉賓？」 洪嘉豪即陰陰笑驚喜宣告，「唔好意思，你3月唔好搞污糟個紅館，因為我4月要用！」隨即全場院友( 洪嘉豪fans)開心驚叫歡呼連連。大會更為兩人準備了香檳祝酒， 洪嘉豪開香檳後，大家叫兩人合巹交杯，不過陳蕾同 洪嘉豪兩個就扮聽唔到， 洪嘉豪更抵死笑話: 「合緊拳頭就得。」又細細聲同陳蕾講: 「你係男人我唔介意.....哈哈」

接受訪問時，陳蕾就表示， 「未試過係婚禮場地搞歌迷會，不知他們什麼意思，個蛋糕又三層，又叫我哋兩個...拖手、合巹都唔會啦，哈哈。剛一齊切蛋糕個陣都有啲怪，切燒豬咁.....哈哈。」歌迷手上的手幅，搞鬼寫《陳豪生日快樂》， 洪嘉豪表示，因為疫情時搞過陳豪線上互動，所以就用番這個名，我地曾經當時想過叫陳豪加入live 一齊傾計，不過佢唔得閒，下次生日會其實可以請埋佢來一齊慶祝。

演唱會反應熱烈，宣告加場，陳蕾表示自己剛於日本工作回來，聽到這個消息當然開心，始終入行多年終於等到一個屬於自己大型演唱會。至於生日許了什麼生日願望？「都係個 d 啦，好平凡人希望的事，生日會去旅行。但係我許願許得長，係會幫埋身邊好朋友許願，就等於舊年我真係有許願洪嘉豪可以開紅館，我舊年個生日願望實現咗啦，哈哈。」
問到會不會互邀對方做自己演唱會的嘉賓， 陳蕾就話冇準備搵 洪嘉豪，「我問過佢，假如佢來做到我的要求，我係會俾佢做，不過佢唔肯。」而身邊的 洪嘉豪就笑著反駁，「佢要我做個啲嘢，唔係一般人做到，好離譜㗎，我係唔肯！」陳蕾: 「我只係要佢玩一個樂器！不過唔好話佢，佢叫我，我都一樣唔肯，哈哈哈。我都唔會答應。」

而 洪嘉豪就表示覺得陳蕾應該擁有一個自己Style的演唱會，「我做嘉賓，似係食緊日本菜突然有人拿煲打邊爐上枱一樣，會破壞左。驚搶佢風頭？唔會啦，佢咁有台型。我點搶到，哈哈。」不過他表示一定會現身支持，並且不會像上一次一樣，食錯嘢成個騷不停去廁所。今次會去晒廁所先，坐定定欣賞。

談到他今日開心宣佈明年4月會擁有人生第一次紅館騷，「當然又開心又興奮，依家準備開兩場先，公司有問過我希望開幾多場 ，我話我無限㗎！哈哈，開到幾多場都可以，講笑啫，心態係無限啦，無論幾多場都好，我都會做到最好，全力以赴囉。依家都要開始開會籌備，上次戶外演唱會我覺得自己太瘦，所以今次會努力操肌，希望到時可以大隻番少少。至於生日願望，其實我年年都差唔多，慶幸都達成到，唔講出嚟啦，話會唔靈呀。依家年紀大咗，反而更想孝順父母，珍惜相聚時光，所以生日會請家人吃飯，會特別選去吃媽咪最鐘意的大閘蟹。」

此外陳蕾及洪嘉豪更於生日會終極抽獎環節時加碼，送出自己演唱會第一行門票2張，令現場歌迷開心到飛起。