མཛེས་པ་སྣོད་ཀྱི་འཇིག་རྟེན་ཁམས།།
ཚོར་ཤེས་ཟུར་ལ་བརྡར་བ་ན།།

སིམ་པའི་ལོངས་སྤྱོད་མངར་བའི་ཆ།།
ཞེན་ཆགས་སེམས་ཀྱི་གསེབ་ལ་འཐིམ་སོང་།།
༢༠༢༡/༥༢༡/

དཔལ་ལྡན་སྨད་རྒྱུད་ནས།

སྨན་ཤུལ་ཐབས་མཁས་ཀྱིས།

རྩྭ་ཐང་ནས་འཁྲུངས་པའི་བྱང་ཆུབ་སེམས་དཔའ།

༡༩༢༦______ ༡༩༩༠
རྩྭ་ཐང་ནས་འཁྲུངས་ཤིང་། རྩྭ་ཐང་ནས་བོད་མི་རིགས་ཀྱི་སྐད་དང་རིག་གནས་དོན་དུ་མི་ཚེ་སྐྱེལ་བའི་རིག་པའི་དཔའ་བོ་ཁྱོད། སྐད་དང་རིག་གནས་ཀྱི་དོན་དུ་བསམ་བཞིན་འཁྲུངས་པ་ལར་ནས་ཚོར། མི་ཚེ་ཧྲིལ་བོར་རང་གི་འཇོན་ནུས་ཡོད་ཚད་གཞན་དོན་ཁོ་ན་ལ་འབུལ་བའི་རིགས་ཞེན་གྱི་ལྷག་བསམ་དཀར་བའི་རིག་པའི་དཔའ་བོ་ཞིག ཕ་ཡུལ་མཛོད་དགེ་བའི་རྩྭ་ཐང་ལ་ཤེས་རིག་གི་སྒྲོན་མེ་འདེགས་པའི་རིགས་ཀྱི་བུ།
ཁྱོད་འཁྲུངས་པ་ནས་མཛོད་དགེ་བའི་ཁ་ཕྱོགས་རྙེད་སོང་ལ། ཁྱོད་ཀྱི་ཐུགས་རྗེ་ལས་འཁྲུངས་པའི་ཤེས་རིག་གི་དགའ་ཚལ་དག་ཡོད་པ་ནས་མཛོད་དགེའི་རྩྭ་ཐང་ཆེན་མོ་ནས་ཤེས་རིག་གི་ཉི་འོད་གཟིམས་མ་མྱོང་། ཁྱེད་ཀྱིས་བྱམས་ཀྱིས་བསྐྱངས་ཞིང་། རིགས་ལ་བཞག་པའི་མཛད་རྗེས་དང་ཕ་ཡུལ་ལ་བཞག་པའི་བཀའ་དྲིན། ས་ཆེན་པོའི་མཐའ་ལས་ཡངས་ལ། གནམ་སྔོན་པོའི་མཐིང་གིས་མི་ཁེབས། ཁྱེད་ནི་དད་ལྡན་སློབ་བུ་མང་པོའི་སེམས་ཁོང་གི་རིག་པའི་དེད་དཔོན་དང་རྩྭ་ཐང་གི་དྲོད་འཇམ་ལྡན་པའི་ཉི་མའི་དཀྱིལ་འཁོར་དེ་ཡིན།
ཁྱེད་ཀྱི་བཀའ་དྲིན་ལ་བརྟེན་ནས་མཛོད་དགེའི་རྩྭ་ཐང་གི་འབྲོག་ཕྲུག་མང་པོ་ཞིག་གིས་རེ་བ་དང་ཡིད་ཆེས་ཀྱིས་ཁེངས་པའི་འཚོ་བ་གསར་བ་ཞིིག་རྙེད་སོང་། ཁྱེད་ནི་མི་ཚོགས་ཞིག་གིས་ནམ་ཡང་བརྗེད་དུ་མེད་ལ་ནམ་ཡང་གུས་ཕྱག་དང་མཆོད་པ་འབུལ་ས་ཡིན།
སློབ་དཔོན་ལགས། ཨ་ཁུ་ཉི་མ། ཁྱེད་ནི་རྩྭ་ཐང་གི་ཉི་འོད། མི་རིགས་ཀྱི་སྙིང་སྟོབས་ཡིན་ལ། ལོ་རྒྱུས་ཀྱི་རྡོ་རིང་དང་མཛོད་དགེ་བའི་གཟི་བརྗིད་ཡང་ཡིན།
སློབ་དཔོན་ལགས། སླར་ཡང་ཕ་ཡུལ་དུ་འཁྲུངས་པར་ཤོག།
______ ༢༠༢༡/༥/༡༨ཉིན། གུས་པ་ཀིར་སྒར་བས།

