བོད་ཀྱི་གདོད་མའི་རུས་ཚན་གྱེས་ཚུལ་སྐོར་ལའང་བཤད་སྲོལ་འདྲ་མིན་སྣ་ཚོགས་མཆིས་ཀྱང་། རུས་ཚན་གྱི་མ་ལག་འདྲེན་ཚུལ་ཅུང་ཆ་ཚང་བ་ཞིག་ལ་འདི་ལྟར་སྣང་སྟེ། ཕ་སྤྲེལ་རྒན་བྱང་ཆུབ་སེམས་དཔའ་དེའི་རྒྱུད་རིམ་པར་འཕེལ་ཞིང་། རུས་རིགས་བཞི་རུ་དབྱེ་བ་ལ།  སེ་དང་། རྨུ། ལྡོང་དང་། སྟོང་སྟེ་བཞིའོ།། ཡང《རྒྱ་བོད་ཡིག་ཚང་ཆེན་མོ 》ལས། དེའང་སྔོན་དང་པོ། ཡུལ་དམའ་ཁ་ཤུལ་གཡག་ཞུར་གྱི་གོང་ཁ་བྱ་བར། སྲིད་པའི་རྒྱལ་བུ་ཐིང་གི་ཞེས་པ་ལ། བུ་གསུམ་བྱུང་བ། རྒྱ་བོད་ཧོར་གསུམ་དུ་གྱེས་པའི། བོད་མི་ཁྲི་དོ་ཆེན་པོ་བྱ་བ་དེ་ལ། བུ་དྲུག་བྱུང་བ་ནི། དབྲའ་འབྲུ་ལྡོང་གསུམ་ལྒ་དང་བཞི། །ནུ་བོ་དབས་བརྡའ་གཉིས་དང་དྲུག །བོད་ཀྱི་མི་རྒྱུད་དྲུག་པོ་དེས། །དམའ་ཁ་ཤུ་རས་འདེབས་སྟག་པ་དེར། །བོད་མི་གསུམ་བུ་དྲུག་ས་བགོས་བྱས། །ལྡོང་གིས་པ་མ་ལེ་པང་ཐོབ། །དབྲ་ཡིས་དབྲ་མོ་རབ་བཀྲ་ཐོབ། །འབྲུ་ཡིས་འབྲུ་མོ་ཕྲོམ་ཕྲོམ་ཐོབ། །སྒ་ཡི་ལྒར་མ་མེ་པོ་ཐོབ། །དབས་བརྡས་རྒྱ་བོད་ས་མཚམས་སུ།།མཚམས་ཀྱི་མདའ་དར་གོང་མ་བཟུང་།།ཞེས་གསུངས་སོ།།

རྒྱ་གར་བས་ཨམ་ཟེར་བའི་ཤིང་ཏོག་འདི་ལ་བོད་པས་ཨ་མྲ་ཞེས་བསྒྱུར་འདུག །སིལ་ཏོག་འདི་ཧ་ཅང་ཞིམ་པོ་ཞིག་རེད། ང་འདི་ཟ་རྒྱུ་དང་འདིའི་ཁུ་བ་འཐུང་རྒྱུ་ལ་དགའ། ཁ་ཤས་ཀྱིས་འདིས་ཚ་བ་ལ་གནོད་ཟེར་མོད། ང་ལ་དེ་འདྲའི་ཚོར་སྣང་གང་ཡང་ཡོང་མྱོང་མེད།

དོན་མེད་ཧབ་ཆའི་ཀློང་གི་རྩེད་འཇོ་ལ་མ་གཡེང་།།
དོན་ལྡན་གཞུང་ལ་ངལ་བ་ཅུང་ཙམ་རེ་བསྟེན་ན།།
དོན་དམ་ཀུན་རྫོབ་དཔྱོད་པའི་བློ་མིག་དེ་མེད་ཀྱང་།།
དོན་བཟང་ལས་ལ་ཞུགས་པའི་གཟུཊ་བརྙན་ཙམ་ལོས་ཡིན།།