བོད་ཡུལ་ཆོས་ལུགས་རྣམ་པ་བཞི་ནི།
༄༅། །དོན་རྒྱུད་གཙོར་འཛིན་གསང་སྔགས་རྙིང་མ་བ། །ལྟ་བ་མཐོ་སྙེགས་སྤྱོད་པ་བརླིང་ལ་དགྱེས། །
ཕལ་ཆེར་རིག་འཛིན་ས་རྙོགས་གྲུབ་པ་ཐོབ། །སྔགས་པ་མང་ཞིང་ནུས་པ་གཞན་ལས་ཆེ། །
མོས་གུས་གཙོར་འཛིན་འགྲོ་མགོན་བཀའ་བརྒྱུད་པ། །བརྒྱུད་པའི་བྱིན་རླབས་ཞུགས་པས་གོ་ཆོད་མང་། །
སྒོམ་སྲན་ཆེ་བ་ཕལ་ཆེར་གྲུབ་པ་ཐོབ། །རྙིང་མ་བ་དང་འདྲ་མ་འདྲེས་ཀྱང་ཡིན། །
མཁས་ཚུལ་གཙོར་འཛིན་རི་བོ་དགེ་ལྡན་པ། །དཔྱད་སྒོམ་ལ་དགའ་རྩོད་པའི་ཕྱོགས་ལ་དགྱེས། །
སྤྱོད་པ་མིག་ལྟོས་མཛེས་པས་ཀུན་ཡིད་འཕྲོག །འདུ་མང་འབྱོར་ལྡན་དཔེ་ཆའི་སྦྱང་རྩོལ་མང་། །
བསྙེན་སྒྲུབ་གཙོར་བྱེད་དཔལ་ལྡན་ས་སྐྱ་པ། །བཟླས་སྒོམ་སྟོབས་ཀྱི་བྱིན་རླབས་ཞུགས་པ་མང་། །
རང་ཕྱོགས་ཆེ་འཛིན་རྒྱུན་གྱི་ཐུགས་དམ་བཟང་། །སུ་ལ་འགྲན་ཀྱང་ཀུན་གྱི་ཆ་ཤས་ཡོད། །
ཨེ་མ་བོད་ཡུལ་ཆོས་ལུགས་རྣམ་པ་བཞི། །དོན་གྱི་ཁུངས་གཅིག་མོས་སྣང་སོ་སོར་ཤར། །
སུ་ལ་ཞུགས་ཀྱང་ཚུལ་བཞིན་ཉམས་བླང་ན། །མཁས་དང་གྲུབ་པའི་ཡོན་ཏན་འབྱུང་བའི་ཕྱིར། །
ཕ་གཅིག་མ་གཅིག་བུ་ཚ་ཇི་བཞིན་དུ། །ཕན་ཚུན་ཐུགས་མཐུན་མོས་གུས་དག་སྣང་སྒོམས། །
རང་ལུགས་གཙོར་བཟུང་གཞན་ལ་གཤེ་བ་སྤོང་། །དེ་ལྟར་མཛད་ན་བསྟན་ཞབས་འདིར་ཡང་ལེགས། །
མེ་སྤྲེལ་ཟླ་གཅིག་པའི་ཚེས་སུམ་ཅུ་ལ་མི་ཕམ་པས་བྲིས་པ་མངྒ་ལཾ།། https://t.cn/R2WxDxO
༄༅། །དོན་རྒྱུད་གཙོར་འཛིན་གསང་སྔགས་རྙིང་མ་བ། །ལྟ་བ་མཐོ་སྙེགས་སྤྱོད་པ་བརླིང་ལ་དགྱེས། །
ཕལ་ཆེར་རིག་འཛིན་ས་རྙོགས་གྲུབ་པ་ཐོབ། །སྔགས་པ་མང་ཞིང་ནུས་པ་གཞན་ལས་ཆེ། །
མོས་གུས་གཙོར་འཛིན་འགྲོ་མགོན་བཀའ་བརྒྱུད་པ། །བརྒྱུད་པའི་བྱིན་རླབས་ཞུགས་པས་གོ་ཆོད་མང་། །
སྒོམ་སྲན་ཆེ་བ་ཕལ་ཆེར་གྲུབ་པ་ཐོབ། །རྙིང་མ་བ་དང་འདྲ་མ་འདྲེས་ཀྱང་ཡིན། །
མཁས་ཚུལ་གཙོར་འཛིན་རི་བོ་དགེ་ལྡན་པ། །དཔྱད་སྒོམ་ལ་དགའ་རྩོད་པའི་ཕྱོགས་ལ་དགྱེས། །
སྤྱོད་པ་མིག་ལྟོས་མཛེས་པས་ཀུན་ཡིད་འཕྲོག །འདུ་མང་འབྱོར་ལྡན་དཔེ་ཆའི་སྦྱང་རྩོལ་མང་། །