རྒྱལ་ཡོངས་ཀྱི་མི་གྲངས་ཞིབ་བཤེར་ཐེངས་བདུན་པ།

༢༠༢༡ལོའི་ཟླ་༥པའི་ཚེས་༡༡ཉིན། ★ པེ་ཅིན།

       དེ་རིང་སྟེ་ཚེས་བཅུ་གཅིག་ཉིན་གྱི་སྔ་དྲོའི་ཆུ་ཚོད་བཅུ་པའི་སྟེང་། རྒྱལ་སྲིད་སྤྱི་ཁྱབ་ཁང་གིས་གསར་འགྱུར་ཁྱབ་བསྒྲགས་ཚོགས་འདུ་འཚོགས་ནས། རྒྱལ་ཡོངས་ཀྱི་མི་གྲངས་ཞིབ་བཤེར་ཐེངས་བདུན་པའི་མཇུག་འབྲས་ངོ་སྤྲོད་དང་གསར་འགོད་པའི་དྲི་བར་ལན་བཏབ། རྒྱལ་ཁབ་བསྡོམས་རྩིས་ཅུས་ཀྱི་འགོ་འཛིན་ཉིང་ཅི་ཀྲའེ་ཡིས་ཚོགས་ཐོག་ཏུ་བསྟན་དོན། རྒྱལ་ཡོངས་སུ་ཁྱོན་བསྡོམས་མི་གྲངས་དུང་ཕྱུར་བཅུ་བཞི་དང་བྱེ་བ་གཅིག་ས་ཡ་གཅིག་འབུམ་བདུན་ཁྲི་བརྒྱད་ཡོད་པ་དང་། དེ༢༠༡༠ལོའི་མི་གྲངས་བསྡོམས་འབོར་དུང་ཕྱུར་བཅུ་གསུམ་དང་བྱེ་བ་གསུམ་ས་ཡ་དགུ་འབུམ་བདུན་ཁྲི་གཉིས་དང་བསྡུར་ན་མི་གྲངས་བྱེ་བ་བདུན་དང་ས་ཡ་གཉིས་ཁྲི་དྲུག་ཇེ་མང་དུ་སོང་ཡོད་ཅིང་། འཕར་ཚད་བརྒྱ་ཆའི་༥.༣༨རེད། ལོ་རེའི་ཆ་སྙོམས་འཕར་ཚད་བརྒྱ་ཆའི་༠.༥༣ལ་སླེབས་པ་དང་། ༢༠༠༠ལོ་ནས༢༠༡༠ལོའི་བར་གྱི་ལོ་རེའི་ཆ་སྙོམས་འཕར་ཚད་བརྒྱ་ཆའི་༠.༥༧་ལས་བརྒྱ་ཆའི་༠.༠༤མར་ཆག་ཡོད། གཞི་གྲངས་ལས་མངོན་པ་ལྟར་ན། རང་རྒྱལ་གྱི་མི་གྲངས་ལོ༡༠ཡི་ནང་མུ་མཐུད་དུ་འཕར་ཚད་དམའ་བའི་རྣམ་པ་རྒྱུན་འཁྱོངས་བྱས་ཡོད།