࿐ཞབས་དཀར་པས།
རྣམ་རྟོག་སྤྲིན་ཕུང་དྭངས་སུ་གཅུག །
སེམས་ཀྱི་ནམ་མཁར་ཧྲིག་གེར་བལྟ།།
ཉམས་ཀྱི་འཇའ་ཚོན་ཅི་ཤར་ཡང་།།
དེ་ལ་ཆེད་འཛིན་མེད་པར་བཞག །

夏嘎巴尊者：

散开妄念云，
直视心虚空，
于觉受彩虹，
不执而安住。

࿐ང་ཚོ་ཀུ་རེ་ལྟ་བུའི་འཁོར་བ་འདིར་འཚོ་བཞིན་ཡོད་ཅང་།

ཧ་ཅང་ནན་ཏན་ཡིན་ཁུལ་གྱིས་རང་གིས་རང་ལ་གཟེབ་དྲྭ་བཟོ་དགོས་དོན་མེད

-རྫོང་སར་མཁྱེན་བརྩེས་ནས།

༄༅།།ཚེ་རབས་རྗེས་འཛིན་གྱི་གསོལ་འདེབས་

ཞེས་བྱ་བ་བཞུགས་སོ། །
࿑ རྣམ་དག་བསླབ་གསུམ་རྩ་བ་རབ་བརྟན་ཅིང་།།

མདོ་སྔགས་ཆོས་ཚུལ་གཟིགས་པའི་ཡེ་ཤེས་ཀྱིས།། ཡོན་ཏན་ཁོ་ལག་རྒྱ་མཚོའི་ཁྱོན་བརྒལ་བ།། བཤེས་གཉེན་དཔག་བསམ་དབང་བོར་གསོལ་བ་འདེབས།།
འདུལ་བ་འབུམ་སྡེར་ཡོན་ཤཱཀ་རྣམ་གཉིས་དང་།།ཚད་མའི་གཞུང་ལ་ཕྱོགས་གླང་ཆོས་གྲགས་བཞིན། ། མངོན་པའི་སྡེ་ལ་ཐོགས་མེད་སྐུ་མཆེད་དང་།།དབུ་མའི་གཞུང་ལ་ཀླུ་སྒྲུབ་ཡབ་སྲས་ལྟར།། མིང་ཙམ་མིན་པའི་དོན་གྱི་དགེ་བའི་བཤེས།། དཔལ་ལྡན་བླ་མ་ཁྱོད་ལ་གསོལ་བ་འདེབས།།
འདི་དང་ཕྱི་མ་བར་དོའི་གནས་སྐབས་སུ།། འབྲལ་མེད་དགྱེས་བཞིན་རྗེས་སུ་བཟུང་དུ་གསོལ།། དེང་ནས་སྐྱེ་བའི་ཕྲེང་བ་ཐམས་ཅད་སྟེ།། ཁྱོད་དང་རྨི་ལམ་དུ་ཡང་མི་འབྲལ་ཞིང་།། ཟུང་འཇུག་རྡོ་རྗེ་འཆང་གི་ས་ཐོབ་ཤོག །

ཅེས་པ་འདི་ནི་ཤཱཀྱཱའི་དགེ་སྦྱོང་གུང་ཐང་བསྟན་པའི་དབང་ཕྱུག་གིས་མཛད་པའོ།
࿐མདོ་རྒྱུད་རྒྱ་མཚོའི་མངའ་བདག་མཁས་ཤིང་གྲུབ་པའི་དབང་ཕྱུག་གནས་ལྔ་རིག་པའི་པཎྚིཏ་ཆེན་པོ། བདག་གི་ཡབ་རྗེ་བླ་མ་མཚན་བརྗོད་པར་དཀའ་བ་དོན་གྱིས་སླད་དུ་མཚན་ནས་སྨྲོས་ན ༧ རྗེ་བཙུན་ཡེ་ཤེས་རྒྱ་མཚོ་དཔལ་བཟང་པོའི་ཞལ་སྔ་ནས་ཞེས་བགྱི་བའི་དགོངས་རྫོགས་སུ་དམིགས་ཏེ་གཟའ་སྐར་འཕྲོད་སྦྱོར་ཕུན་སུམ་ཚོགས་པའི་ཉིན་འདིར། བདག་གིས་མདོ་སྨད་ཀྱི་ཆོས་གྲྭ་ཆེན་པོ་ཀླུ་ཚང་དགོན་གྱི་འདུས་སྡེ་རིན་པོ་ཆེར། དེ་རིང་ཉིན་གཅིག་གི་མཆོད་པས་བསྙེན་བཀུར་བྱས་ཐོག རྗེ་བཙུན་བླ་མ་མཆོག་དང་ནམ་ཡང་མི་འབྲལ་ཞིང་ས་བཅུའི་ལམ་ལྔ་རིམ་གྱིས་བགྲོད་དེ་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པའི་ཆེད་དུ། ཐུགས་སྨོན་རྣམ་པར་དག་པའི་བསྔོ་སྨོན་གྱི་མཚམས་སྦྱོར་དུ་གྲྭ་ཚང་རིན་པོ་ཆེས་རྒྱལ་བའི་བཀའ་འགྱུར་རོ་ཅོག་དག་ཚར་གཅིག་གསུངས་པ་དགེའོ།
༧དེ་ཡང་། --དུས་འཁོར་རྩ་བའི་རྒྱུད་ལས།

བླ་མ་འདས་པའི་ལོ་ཟླ་ཚེས་གྲངས་དག ། ངེས་པར་བཟུང་སྟེ་མཆོད་པ་བྱས་གྱུར་ན། ། བསྐལ་པར་བསཊ་པའི་སྡིག་པ་རབ་བཅོམ་ནས། ། ཤིན་ཏུ་མི་བཟད་གཤིན་རྗེའི་གྲོང་ལས་ཐར། ། སྟོང་གསུམ་སྐྱེ་བོའི་མིག་བྲལ་སྲོག་ཉམས་ལ། ། མིག་དང་སྲོག་སྦྱིན་པས་ཀྱང་དཔེར་མི་ཕོད། ། ཀྱེེེ་རྡོར་གྱི་རྒྱུད་ལས། གཞན་གྱིས་སྦྱོར་མིན་ལྷན་ཅིག་སྐྱེས།།གང་དུ་ཡང་ནི་མི་རྙེད་པ།།བླ་མས་འདི་ལྟར་བསྟན་པ་དང་།།རང་གི་བསོད་ནམས་ལས་བཞིན་བྱ།།

ཡང་རྒྱུད་ལས།

གང་གིས་བསྐལ་བ་བྱེ་བ་རུ།།ལྷ་སྐུ་འབུམ་ཕྲག་བསྒོམ་པ་ལས།།བླ་མ་སྐད་ཅིག་དྲན་པ་མཆོག།ཅེས་གསུངས་པ་ལྟར་བླ་མ་རྗེས་སུ་དྲན་པ་ཤིན་ཏུ་གལ་ཆེའོ།།