བསྙེན་སྒྲུབ་གཙོར་བྱེད་དཔལ་ལྡན་ས་སྐྱ་པ། །བཟླས་སྒོམ་སྟོབས་ཀྱི་བྱིན་རླབས་ཞུགས་པ་མང་། །
རང་ཕྱོགས་ཆེ་འཛིན་རྒྱུན་གྱི་ཐུགས་དམ་བཟང་། །སུ་ལ་འགྲན་ཀྱང་ཀུན་གྱི་ཆ་ཤས་ཡོད། །
ཨེ་མ་བོད་ཡུལ་ཆོས་ལུགས་རྣམ་པ་བཞི། །དོན་གྱི་ཁུངས་གཅིག་མོས་སྣང་སོ་སོར་ཤར། །
སུ་ལ་ཞུགས་ཀྱང་ཚུལ་བཞིན་ཉམས་བླང་ན། །མཁས་དང་གྲུབ་པའི་ཡོན་ཏན་འབྱུང་བའི་ཕྱིར། །
ཕ་གཅིག་མ་གཅིག་བུ་ཚ་ཇི་བཞིན་དུ། །ཕན་ཚུན་ཐུགས་མཐུན་མོས་གུས་དག་སྣང་སྒོམས། །
རང་ལུགས་གཙོར་བཟུང་གཞན་ལ་གཤེ་བ་སྤོང་། །དེ་ལྟར་མཛད་ན་བསྟན་ཞབས་འདིར་ཡང་ལེགས། །
མེ་སྤྲེལ་ཟླ་གཅིག་པའི་ཚེས་སུམ་ཅུ་ལ་མི་ཕམ་པས་བྲིས་པ་མངྒ་ལཾ།། https://t.cn/R2WxDxO
༄༅། །དགེ་བཤེས་ཁ་རག་སྒོམ་ཆུང་གི་གདམས་པ།
ཕན་མེད་བདུན།
སྐྱབས་འགྲོ་ནས་སྔགས་ཀྱི་བར་དུ་སྡོམ་པ་ཐམས་ཅད་བླངས་ཀྱང་། འཇིག་རྟེན་པའི་ཆོས་ལས་བློ་མ་ལོག་ན་ཕན་མེད། དུས་རྒྱུན་དུ་གཞན་ལ་ཆོས་འཆད་ཀྱང་། རང་གི་ང་རྒྱལ་མ་ཞི་ན་ཕན་མེད། ཡར་སྐྱེད་སྟོན་ཀྱང་། སྐྱབས་འགྲོའི་ཆོས་གཞུག་ཤོར་ན་ཕན་མེད། ཉིན་མཚན་མེད་པར་དགེ་སྦྱོར་ལ་འབད་ཀྱང་། བྱང་ཆུབ་སེམས་ཀྱིས་མ་ཟིན་ན་ཕན་མེད། ཀུན་བཏགས་གཞན་དབང་ལ་སོགས་པ་གཏན་ལ་ཕེབས་ཀྱང་། སྒྱུ་མ་ལྟ་བུར་མ་ཤེས་ཕན་མེད། སྡེ་སྣོད་གསུམ་ཤེས་ཀྱང་། བླ་མ་ལ་མོས་གུས་མེད་ན་ཕན་མེད། སྟོང་པ་ཉིད་བསྒོམས་ཀྱང་། ཉོན་མོངས་པའི་གཉེན་པོར་མ་སོང་ན་ཕན་མེད
ཕན་མེད་བདུན།
སྐྱབས་འགྲོ་ནས་སྔགས་ཀྱི་བར་དུ་སྡོམ་པ་ཐམས་ཅད་བླངས་ཀྱང་། འཇིག་རྟེན་པའི་ཆོས་ལས་བློ་མ་ལོག་ན་ཕན་མེད། དུས་རྒྱུན་དུ་གཞན་ལ་ཆོས་འཆད་ཀྱང་། རང་གི་ང་རྒྱལ་མ་ཞི་ན་ཕན་མེད། ཡར་སྐྱེད་སྟོན་ཀྱང་། སྐྱབས་འགྲོའི་ཆོས་གཞུག་ཤོར་ན་ཕན་མེད། ཉིན་མཚན་མེད་པར་དགེ་སྦྱོར་ལ་འབད་ཀྱང་། བྱང་ཆུབ་སེམས་ཀྱིས་མ་ཟིན་ན་ཕན་མེད། ཀུན་བཏགས་གཞན་དབང་ལ་སོགས་པ་གཏན་ལ་ཕེབས་ཀྱང་། སྒྱུ་མ་ལྟ་བུར་མ་ཤེས་ཕན་མེད། སྡེ་སྣོད་གསུམ་ཤེས་ཀྱང་། བླ་མ་ལ་མོས་གུས་མེད་ན་ཕན་མེད། སྟོང་པ་ཉིད་བསྒོམས་ཀྱང་། ཉོན་མོངས་པའི་གཉེན་པོར་མ་སོང་ན་ཕན་མེད
