བརྩོན་འགྲུས་ཀྱི་རྟ་ཕོ་བཅིབ་ཐུབ་པར་སྨོན།

ཐུབ་པའི་གསུང་རབ་རྒྱ་མཚོ་རེད། །
ཐུབ་པའི་ལམ་ལུགས་འཚེ་མེད་རེད། །
ཐུབ་པའི་ལྟ་བ་རྟེན་འབྲེལ་རེད། །
ཐུབ་པའི་ཐུགས་རྒྱུད་བརྩེ་བ་རེད། །

དེ་རྣམས་དཔོག་པའི་བློ་ཞན་ཡང་། །
བདག་ཉིད་གར་སྐྱེས་གར་འགྲོ་ཡང་། །
ཐུབ་པའི་མཚན་ཐོས་ཡུལ་ཕྱོགས་དང་། །
ལེ་ལོའི་སྣང་བ་བྲལ་བར་ཤོག །

༢༠༢༤

༥ ༡༨ བརྩེ་མིང་པས་དགེ་བའི་ཚེས་ལ་སྨོན་ལམ་འདེབས་པའོ། །

#2024龙年请祈祷莲师# 【莲师心咒】
བཛྲ་གུ་རུ་ལན་གཅིག་བརྗོད་པ་ཡི༔
莲师心咒念一遍，
དེ་ལ་གཟུགས་མཆིས་འཛམ་གླིང་སྣོད་དུ་ཆུང་༔
若有色体世难容，
འདི་ཉིད་མཐོང་ཐོས་དྲན་པའི་སེམས་ཅན་ཀུན༔
此见闻忆诸有情，
རིག་འཛིན་ཕོ་མོའི་གྲལ་དུ་འཁོད་པར་ངེས༔
定置持明男女列。
བསླུ་མེད་བཛྲ་གུ་རུའི་བདེན་ཚིག་ལ༔
无欺彼咒谛实句，
གང་འདོད་བཀའ་བཞིན་འགྲུབ་པར་མ་གྱུར་ན༔
愿欲按教未成办，
པདྨ་ང་ཡིས་སེམས་ཅན་བསླུས་སོ་ཨང་༔
则我莲师欺有情，
མི་བསླུ་ངེས་པས་བཀའ་བཞིན་བསྒྲུབ་པར་གྱིས༔
定无欺故依教行。

—— གཏེར་ཆེན་ཀརྨ་གླིང་པས་སོ།
——伏藏大师噶玛朗巴

莲师心咒:
嗡阿吽班杂格热班玛色德吽

ཙོང་ཁའི་དམངས་གཞས།

ཙོང་ཁའི་སྐྱེས་རིའི་སྒང་ནས། །
བསང་བཏང་དུང་འབུད་བྱས་ཡོད། །
དཀར་ཕྱོགས་སྐྱོང་བ་ཡོད་ན། །
བདག་ལ་སྡོང་གྲོགས་མཛོད་ཅིག །

སླར་མཇལ་ཡོང་བར་བསམས་ཏེ། །
གཟིམ་ཆུང་སྒེའུ་ཁུང་མ་གཏན། །
ཕྱི་ནང་ས་རྡུལ་ཆགས་ཀྱང་། །
སེམས་ཀྱི་རེ་ཐག་མ་ཆད། །

ནས་རྩམ་གསར་བ་འཐག་ཡོད། །
མར་ལྟང་ཕྱུར་བ་བསགས་ཡོད། །
ཞོགས་པའི་འོ་ཇའི་ཕུད་མཆོད། །
སེམས་ཀྱི་མི་ལ་བཏེགས་ཡོད། །

དུས་བཞིའི་འགྱུར་ལྡོག་ཁྲོད་ནས། །
གངས་ཀྱི་རང་མདངས་མ་ཉམས། །
དགའ་སྐྱོ་འཚོ་བའི་བར་ནས། །
ཕན་ཚུན་བརྩེ་འདང་མ་འགྱུར། །

ཙོང་ཆུ་སྔོན་མོའི་འགྲམ་གྱི། །
སྦྲ་ནག་སྨུག་པོའི་འདབས་ནས། །
འཛངས་མ་ཤིང་བཟའ་ཨ་ཆོས། །
མཁའ་འགྲོས་ཁྲུས་གསོལ་གནང་སོང་། །

རང་སྣང་མཐོན་པོ་མ་བཅའ། །
ཙོང་ཁའི་སྐྱེས་རི་མཐོ་བ། །
ཕྱི་ཐག་རིང་བར་བསམས་ན། །
ཙོང་ཆུ་སྔོན་མོའི་རྒྱུན་བྱོས། །

རས་པ་སྐལ་ལྡན་རྒྱ་མཚོ། །
ཞིང་སྐྱོང་མ་ཎི་དུང་སྒྲུབ། །
བླ་སློབ་མཉམ་དུ་འཛོམས་ན། །
བྱིན་ཆར་འབབ་པར་འདུག་གོ །