༄༅།།རི་དབང་ལྟ་བུའི་དམ་པ་མཁན་ཆེན་ཚུལ་ཁྲིམས་བློ་གྲོས་ལ་མཇལ་བ།།
རིས་སུ་མ་ལྷུང་བའི་སྤྱན་གྱི་བསིལ་གྲིབ་སྣུམ་པོ།
འགྲོ་བ་རིགས་དྲུག་གི་འཚོ་གནས་སུ་བསྟབས་ཤིང་།
ཆགས་སྡང་གི་བཙན་ས་བཀག་པའི་ཤུལ་ན་དམ་པ་ལགས།
ཁྱེད་ནི་ས་དགེ་བཀའ་རྙིང་གི་དཔང་པོར་བཞུགས་ནས།
འབྲས་སྐྱ་ཕོར་གང་ལ་གསོལ་ཚིག་གཏད་པ།
སྡིག་ཤ་བཅད་ཟིན་པའི་ཕྱག་རྟགས་སུ་བསྣམས།
དམ་པ་ལགས། ངོ་མ་ཁྱེད་ལྟ་བུའི་སྐྱེས་བུ་ཞིག
གངས་ཀྱི་རི་བོའི་སྲིད་པ་འདིར་གཏན་དུ་འཇགས་ན།
རྒྱལ་ཁམས་ཀྱི་གཡུལ་རྩོད་ཞི་ནས། གྲུབ་མཐའ་ལ་སུ་ཞིག་གིས་ཟིང་ཆ་སློང་ཐུབ།
ཀྱེ་ཀྱེ་གསེར་གྱི་རི་དབང་ལྟ་བུའི་དམ་པ་ཁྱེད།
གང་དུ་བཞུགས་ས་ནས་སེམས་ཅན་ལ་གཟིགས་ཤིང་།
སྙིང་རྗེ་ཡི་དབང་གིས་མ་ཎི་ཡིག་དྲུག་གི་འཁོར་ལོ་ཕྱག་ཏུ་ཐོགས།
གནམ་འོག་གི་སེང་གེ་སྲབ་མེད།
ནམ་ཡིན་ཡང་ངས་ཁྱེད་ཀྱི་ཞབས་པད་སྤྱི་གཙུག་ཏུ་བླངས་ན།
ཁྱེད་ཀྱིས་ལྐོག་གྱུར་གྱི་ཀ་ཁ་བར་མཚམས་མེད་པར་སྩོལ་དགོས།
རོང་བོ་དགེ་འདུན་ལྷུན་འགྲུབ་ཀྱིས་ཕུལ།
རིས་སུ་མ་ལྷུང་བའི་སྤྱན་གྱི་བསིལ་གྲིབ་སྣུམ་པོ།
འགྲོ་བ་རིགས་དྲུག་གི་འཚོ་གནས་སུ་བསྟབས་ཤིང་།
ཆགས་སྡང་གི་བཙན་ས་བཀག་པའི་ཤུལ་ན་དམ་པ་ལགས།
ཁྱེད་ནི་ས་དགེ་བཀའ་རྙིང་གི་དཔང་པོར་བཞུགས་ནས།
འབྲས་སྐྱ་ཕོར་གང་ལ་གསོལ་ཚིག་གཏད་པ།
སྡིག་ཤ་བཅད་ཟིན་པའི་ཕྱག་རྟགས་སུ་བསྣམས།
དམ་པ་ལགས། ངོ་མ་ཁྱེད་ལྟ་བུའི་སྐྱེས་བུ་ཞིག
གངས་ཀྱི་རི་བོའི་སྲིད་པ་འདིར་གཏན་དུ་འཇགས་ན།
རྒྱལ་ཁམས་ཀྱི་གཡུལ་རྩོད་ཞི་ནས། གྲུབ་མཐའ་ལ་སུ་ཞིག་གིས་ཟིང་ཆ་སློང་ཐུབ།
ཀྱེ་ཀྱེ་གསེར་གྱི་རི་དབང་ལྟ་བུའི་དམ་པ་ཁྱེད།
གང་དུ་བཞུགས་ས་ནས་སེམས་ཅན་ལ་གཟིགས་ཤིང་།
སྙིང་རྗེ་ཡི་དབང་གིས་མ་ཎི་ཡིག་དྲུག་གི་འཁོར་ལོ་ཕྱག་ཏུ་ཐོགས།
གནམ་འོག་གི་སེང་གེ་སྲབ་མེད།
ནམ་ཡིན་ཡང་ངས་ཁྱེད་ཀྱི་ཞབས་པད་སྤྱི་གཙུག་ཏུ་བླངས་ན།
ཁྱེད་ཀྱིས་ལྐོག་གྱུར་གྱི་ཀ་ཁ་བར་མཚམས་མེད་པར་སྩོལ་དགོས།
རོང་བོ་དགེ་འདུན་ལྷུན་འགྲུབ་ཀྱིས་ཕུལ།
✋热门推荐